Pinadapa ng Boston Celtics ang NBA champion Milwaukee Bucks sa score na 108-95.
Dahil dito, naipuwersa ng Boston ang serye patungo sa isang decisive game seven sa kanilang Eastern Conference playoff series.
Si forward Jayson Tatum ang bumida sa panig ng Boston matapos tumipa ng 46 points.
Humakot din si Jaylen Brown ng 22 points habang nakasungkit naman si point guard Marcus Smart ng 21 points para sa Celtics.
Mayroon nang limang gintong medalya ang Pilipinas sa nagpapatuloy na 31st Southeast Asian Games sa Hanoi, Vietnam.
Ang mga atletang nakakuha nito ay sina; Filipino olympian at gymnast Carlos Yulo, Francine Padios ng Pencak Silat, Kurash Athlete Jack Escarpe, Gina Inion-Araos ng Womens’ Kickboxing at Jean Claude Saclag ng 63.5 kilogram Kickboxing finals.
Sa kabuuan, mayroon nang 28 medalya ng Pilipinas na kinabibilangan ng; 5 gold, 11 silver at 12 bronze.
Inilabas na ng South East Asian o Sea Games Federation Council ang listahan ng mga bansang napili bilang host sa mga susunod na Sea games.
Ayon sa mga opisyal ng konseho gaganapin ang 2023 sea games sa Cambodia habang sa thailand naman sa taong 2025.
Nabatid na napili naman ng Sea Games Federation ang Malaysia bilang host sa taong 2027, ilang oras bago ang opening ceremony ng Sea Games sa Hanoi, Vietnam.
Samantala, itinalaga namang host para sa 2029 sea games ang bansang Singapore, na kanilang magiging pang-limang pag-host sa naturang palaro.
Ito ang sinabi ni Olympic Council of Malaysia President Norza Zakaria sa naging pasya ng Sea Games Federation sa isang pagpupulong ilang oras bago ang opening ceremony ng sea games sa Hanoi, Vietnam.
Habang ang bansang singapore naman ang itinalagang host para sa 2029 sea games.
Ayon sa Singapore Olympic Council, ito na ang pang-limang beses na hahawakan nila ang biennial games.
Nabatid na sa Cambodia gaganapin ang 2023 sea games habang sa taong 2025 sa Bangkok, Thailand.
Patuloy ang preparasyon ng Philippine National Men’s Basketball Team sa kanilang pagsabak sa Southeast Asian Games sa kabila ng kakulangan ng miyembro.
Kabilang sa mga unang dumating sina Matthew Wright; magkapatid na Kiefer at Thirdy Ravena mula sa Japan at maaaring magbago ang kanilang training schedule dahil marami pang dapat gawin upang mabuo ang kanilang chemisty bago ang laban.
Noong Sabado naman sumabak ang Gilas Pilipinas sa tuneup game laban sa NLEX Road Warriors ng PBA, kung saan maraming pros ang nakakita ng aksyon para sa pambansang koponan.
Para naman kay Gilas Head Coach Chot Reyes, hindi niya maiwasang humanga sa dedikasyon ng mga player na patuloy na dumadalo sa mga practice game.
Gayunman, aminado si Reyes na nababahala siya sa naturalized player ng Indonesia na si Marques Bolden, na pumalit sa dating import ng PBA na si Lester Prosper.
Si Bolden, na isang dating NBA player, na may taas na 6’10 ang inaasahang magbibigay ng problema sa Philippine Team.
Bigong masungkit ng Philippine Women’s National Football Team ang medalya sa Hanoi 2021 Southeast Asian Games.
Natalo ng Vietnam ang football team ng Pilipinas matapos maitala ng 2-1 score sa ikalawang araw ng matchday sa group a ng 2022 Sea Games.
Ang 31st Southeast Asian Games ay isang multi-sports event, kung saan naipapakita o nailalabas nito ang galing ng mga atleta mula sa iba’t-ibang mga bansa.
Samantala, aminado naman ang coach na si Stajcic na nakaranas ng pagkapagod at nerbiyos sa harap ng maraming tao ang mga atleta.
Sa ngayon, patuloy pang lumalaban ang iba pang mga atleta para sa iba’t-ibang kompetisyon sa Hanoi, Vietnam.
Lusot sa kasong kriminal si dating heavyweight boxing champion Mike Tyson dahil sa pagsasapakin ang kapwa nito pasahero sa eroplano, sa San Francisco, California, noong April 20.
Nakunan ng cell phone video ang insidente kung saan nakitang nakasandal si Tyson sa kanyang upuan at pinagsusuntok ang lalaki.
Patungo sanang patungong Florida ang eroplano pero naudlot matapos galitin si “Iron Mike” ng lalaki.
Inihayag ni San Mateo County District Attorney Steve Wagstaffe na walang kakasuhan sa insidente lalo’t ang biktima ang tila nag-udyok kay Tyson na manuntok.
Nagkasundo rin anya ang magkabilang-panig na walang mga kaso na isasampa.
Nagpaabot ng pagbati ang Malacañang sa atletang unang nakasungkit ng gintong medalya sa 31st Southeast Asian o Sea Games na ginanap sa Hanoi, Vietnam.
Nasungkit ni Mary Francine Padios ang nasabing medalya makaraang matalo si Indonesian Puspa Arumsari sa Women’s Artistic Seni Tunggal Event ng 2021 Sea Games sa Bac Tu Liem Gymnasium sa nasabing bansa kahapon.
Ayon kay Communications Secretary Martin Andanar, ipinagmamalaki ng Palasyo ang mga Pilipino athlete na lumahok para ipakilala ang Pilipinas sa nasabing kompetisyon.
Umaasa rin ang opisyal na makakahakot pa ng mas maraming medalya ang bansa sa tulong ng mga atletang pinoy na kasali sa iba’t-ibang kompetisyon sa Vietnam.
Nagwagi sa NBA Conference Semi-finals ang Boston Celtics kontra Milwaukee Bucks sa iskor na 116-108.
Tinambakan ng Celtics ang Bucks Sa ikalawa at ika-apat na quarter, dahilan para maitala ang kanilang panalo.
Nanguna sa koponan sina Jason Tatum at Al Horford na parehong nakapagtala ng 30 points habang nasayang naman ang 34 points, 18 rebounds at 5 assists ni Giannis Antetokounmpo ng Bucks.
Abangan naman bukas, ang susunod na laban ng dalawang koponan alas-siete ng umaga oras sa Pilipinas.
Nagkamit ng silver medal ang Men’s volleyball team ng Pilipinas sa nagpapatuloy na Southeast Asian Games.
Ito ay matapos talunin ng Vietnam ang Pilipinas sa score na 2-1.
Unang nakakuha ng puntos ang Pilipinas pero nakabawi ang Vietnam sa ikalawang period.
Makakaharap ng Vietnam ang Thailand sa finals.
Sa ngayon, malaking karangalan na sa volleyball team ng Pilipinas ang nangyari dahil bronze medal lamang ang kanilang nakuha noong 2019 SEA Games.