Tinalo ng Australia ang Pilipinas sa Quarterfinals ng FIBA Under – 16 Asian Championship na naganap sa qatar.
Sa score na 109-83, nanguna sa panalo ng Australia si Kye Savage na nagtala ng 27 points.
Nasayang naman ang nagawang 18 points ni Lorenzo Competente at 14 points ni Caelum Harris para GILAS U-16.
Hawak pa ng Gilas Pilipinas U-16 ang kalamangan 29-16 hanggang makapagtala ng 8-0 run at maibaba ng Australia ang kalamangan ng hanggang apat na puntos.
Itinanghal na kampeon ang Golden State Warriors (GSW) sa NBA finals.
Ito’y matapos talunin ng GSW ang Boston Celtics sa Game 6 sa iskor na 103-90.
Ito na ang ika-apat na kampeonato ng gsw sa loob ng walong taon.
Nagpakitang gilas sa Warriors si Stephen Curry na umiskor ng 34 points, 7 rebounds, 7 steals , 2 steals at isang block.
Nag-ambag din sa kanilang koponan sina Andrew Wiggins na may 18 points, apat na steals at apat na block habang mayroon namang 12 points, 12 rebound at 8 assist si Draymond Green.
Natapyasan na naman ng importanteng manlalaro ang Gilas Pilipinas matapos ma-diagnose si Ange Kouame, ang naturalized player ng team, na may meniscal sprain at bahagyang acl tear.
Nangangahulugan itong mawawalan ng naturalized center ang Gilas para sa kanilang tuneup games kontra Korea ngayong linggo at posible rin sa ang ikatlong window ng 2023 Fiba World Cup Asian Qualifiers.
Ayon sa Samahang Basketbol ng Pilipinas (SBP), kabilang si Kouame sa mga alanganin para sa 2022 Fiba Asia Cup sa Indonesia sa susunod na buwan.
Aarangkada ang exhibition games ngayong araw at bukas.
Naniniwala ang Golden State Warriors na dadaan sila sa butas ng karayom sa Game 6 laban sa Boston Celtics bukas bago masungkit ang titulo sa NBA finals.
Bagamat isang panalo na lamang ang kanilang kailangan, para kina Klay Thompson at Andre Iguodala at Coach Steve Kerr, inaasahan daw nila na lalaban hanggang sa huling sandali ang Boston lalo na at gagawin ang laro sa teritoryo nila simula bukas 9 ng umaga.
Alam din daw ng warriors na sasabak sa desperadong laro ang celtics upang ma-extend pa ang serye hanggang sa Game 7 sa Lunes.
Dahil dito sinabi ni Thompson, kailangang maghanda sila ng husto na tapatan anuman ang gagawin ng Boston.
Tatlong parangal ang igagawad ng Philippine Basketball Association (PBA) sa gaganaping 2022 PBA Press Corps awards night sa susunod na linggo.
Ito ay ang William ‘Bogs’ Adornado Comeback Player of the Year, Mr. Quality Minutes at Game of the Season.
Si June Mar Fajardo ng San Miguel Beermen ang makakatanggap ng Comeback Player of the Year habang si Allein Maliksi ng Meralco sa Mr. Quality Minutes.
Ibinoto namang Game of the Season ang laban ng Beermen kontra Northport Batang Pier noong Philippine Cup Quarterfinals.
Magaganap ang awards night alas-siyete ng gabi ng Hunyo 21 sa Novotel Manila sa Araneta Center Cubao, Quezon City.
Nagwagi via split decision si Filipino-Australian Josh Culibao matapos pabagsakin ang pambato ng Korea na si Seungwoo Choi sa Ultimate Fighting Championship (UFC) 275 prelims na isinagawa sa Singapore.
Nabatid na dalawang beses na na-knocked down ni Culibao si Choi kung saan nakapagtala siya ng 69 strikes kumpara sa 64 strikes ng kaniyang kalaban.
Pinasalamatan naman ni Culibao ang lahat ng kaniyang team at coach maging ang mga nanood at sumuporta sa kaniyang laban na isang malaking panalo din para sa kaniya.
Nakatakdang sumabak muli sa exhibition fight si Retired US Boxing Champion Floyd Mayweather Jr.
Sinabi ng kampo ni Mayweather na makakaharap nito si japanese mixed martial arts o mma fighter mikuru asakura sa Septyembre.
Samantala, inaayos pa ang lugar at eksaktong petsa ng naturang laban.
Ito na ang ikalawang exhibition fight ni mayweather sa Japan na ang una ay noong 2018 ng talunin si tenshin nasukawa.
Nauna ng nakansela ang laban ni Mayweather kay Don Moore noong mayo sa Abu Dhabi dahil sa pagpanaw ng lider nila doon.
Balik-court na si Paul Lee ng Magnolia Chicken Timplados matapos magpahinga ng isang laban dahil sa back spasm.
Ayon kay Chito Victolero, Head Coach ng Magnolia, maglalaro sa koponan si Lee ngayong araw laban sa Northport para sa 47th Season ng PBA Philippine Cup.
Maliban kay Lee, hindi pa rin makakapaglaro si Mark Barroca dahil sa iniindang Calf Injury.
Magaganap ang laban mamayang alas-3 ng hapon sa Mall of Asia Arena sa Pasay City.
Tinalo ng Palestine ang Philippine Azkals sa pamamagitan ng 4-0 sweep sa final group round game sa MFF Football Centre sa Ulaanbaatar, Mongolia.
Dahil dito, lumiit na ang tiyansang mag-qualify ang Pilipinas sa 2023 AFC Asian Cup.
Nagtapos ang Azkals sa group stages na mayroong isang panalo, isang draw at isang talo para sa kabuuang apat na puntos.
Nakadepende na lang ang kapalaran ng Team Pilipinas sa magiging resulta ng laro ng iba pang qualifiers.
Nagtapos sa ika-siyam na puwesto ang Pilipinas sa 14th Asian Women’s under-18 volleyball championship.
Naganap ito sa Nakhon Pathom Sports Centre Gymnasium kahapon sa Nakhon Pathom, Thailand.
Huling nakalaban ng Pilipinas ang India para sa kanilang classification match at nagwagi rito.
Nanguna sa laban si Rhose Almendralejo na may 17 points at ang setter na si Katherine Cortez na may 26 excellent sets.