SPORTS

Nagwagi ang Philippine women’s basketball team kontra Indonesia sa 31^st Southeast Asian Games (SEAG).

Bumanat ng iskor ang Gilas Women sa Thanh Tri Gymnasium kung saan, kanilang nakolekta ang 18 steals dahilan para maitala ang 93-77 tungo sa kanilang pagkapanalo.

Ikinatuwa naman ni Coach Patrick Aquino ang ipinakitang bilis at galing ng kaniyang team na pinangunahan ni Afril Bernardino na nakapagtala ng 16 points, 9 rebounds at 4 steals.

Sa ngayon, patuloy pang nadaragdagan ang medalya at karangalan ng bansa sa tulong ng mga Pilipinong atleta na lumahok sa ibat-ibang events ng 2021-2022 SEA Games sa Hanoi, Vietnam.

Sa kasalukuyan, nanatiling nasa ikatlong puwesto ang Pilipinas sa mga bansang humakot ng medalya na mayroong 123 medals kabilang na diyan ang 34 gold medals, 39 silver medals at 50 bronze medals.

Makakatanggap ng cash benefits ang mga Pilipinong atleta na mag uuwi ng medalya mula sa 31st Southeast Asian Games o Sea Games sa Hanoi, Vietnam.

Ayon kay Senator Sonny Angara, Author ng Sponsor Republic Act 10699 o ang National Athletes and Coaches Benefits and Incentives Act., ang mga Pinoy athletes na mag uuwi ng gintong medalya ay makakatanggap ng P300, 000.

Makakatanggap naman ng P150, 000 ang mga silver medalist habang P60, 000 naman para sa mga bronze medalist.

Bukod pa diyan, tatanggap din ng 25% cash benefits ang bawat miyembro ng team na mananalo sa kada event na kanilang sasalihan habang 50% naman para sa mga coach.

Humakot ng medalya ang Pilipinas sa 31st Southeast Asian o Sea Games sa Hanoi, Vietnam.

Patuloy na nadaragdagan ang karangalan ng bansa kung saan, umakyat na sa ikatlong puwesto ang Pilipinas sa nagpapatuloy na kompetisyon sa tulong ng mga Pilipinong atleta sa nasabing bansa.

Sa huling Medal Tally Board, umabot na sa 108 ang kabuuang bilang ng medalyang nasungkit ng Pilipinas kung saan,  30 ang gintong medalya ng Pinoy athletes mula sa iba’t ibang events.

Nasa 34 ang nakuhang silver medals habang 44 naman sa bronze medals.

Matatandaang inihayag ng Philippine Sports Commission na ang mga manlalarong mag uuwi ng karangalan sa bansa ay makakatanggap ng cash benefits base narin sa National Athletes and Coaches Benefits and Incentives Act.

Laglag na sa Eastern Conference Finals ang NBA defending champion na Milwaukee Bucks matapos talunin ng Boston Celtics.

Inilampaso ng Boston ang Bucks sa score na 109 – 81 para tapusin ang serye ng Semifinals games sa Homecourt ng TD Garden Arena.

Nanguna para sa Boston si Grant Williams na kumamada ng career-high na 27 points kabilang pitong 3-pointers habang nag-ambag ng 23 points si Jayson Tatum.

Nadagdagan pa ang medalya ng Pilipinas sa kasalukuyang 31st South East Asian Games sa Hanoi, Vietnam.

Ito ay matapos na masungkit ni Merwin Tan ng Team PH sa bowling ang gintong medalya.

Nanalo din ang PH men’s tennis team na sina Francis Alcantara, Jeson Patrombon, Ruben Gonzales, Treat Conrad Huey at Eric Olivares Jr. ng Bronze Medal.

Kaparehong medalya rin ang iuuwi nina Filipino wushu atheltes Divine Wally, Gideon Fred Padua, Celemente Tabugara Jr. at Francisco Solis na nanalo sa women’s 48kg at men’s 60kg, 65kg at 70kg event sa SEA Games.

Humakot din ng bronze medal ang pambato ng pinas na sina Edgardo Alejan, Bernalyn Bejoy, Joyme Sequita at Giselle Lumapas para sa mixed relay na 4 by 400 meter.

As of 7:30a.m ngayong araw, nasa 20 gold medals, 27 silver medals at 37 bronze medal na ang nakamit ng Pilipinas sa naturang event.

Malaking kabiguan ang naranasan ng Philippine Bodybuilders team matapos hindi payagang makalaban sa nagpapatuloy na SEA Games sa Hanoi, Vietnam.

Ito ay matapos lumabag ang koponan sa Anti-doping rules.

Ayon kay Chetan Pathare, technical delegate ng SEA Games, walang maipakitang ebidensiya ang Philippine team na dumaan sa Doping test ang mga manlalaro tatlong linggo bago ang laban.

Malinaw kasing nakasaad sa panuntunan na kailangan muna ng Doping Certificate at Clearance Certificate bago ang laban.

Sa huling tala, nasa pangatlong pwesto na ang Pilipinas sa medal tally ng SEA Games matapos makasungkit ng 78 medalya.

Kabila rito ang; 19 na gold, 23 silver, 36 na bronze.

Pinataob ng Dallas Mavericks ang Phoenix Suns sa game 6 ng NBA Conference Semifinals sa iskor 113-86.

Tinapos ng Mavericks ang Suns sa una hanggang huling quarter dahilan para maitala ang kanilang panalo.

Nanguna sa panalo ng Mavericks si Luka Doncic na nakapagtala ng 33 points, 11 rebounds at 8 assists habang nasayang naman ang 21 points ni Deandre Ayton ng Suns.

Abangan naman bukas ang muling paghaharap ng dalawang koponan sa game 7 ng NBA Conference Semifinals alas-8 ng umaga, oras sa Pilipinas.

Kinansela na ng reigning National Basketball Association (NBA) champion na Milwauckee Bucks ang kanilang Game 7 watch party na gaganapin sana sa Fiserv Forum outdoor plaza bukas, oras sa Estados Unidos.

Ayon sa inilabas na pahayag ng Bucks, malapit kasi sa kanilang arena ang nangyaring magkakahiwalay na mass shooting sa labas Deer District property.

Paliwanag nila, madaraanan kasi ito ng kanilang fans na maglalabas pasok sa arena.

Sa ganitong paraan aniya, makakapag-bigay daan at hindi na sila makakagulo pa sa mga otoridad na magsasagawa ng imbestigasyon.

Matagumpay na naidepensa ni Filipino olympian EJ Obiena ang kanyang titulo makaraang masungkit at basagin ang sea games record sa pole vault competition.

Nalampasan ni obiena na ranked 5th sa buong mundo sa pole vault ang sea games record na 5.46M.

Naibulsa ng Pinoy vaulter ang gintong medalya matapos na lundagin nito ang 5.40M habang hindi naman pinalad ang kanyang katunggali.

Sinubukan pa ni Obiena, na siya ring flag bearer ng team Pilipinas, na talunin ang 5.94M  para sana sa kanyang personal best record, ngunit tatlong beses itong nabigo.

Samantala, pumangalawa naman sa kanya ang kababayang si Hokett Delos Santos na nakapagtala ng 5.0M sa pole vault ng nagpapatuloy na 31st southeast asian games sa My Dinh National Stadium sa Hanoi, Vietnam.

Inilampaso ng Adamson ang Far Eastern University sa apat na sets sa kanilang laro sa UAAP Season 84 women’s volleyball tournament na ginanap sa Mall of Asia Arena, Pasay City kanina.

Dahil dito, naitala ng Lady Falcons ang ikatlong sunod nitong panalo o winning streak.

Umakyat naman sa 3-2 ang kartada ng Adamson habang nalugmok ang Lady Tamaraws sa ika-apat na pagkatalo.