SPORTS

Nilampaso ng Boston Celtics ang Miami Heat sa Game 4 ng NBA conference finals sa iskor na 102-82.

Tinambakan ng Celtics ang Miami sa una at ikalawang quarter pero nakuhang itabla ng Miami ang iskor sa ikatlong quarter.

Nanguna sa panalo ng koponan si Jayson Tatum na nakapagtala ng 31 points, 8 rebounds at 5 assists habang nasayang naman ang 23 points 4 rebounds, 6 assists ni Victor Oladipo.

Samantala, abangan naman bukas, alas-8:30, ang muling paghaharap ng dalawang grupo sa Game 5 ng NBA conference filnals.

Lalahok ang Gilas Pilipinas sa tuneup Games sa Hunyo, o isang buwan matapos matalo ng Indonesia sa 31st Southeast Asian Games sa Hanoi, Vietnam.

Ayon sa Korean Media, makakalaban ng Gilas ang South Korean National Team sa Anyan, China sa tuneup Games na magsisimula sa Hunyo 17 hanggang 18.

Para sa South Korea, makatutulong ito sa evaluation ng kanilang manlalaro na lalahok sa FIBA Asia Cup 2022 sa Hulyo habang perparasyon ito ng Philippine Team sa FIBA World Cup Asian Qualifiers.

Sa ngayon, wala pang karagdagang detalye ang Samahang Basketbal ng Pilipinas sa magiging line-up ng Gilas.

Kumpiyansa ang Philippine Sports Commission na masosolusyonan ng 31st SEA Games organizers ang mga reklamo ng mga Pinoy athlete sa gitna ng COVID-19 pandemic.

Ayon kay Sports commissioner at Hanoi SEA Games chef de mission Ramon Fernandez, normal lang na magkaroon ng reklamo kung kaligtasan ang pag-uusapan.

Sinabi ni Fernandez na ilan sa mga reklamong naiparating nila sa SEAG organizers ay ang kawalan ng koordinasyon sa kanilang Hotel, kakulangan ng sasakyan na magagamit ng mga atleta papunta sa mga playing venues at ang sisiksikan o pag-overload ng mga bus dahil sa dami ng nakasakay.

Iginiit ni Fernandez, na dapat ay magkaroon ng maayos na pamamalakad ang mga organizer ng SEA Games dahil maraming atleta ang nangangamba na baka magkaroon ng hawaan ng COVID-19 dahil sa kawalan ng social distancing at pagsisiksikan sa mga sasakyan.

Dagdag pa ni Fernandez na idinadaan na lamang nila sa Antigen test ang kanilang reklamo upang makasiguro na ligtas laban sa nakakahawang sakit.

Pormal nang nagtapos ang South East Asian Games sa Hanoi, Vietnam.

Naging kinatawan ng Pilipinas sa closing cermony ang National Team Chef De Mission at PSC Commissioner na si Ramon Fernandez.

Kasama ni Fernandez sa closing event kahapon ang kaniyang deputies na sina Carl Sambrano at Pear Managuelod ng rollersports at Muay Thai.

Nanguna naman sa closing ceremony si Vietnam sports, Culture and Tourism Minister Nguyen Van Hung.

Sa huling medal tally, lumagpak sa ika-apat na pwesto ang Pilipinas na may 52 golds, 70 silver, 104 bronze para sa kabuuang 226 medalya.

Matapos ungusan ang Dallas Mavericks sa game 3 ng Western Conference semifinals ay isang panalo na lang ang kailangan ng Golden State Warriors upang makabalik sa NBA finals.

Bumida sa panalo ng Golden State ang double-double performance nina Stephen Curry at Andrew Wiggins.

Bagama’t humakot si Luka Doncic ng 40 points at 11 assists para sa Mavericks ay bigo pa rin ang pagtatangka nitong makadikit sa Warriors.

Dahil sa score na 109-100, lamang ang Warriors ay nabaon sa 0-3 ang Dallas at mahaharap sa do-or-die sa game 4 na gaganapin sa kanilang home court.

Umakyat sa ika-apat na puwesto ng official medal tally ang Pilipinas matapos muling madagdagan ang medalyang nasungkit ng mga Pinoy athlete sa 31st Southeast Asian (SEA) Games sa Hanoi, Vietnam.

Ayon sa Philippine Sports Commission (PSC), nasa 219 na ang mga medalyang napanalunan ng mga lumahok na atleta sa ibat-ibang events.

Sa nasabing bilang, binubuo ito ng 50 gold medals; 69 na silver medals; at 100 bronze medals.

Sa ngayon nangunguna parin ang Vietnam sa pinakamaraming nasungkit na medalya na may 437; sinundan ng Thailand na mayroong 323; at Indonesia na mayroong 235.

Bigo ang Gilas Pilipinas na depensahan ang kanilang korona matapos matalo ng Indonesia sa nagpapatuloy na Asian games sa Hanoi, Vietnam.

Sa score na 85-81 tinuldukan na ng Gilas ang 13 sunod-sunod na pagkamit ng bansang gintong medalya at 33 taong paghahari sa Southeast Asian Basketball.

Simula 1989 SEA Games, ito ang unang pagkakataon na hindi nakapag-uwi ng Gold medal ang Men’s Basketball team ng Pilipinas.

Inako naman ni Gilas Coach Chot Reyes ang pagkatalo at inaming hindi niya masyadong naplano ang depensa laban sa magagaling na manlalaro ng Indonesia.

Pinataob ng Lyon Olympique football club ang  Barcelona sa iskor na 3-1 sa naganap na women’s UEFA champions league finals Allianz stadium sa Turin, Italy nitong Sabado.

Ayon kay Lyon player Amandine Henry masaya ito na nakapuntos dahil nakatulong aniya ito sa grupo at nagbigay sa kanya ng higit na kumpiyansa at pagnanais na magpatuloy sa paglalaro.

Nabatid na ito na ang ikalawong kampyonato ng nasabing koponan.

Umabanse na sa finals para sa gintong medalya ang Philippine SIBOL League of Legends team matapos na pataubin ang Malaysia sa iskor na 3-1, kasunod ng nagpapatuloy na 31st Southeast Asian Games sa Hanoi, Vietnam.

Makakaharap ng SIBOL sa best of five series sa darating na linggo ang Vietnam.

Maglalaban naman para sa bronze medal ang mga bansang Malaysia at Singapore.

Samantala, na-secure na ng SIBOL Crossfire Squad ang bronze medal matapos manalo sa upper bracket semifinals kontra Indonesia.

Subalit kailangan pa ng SCF na makakuha ng isang panalo upang masungkit ang pinakahuling grand finals slot makaraang matalo sa Vietnam sa iskor na 2-0.

Nasungkit ng mga Filipino athletes na sina Ruben Gonzales at Treat Huey ang gintong medalya sa SEA Games men’s doubles title.

Ito’y matapos pataubin ng dalawa ang mga kapwa nila Pinoy na sina Jeson Patrombon at Francis Alcantara sa kanilang laro sa Hanoi, Vietnam.

Samantala, nangibabaw din si Rubilen Amit laban kay Chezka Centeno sa isang all-Filipino final sa women’s 10-ball singles sa nasabing laro.