SPORTS

Nakahanda na ang Boston Celtics para sa kanilang matinding depensa laban sa Golden State Warriors sa Game 5 ng NBA finals ngayong araw.

Ito ay para mapigilan sa laro si NBA superstar Stephen Curry na isa sa pinakamahusay na manlalaro ng Warriors.

Ayon kay Boston guard Jaylen Brown, maganda ang ginagawang strategy ni Curry kung saan, kaya nitong i-shoot ang bola sa mabilis na paraan.

Sinabi ni Brown na mas kailangan nila ng magandang strategy para masabayan ang two time MVP sa loob ng court.

Nanawagan naman si Celtics coach Ime Udoka sa kanyang mga manlalaro na gawin ang lahat ng makakaya maging ang physical para hindi na maulit pa ang 43 points na naitala ni Curry noong Game 4.

Handa na ang Gilas Pilipinas sa nakatakdang tune-up games nito laban sa South Korea.

 Ayon sa Samahang Basketball ng Pilipinas (SBP), gaganapin ang nasabing tune-up games sa darating na Hunyo 17 at 18 sa anyang gymnasium sa Gyonji-Do, South Korea.

 Nabatid na babandera sa kopunan sina naturalized center Angelo Kouame, Dwight Ramos at Kiefer Ravena.

 Samantala, ang nasabing laro ay bahagi ng paghahanda na rin ng Gilas para sa ikatlong window ng FIBA World Cup Asian Qualifiers.

Inangkin ni Japanese Boxer, Naoya Inoue ang number one spot sa pound-for-pound ranking ng the ring.

 Ito matapos niyang padapain sa second round noong Martes si Nonito Donaire at masungkit ang WBA, IBF at WBC bantamweight belts.

 Bunsod nito ay umangat din ang kanyang kartada sa 23-0, 20 knockouts, kaya naman siya na ngayon ang tinaguriang Pound-for-Pound King.

Dapat nang ikonsidera ni dating four-division World Champion Nonito Donaire Jr. ang pagreretiro.

Ito ang payo ni veteran boxing analyst, Atty. Ed Tolentino kay Donaire matapos ang knock-out loss nito kay WBC at IBF World bantamweight champion Naoya Inoue sa Saitama, Japan.

Ayon kay Tolentino, ang panibagong kabiguan ng “Filipino Flash” ay maituturing na pinakamasamang pagkatalo nito simula nang pabagsakin siya ni Nicholas Walters via tecknical knockout sa round 6 noong 2014.

Ang pagkatalo anya ni Donaire ay isa ring indikasyon na tumatanda na ito at wala namang masama sa pagreretiro dahil napakarami na niyang nagawa at napatunayan.

Sa edad na 39, muling natalo ang Fil-Am boxer sa tinaguriang “Japanese Monster” sa kanilang engkuwentro noong Martes.

Pinataob ng Golden State Warriors ang Boston Celtics sa Game 4 ng nba finals sa iskor na 107-97.

Nakuhang makalamang ng Celtics sa una at ikalawang quarter pero nabawi ito ng Warriors sa ikatlo at ika-apat na quarter dahilan ng kanilang pagkapanalo.

Dahil dito naging tabla ang iskor ng dalawang koponan matapos makakuha ng parehong 2 points sa serye ng NBA finals.

Nanguna sa panalo ng Warriors si NBA superstar Stephen Curry na nakapagtala ng 43 points, 10 rebounds at 4 assists habang nasayang naman ang 23 points, 11 rebounds at 6 assists ni Jayson Tatum ng Celtics.

Abangan naman mamaya ang susunod na paghaharap ng Warriors at Celtics sa Game 5 ng NBA Finals, alas-9 ng umaga, oras sa Pilipinas.

Nasungkit ng CAVITEX ang panalo para sa quarterfinals ng PBA 3 on 3 third conference Leg 4 na ginanap kahapon sa Ynares center sa Antipolo.
Nakamit ng koponan ang panalo laban sa third leg runner-up na purefoods TJ Titans sa iskor na 22-17, habang nagapi naman nito sa iskor na , 21-13 ang San Miguel Beermen.
Samantala, pumuntos din ng mga second confe­rence titlist na pioneer pro tibay at platinum karaoke sa pools A at C, habang nanalo sa pool 2 leg 2 ruler na Meralco.
Ginapi naman ng pioneer ang master sardines sa overtime sa iskor na 20-18, habang 22-13 naman ang ipinuntos ng Barangay Ginebra, pinadapa naman ng platinum ang Terrafirma sa iskor na 21-16 at Zamboanga Valientes sa puntos na 22-16.

Pinadapa ng Meralco Bolts ang Phoenix Super LPG fuelmasters sa iskor na 109-98, sa 2022 PBA All Filipino Cup.

Nanguna sa panalong ito ng Bolts sina Chris Newsome na tumipa ng 21 points, na sinundan ni aaron black na mayroong 19 points, habang nag-ambag naman ng 17 points si Veteran bigman Reynel Hugnatan.

Hindi naman naging sapat ang game-high 28points ni Phoenix bigman Jason Perkins para malusutan ang came from behind win ng Meralco.

Lumamang ng 16 na puntos ang Super LPG ngunit agad rin itong naglaho pagpasok ng 2nd half matapos na mag-init si Hugnatan na naging susi upang masungkit ng Bolts ang panalo.

Nagwagi ang Golden State Warriors laban sa Boston Celtics sa Game 4 ng NBA finals sa iskor na 107-97.

Nanguna sa laro si NBA superstar Stephen Curry na nakapagtala ng 43 points.

Kasama niya si Klay Thompson na nag-ambag ng 18 points at Andrew Wiggins na may 17 points at 16 rebounds.

Sa ngayon, tabla na sa 2-2 record ang Warriors at Celtics.

Napabilang na ang Golf star na si Tiger Woods sa listahan ng mga bilyonaryong manlalaro.

Ito ang inanunsyo ng Forbes Magazine isang linggo ng makapasok si NBA star Lebron James sa Billionaire’s List.

Base sa Forbes, aabot sa mahigit $1.7 billion ang yaman ni Woods na karamihan ay mula sa mga larong sinalihan nito at endorsements galing sa iba’t ibang brand.

Kinumpirma ni Golden State Warriors superstar Stephen Curry na maglalaro siya sa Game 4 ng NBA finals ngayong araw.

Ito ang inihayag ni Curry  kasunod ng pangamba ng ilang fans nang makita siyang mamilipit sa sakit sa huling bahagi ng fourth quarter sa Game 3 nang madaganan ang kanyang paa ni Boston Celtics forward Al Horford.

Dahil dito, hindi muna nagsagawa ng team practice ang Warriors at sa halip ay ginawa nila itong rest and recovery day.

Nagsagawa lamang ng light workout ang ilang mga players sa court.

Nakatakda naman gawin ang Game 4 sa teritoryo ng Celtics kung saan ay abanse na sila sa serye sa 2-1 record.