SPORTS

Pararangalan ng Philippine Olympic Committee (POC) ang mga Filipino athlete medalist sa katatapos lamang na 31st Southeast Asian Games sa Hanoi, Vietnam.

Kasama rin sa agenda ang paglalabas ng financial incentives sa medalists sa pagpupulong na gaganapin sa Knights Templar hotel sa Tagaytay City.

Ayon kay POC president representative Abraham Tolentino, i-we-welcome din nito ang samahang kickboxing ng Pilipinas at Philippine Esports Organization bilang miyembro ng organisasyon.

Matatandaang nag-uwi ng 52 gold medals, 70 silver medals at 105 bronze medals ang Filipino athletes sa bansa sa naturang aktibidad.

Pinagmumulta ng National Basketball Association (NBA) ang Miami Heat matapos lumabag sa team bench decorum ang koponan.

Ito’y matapos anilang ilang beses makita ang mga manlalaro nito na tumayo at umalis  sa team bench area ng Miami at pumapasok sa playing court sa nagaganap na  live game action na pumukaw rin sa atensyon ng mga komentarista sa telebisyon.

Matatandaang ang Dallas Mavericks ay paulit-ulit na pinagmulta rin para sa mga manlalaro nito na umaalis o nawawala sa bench, na pinagmulta ng $100,000 nitong weekend para sa ikatlong paglabag sa panuntunan.

Emosyunal si NBA superstar Klay Thompson matapos na umabanse ang Golden State Warriors sa NBA finals.

Ito’y matapos na pataobin ng kuponan ang kalaban na Dallas Mavericks sa Game 5 na umiskor ng 120-110.

Naiyak si Thompson dahil dalawang season din na hindi siya nakapaglaro dahil sa matinding injury na kaniyang natamo na Torn Achilles.
Nabatid na taong 2019 ng huling sumabak sa finals ang Warriors pero tinalo ito ng Raptors.

Isa nang ganap na free agent sa Japan Professional Basketball League (Japan B. League) ang Filipino professional Basketball player na si Kobe Paras.

Ayon sa Niigata Albirex B-B, nag-expire na ang kontrata ni Paras sa koponan kahapon.

Noong September 2021 naging opisyal na miyembro ng koponan ng Niigata si Paras bilang Asian Player Quota.

Nasa 49 na laro ang nilahukan nito sa grupo na may average na 8.2 points, 2.1 rebounds at 1.2 assists kada laro.

Target ni Gilas Pilipinas Coach Chot Reyes na kumuha ng mga manlalaro mula sa UAAP at NCAA na sasabak sa FIBA Tournaments sa buwan ng Hulyo.

Ito ay dahil maraming PBA players aniya ang abala na dahil sa kasagsagan ng 47th season ng Philippine Cup na magsisimula sa June 5.

Ilan sa mga plano nilang kunin ay sina Carl Tamayo at James Spencer ng University of the Philippines, SJ Belangel at Justine Baltazar ng Ateneo.

Makakasama nila sina Dwight Ramos, Kiefer at Thirdy Ravena ganun din si Francis Lopez.

Makakaharap ng Gilas Pilipinas ang India sa June 1 at ang New Zealand sa July 3 sa World Cup qualifiers sa Auckland bago ang pagsabak sa FIBA Asia Cup 2022 mula July 12 hanggang 24 sa Jakarta, Indonesia.

Umabante na sa NBA finals sa ika-anim na pagkakataon sa loob ng walong season ang Golden State Warriors matapos nitong talunin ang Dallas Mavericks sa score na 120-110.

Nanguna sa laro si Klay Thompson na nakakuha ng 32 points sa game 5 na ginanap sa San Francisco.

Makakaharap naman ng Warriors sa finals ang magwawagi sa pagitan ng Boston Celtics at Miami Heat.

Kinansela ang sagupaan nina Joshua Pacio at Jarred Brooks para sa Straw Weight Title matapos alisin ang kanilang laban sa one 158 card na gaganapin sa susunod na linggo.

Tinanggal ng One Championship ang main event sa Singapore Card dahil sa conflict of schedule at inaasahang ire-reschedule ito sa ibang petsa.

Target nina Pacio at Brooks na idaos ang bakbakan sa katapusan ng buwan matapos ang kanilang palitan ng maaanghang na salita.

Upang mapanatili ang kanyang apat na sunod na panalo, huling sumabak sa bugbugan ang Filipino MMA Star noong Setyembre makaraang talunin si Yosuke Saruta.

Napanalunan naman ni Brooks ang tatlong laban sa One Championship at kanyang huling nakasagupa ay si Bokang masunyane noong Abril.

Planong bawiin ng Samahang Basketbol ng Pilipinas (SBP) ang tropeyo sa susunod na Southeast Asian games.

 Ito ay kasunod ng upset loss o pagkatalo ng Gilas Pilipinas laban sa koponan ng Indonesia sa naganap na 31st Sea games.

 Tiniyak ni Federation President Al Panlilio na makakabawi ang bansa sa larangan ng men’s basketball sa susunod na 2023 sea games na gaganapin naman sa Cambodia.

Humingi ng paumanhin ang Samahang Basketbol ng Pilipinas (SBP) at inako ang responsibilidad sa resulta ng performance ng Gilas Pilipinas sa katatapos na 31st Southeast Asian Games sa Hanoi, Vietnam.

Aminado si SBP President Al Panlilio na bahagi sila ng kabiguan ng Philippine National Basketball team na sumungkit ng gintong medalya.

Mula sa apat na gintong medalya sa 2019 edition ng sea games, isang ginto lang ang naidepensa ng Gilas, sa pamamagitan ng women’s 5 on 5 team.

Ito naman ang unang beses na nabigong makasikwat ng gold medal ang Pilipinas sa men’s basketball ng sea games simula 1989.

Nakabawi ang Dallas Mavericks matapos talunin ang Golden State Warriors sa Game 4 ng NBA Conference finals.

 Umarangkada ang iskor ng Dallas sa una hanggang ikatlong quarter dahilan para maitala ang iskor na 119-109.

 Nanguna sa koponan sina Luka Doncic na nakapagtala ng 30 points, 14 rebounds na may 9 assists at Dorian Finney-Smith na nakapagtala naman ng 23 points, 6 rebounds at 2 assists.

 Abangan naman bukas ang muling paghaharap ng dalawang team sa Game 5 ng NBA conference finals, alas-nueve ng umaga, oras sa Pilipinas.