SPORTS

Posibleng patawan ng parusa ng Philippine Basketball Association (PBA) si Magnolia forward Calvin Abueva, dahil sa naging aksyon nito sa laban kontra ginebra noong linggo.

Ayon kay PBA commissioner Willie Marcial, ipinatawag na niya si Abueva para pagpaliwanagin sa pag-walk out nito kahit hindi pa tapos ang laban sa Mall of Asia Arena.

Dalawang technical foul na ang itinawag kay abueva dahil sa unsportsmanlike na gawi nito  sa laro.

Sumigaw pa ang manlalaro na Japan! JAPAN! At bye PBA! Bago tuluyang umalis sa laban.

Noong June 2019, huling pinatawan ng suspension si Abueva dahil din sa hindi magandang gawi nito sa PBA game.

Itinanghal bilang “Coach of the Year” sa PBA Press Corps Awards Night ang coach ng TNT Tropang Giga na si Chot Reyes.

Sa ginanap na aktibidad sa Novotel Manila Araneta Center naiuwi ni Reyes ang nasabing parangal laban sa 14 pang awardees kabilang na si Barangay Ginebra Coach Tim Cone.

Dumalo sa nasabing face-to-face awards night si PBA Chairman Ricky Vargas at Commissioner Willie Marcial kasama ang iba pang PBA officials, staff at coaches.

Nabatid na ito na ang ikatlong beses na ginawaran si Reyes matapos masungkit ang unang award nito noong 2011.

Pinataob ng Gilas Youth ang kupunan ng Iran sa katatapos lamang na FIBA U-16 Asian championship sa Doha, Qatar.

Nahawakan ng Iran ang 50-39 lead sa unang bahagi ng third quarter bago mag-init si Alex Konov na nagpasok ng 18 points sa isang 4-of-9 na clip mula sa three-point land.

Limang manlalaro ang umiskor ng double figures nang lumaban ang Pilipinas mula sa 13-point deficit upang maputol ang two-game skid at tumapos sa ikapito sa 13-team tournament.

Samantala tinapos ng Gilas Youth ang kanilang kampanya sa naturang championship score na 95-87.

Naghahanda na ang mga fans ng Golden State Warriors para sa gagawing victory parade.

 Ito ay matapos na masungkit ng kuponan ang ika-apat na kampeonato sa National Basketball Association (NBA) ng talunin nila ang Boston Celtics.

 Maglalagay naman ng mahigpit na seguridad ang San Francisco Police Department sa paligid ng Chase Center sa USA para sa ilang gaganaping programa.

 Magiging maiksi lamang ang parada na gaganapin bukas ng alas-onse:bente ng umaga pero ito ay titiyaking magarbo.

Hindi muna makakalaro sa University Athletic Association of the Philippines (UAAP) ang FEU Player na si Rj Abarrientos.

Ito ay para paghandaan ang Ulsan Hyundai Mobis Phoebus sa Korean Basketball League (KBL) kung saan, kaniyang makakasama si Gilas teammate SJ Belangel na una nang pumirma sa Daegu Korea Gas Corporation (KOGAS).

Samantala, nakatakda namang pumirma ng kontrata si Abarrientos sa ilalim naman ng Asian Player Quota rule para sa 2022-2023 season.

Nagtapos sa ika-7 pwesto ang Young Gilas Pilipinas sa FIBA U-16 Asian Championship matapos talunin ang Iran.

Naganap ang laban sa Qatar kung saan nanaig ang Young Gilas sa score na 95-87 panalo.

Nanguna sa laban si Alexander Konov na kumamada ng 18 points, sinundan ni Caelum Harris na may 15 points at Bryan Competente na may 14 points.

Nakapasok sana sa  FIBA U-16 Quarterfinals ang Pilipinas pero tinalo ito ng Australia.

Sa kabuuan, mayroong tatlong panalo at tatlong talo ang Young Gilas sa kompetisyon.

Napabilang na ang MVP ng Golden State Warriors na si Stephen Curry sa elite players ng NBA.

Ito ay matapos na masungkit ang kampeonato sa NBA finals kontra Boston Celtics.

Base sa NBA history, ika-anim na manlalaro si Curry na nanalo ng apat na titulo o championships at kinilalang Most Valuable Player (MVP).

Kabilang din sa sinasabing elite company sina Kareem Abdul-Jabbae, Michael Jordan, Bill Russell, Lebron James, Magic Johnson at Tim Duncan.

Pinangunhan nina Veteran Jvee Casio at Rookie Ato Ular ang Blackwater Elite upang padapain ang Northport Batang Pier sa iskor na 97-90 sa 2022 PBA All-Filipino Cup kagabi sa Ynares Center sa Antipolo City.

Kumamada si Casio ng Team-high 22points, five assists, three rebounds, at dalawang steals para masungkit ang panalo kontra Northport.

Naging katuwang naman ni Casio sa panalong ito ng Elite ang Letran product na si Ato Ular matapos mag-ambag ng 17points, five rebounds, at isang block.

Sa ngayon mayroon nang dalawang panalo at isang talo ang Blackwater habang bumagsak naman sa dalawang panalo at dalawang talo ang Batang Pier.

Nakasungkit ng gintong medalya si Caloy Yulo sa 9th Artistic Gymnastics Asian Championships na ginanap sa Doha, Qatar.

Ang Southeast Asian Games champion ay humakot ng 14.9333 points sa men’s floor exercise.

Dahil dito, natalo ni Yulo ang mga pambato ng China, Korea at Japan.

Si Yulo ang kauna-unahang Pilipino na nakakuha ng ginto sa Asian Championships.

Pinadapa ng South Korea ang Gilas Pilipinas sa kanilang tune-up game sa score na 96-92 sa KB Kookmin Bank Invitational.

Nadikitan ng mga Pinoy ang mga kalaban sa fourth quarter, 87-82, sa tulong ng layup ni SJ Belangel at 3-point play ni Dwight Ramos.

Ngunit nanaig pa rin sa dulo ng laro ang mga South Koreans.

Muling maghaharap ang dalawang koponan sa isa pang tune-up match bilang bahagi ng kanilang paghahanda sa third window ng FIBA World Cup 2023 Asian Qualifiers.