Inilampaso ng Adamson ang Far Eastern University sa apat na sets sa kanilang laro sa UAAP Season 84 women’s volleyball tournament na ginanap sa Mall of Asia Arena, Pasay City kanina.
Dahil dito, naitala ng Lady Falcons ang ikatlong sunod nitong panalo o winning streak.
Umakyat naman sa 3-2 ang kartada ng Adamson habang nalugmok ang Lady Tamaraws sa ika-apat na pagkatalo.
Pinatunayan ng olympic gold medalist na si Hidilyn Diaz na hindi siya mapipigil sa pagdagdag niya ng isa pang gintong medalya sa kanyang koleksyon.
Pinangunahan ng olympic gold medalist ng Pilipinas ang women’s weightlifting 55kg event para manalo ng gintong medalya sa 31st Southeast Asian Games sa Hanoi, Vietnam.
Nakalaban ni Diaz ang limang katunggali, kabilang na si Sanikun tanasan ng Thailand na isang gold medalist mula sa 2016 Rio Olympics, bagama’t nasa isang lighter weight class.
Ito ang kanyang ikalawang gintong medalya sa biennial meet matapos makakuha ng isa sa 2019 edition na ginanap sa Pilipinas.
Maliban dito, nakasungkit din siya ng mga silver medal mula sa 2011 at 2013 na edisyon, at isang bronze noong 2007 sa Thailand.
Lumagpak ang Pilipinas sa ikalimang pwesto sa medal tally ng 31st South East Asian o sea games sa Hanoi, Vietnam.
Kasalukuyang hawak na ng Pilipinas ang 40 gold, 57 silver at 79 bronze o nasa 176 na medals na.
Kabilang sa mga pinaka-bagong nag-ambag ng tagumpay ang Philippine Wrestling team na sumikwat ng apat na karagdagang medalya, kahapon.
Sumungkit ng silver si Ronil Tubog matapos matalo kay Tat Du Can ng Vietnam sa men’s freestyle 74 kilogram; Jhonny Morte para sa 2nd place ng men’s freestyle 65 kilogram;
Alvin Lobreguito na nagwagi kay Bounthien Kommalaxa ng Laos para mapako sa silver sa men’s freestyle 57 kilogram habang bronze para kay Jason Balabal sa men’s freestyle 97 kilogram.
Tinambakan ng Golden State Warriors ang Dallas Mavericks sa game 1 ng NBA Conference Finals sa iskor na 112-87.
Nilampaso ng Warriors ang Mavericks sa una, ikatlo at ika-apat na quarter dahilan ng kanilang pagkapanalo.
Nanguna sa Warriors sina NBA superstar Stephen Curry na nakapagtala ng 21 points, 12 rebounds at 4 assist habang nakapagtala naman ng 19 points, 5 rebounds at 3 assists si Andrew Wiggins.
Abangan naman bukas ang susunod na paghaharap ng dalawang koponan sa game 2 ng NBA conference finals, alas-otso trenta, oras sa Pilipinas.
Itinanghal ang Filipina-American Sprinter na si Kayla Richardson na pinakamabilis na babaeng manlalaro sa Southeast Asia.
Ito ay matapos niyang masungkit ang gold medal sa 100-meter dash sa nagpapatuloy na 31st Southeast Asian games na ginaganap sa Hanoi, Vietnam.
Nakapagtala ang sprint queen ng 11.60 seconds sa finals event na sinundan ng Singapore na nagtala ng 11.62 seconds, habang nagtapos sa ikatlong puwesto ang pambato ng thailand na may oras na 11.66 seconds.
Mababatid na huling nagreyna si Richardson sa event noonng sea games 2015 na ginanap sa Singapore.
Sasabak na si Kai Sotto sa kanyang NBA private workouts sa New York, USA sa susunod na linggo.
Kabilang ang Knicks sa mga workout na nakahanay para kay Sotto sa kanyang pangarap na maging unang homegrown filipino na maglaro sa NBA.
Aminado si Kai na hindi siya nadadala ng pressure at determinadong ituloy ang kanyang pangarap na makapasok sa pinaka-sikat na basketball league.
Tinatapos na lamang ng Pinoy basketball phenomenon ang kanyang preparasyon para sa kanyang hectic schedule ng private workouts sa Atlanta.
Tiniyak naman ni Kai na handa siya sa mga hamon lalo’t mas pisikal ang labanan sa NBA.
Maghaharap ang dalawang atletang Pinoy para paglabanan ang gold at silver medal sa Southeast Asian (SEA) Games 9-ball finals sa Hanoi, Vietnam.
Dinispatsa nina Carlo Biado at Johann Chua ang kani-kanilang mga kalaban sa semifinals para mailatag ang All-Filipino Gold Medal Match sa Men’s 9-Ball Pool single finals.
Dahil dito, sigurado na ang karagdagang gold at silver medal ng Pilipinas mula mga atletang lumahok sa SEA Games.
Sa ngayon patuloy pang nadaragdagan ang bilang ng medalya at karangalan ng bansa mula sa nasabing kompetisyon kung saan, nananatiling nasa ikatlong puwesto ang Pilipinas na mayroong 37 gold medals; 49 silver medals; at 80 bronze medals.
Patuloy na humahakot ng medalya ang Team Philippines sa 31st Southeast Asian Games sa Hanoi, Vietnam.
Kahapon, nakakuha ang Pilipinas ng apat pang gold medals kung saan isa dito ang nasungkit ni Eric Cray para sa 400 meter hurdles.
Nakakuha rin si Rubien Amit para sa Women’s 9 Ball at ni Kurt Barbosa para sa taekwondo matapos talunin naman si Panachai Jaijulla ng Thailand.
Kasunod nito, nakuha nina Erika Bomogao at Rhichein Yosorez ang ikaapat na gold medal kahapon sa Muay Thai Women’s Way Kru na isang Boxing Dance event.
Sa kabuuan ay nasa mahigit 100 medalya na ang nakuha ng Pilipinas sa sea games, 34 gold, 39 silver at 50 ang bronze habang pangatlo pa rin ang bansa sa may pinakamaraming medalya.
Nasungkit ng Miami Heat ang game 1 sa Eastern Conference Finals matapos talunin ang Boston Celtics.
Sa first half ay hawak pa ng Boston ang abanse pero pagsapit ng 2nd half ay doon na Dinomina ng Miami ang laro.
Nanguna sa panalo ng Miami si Jimmy Butler na nagbuhos ng 41 points, 9 rebounds, 5 assists, 4 steal at 3 blocked-shots sa kanyang all-around game.
Samantala, natapos ang laro sa score na 118-107, lamang ang Miami Heat.
Nasungkit ng Pilipinas ang ika-34 nitong Gold medal sa 31st South East Asian (SEA) Games sa Hanoi, Vietnam.
Ito’y makaraang madepensehan ni Filipino Olympian Kurt Barbosa ang kanyang titulo sa Taekwondo.
Wagi si Barbosa sa 54 kilogram division kontra Panachai Jaijulla ng Thailand sa score na 17-6.
Magugunitang nasikwat ng Pinoy Jin ang nasabing weight division noong 2019 SEA Games sa Pilipinas bago sumabak sa Tokyo Olympics noong 2021.
Dahil sa matagumpay na title defense ni Barbosa, pangatlo na ang Pilipinas sa medal tally na mayroon ng 127 medals, kabilang ang 40 silver at 53 bronze.
Nangunguna pa rin ang Host nation Vietnam na may 234 medals o 105 gold, 65 silver at 64 bronze habang pangalawa ang Thailand, 155 medals o 43 gold, 47 silver at 65 bronze medal.