Hanga ang beteranong basketball player na si Scottie Thompson kay ginebra Rookie Jayson David.
Ito ang inihayag ni Thompson sa isang panayam kung saan sinabi nito na nakikita niya ang kanyang sarili sa batang manlalaro.
Aniya bukod sa pagiging magaling sa pag-rebound at kasipagan ni David sa depensa malaki rin ang respeto nito sa mga beterano mabait din na bata at magaling makisama.
Nagsagawa kahapon ng practice session ang mga player ng National Collegiate Athletic Association (NCAA) at mga celebrity mula sa GMA Network para sa All-star game na nakatakda nang ganapin mamayang alas-3 ng hapon.
Matapos ang kanilang ensayo sa Mapua University gym, sinabi ni NCAA Season 97 most improved player Paolo Hernandez ng Mapua University, na masaya sya sa kanilang training kasama ang mga manlalaro mula sa ibang eskwelahan at mga Kapuso Stars.
Ayon naman kay Kai Oliva ng Arellano University, na ikinatutuwa niyang makita ang passion o hilig ng mga Kapuso athletes sa Basketball.
Sinabi naman nina kapuso celebrity Paul Salas at Gil Cuerva ng Team Saints na talagang na-challenge sila sa mga warm-ups at drills na ginawa nila sa kanilang pag-e-ensayo.
Mapapanood ang All-star Game mamayang hapon, via live broadcast sa GTV, at iba pang official social media channels ng Kapuso Network.
Malapit nang ma-sweep ng National University Lady Bulldogs ang elimination round ng UAAP Season 84 women’s volleyball.
Ito’y matapos pataubin ng Lady Bulldogs ang UP Lady Maroons sa tatlong sets sa kanilang laro sa Mall of Asia Arena.
Si Michaela Belen naman ang nanguna sa NU sa pamamagitan ng kanyang 16 points.
Pumalag si dating Azkals team captain Stephan Schröck dahil sa umano’y hindi patas na pakikitungo o bad treatment sa kanila ng mga namamahala sa Philippine national football team.
Ang pahayag ay ginawa ni Schröck sa isang post sa Facebook, bagama’t wala itong pinangalanang personalidad.
Una rito, itinalaga muli si Thomas Dooley bilang head coach ng Azkals na siya ring tumimon sa grupo noong 2018 AFC Asian Cup.
Matatandaang noong 2014 ay nagbangayan sina Dooley at Schröck na umabot pa sa social media pero nagkaayos din sila noong sumunod na taon.
Hindi makakapaglaro sa 47th season ng Philippine Basketball Association si San Miguel Beermen Shooting Guard Terrence Romeo dahil sa injury.
Ayon kay Berrmen Coach Leo Austria, noong nakaraang season pa iniinda ng manlalaro ang back spasm kaya agad na itong pinagamot.
Hindi pa naman tiyak kung kailan makababalik sa laro si Romeo dahil hirap pa itong gumalaw na sumasailalim pa sa therapy at rehabilitation.
Samantala, aminado si Austria na malaking kawalan sa kanilang koponan si Romeo dahil sa kontribusyon nito sa bawat laro.
Lalarga na ang 2022 nba finals sa pagitan ng Golden State Warriors at Boston Celtics, mamayang alas nwebe ng umaga.
Magsasalpukan sa game 1 ang dalawang koponan sa balwarte ng Warriors sa Chase Center sa San Francisco, California.
Umabot naman sa 40,000 dollars o 2 million pesos ang pinaka-mahal na ticket sa VIP section habang 600 hanggang 800 dollars sa pinaka-mura.
Ito na sa ngayon ang ikalawang pinaka-mahal na ticket sa National Basketball Association (NBA) finals series sa kasaysayan.
Makakaharap ng Gilas Pilipinas ang India sa FIBA World Cup Qulifiers for Asia na gaganapin ngayong araw sa MOA Arena.
Matatandaang noong buwan ng Pebrero, tinalo ng Pilipinas ang India sa iskor na 88-64 sa second window na ginanap sa Smart Araneta Coliseum.
Ayon kay Samahan ng Basketbol ng Pilipinas (SBP) Deputy Executive Director Butch Antonio, na maglalaro ang Gilas ng two-game friendly sa Korean national squad sa anyang sa Hunyo a-17 at a-18 para sa ikatlong window.
Sinabi ni Antonio pagkatapos ng ikatlong window, maglalaro ang Gilas sa FIBA Asia Cup sa Jakarta sa Hulyo a12 hanggang a-24.
Kabilang sa mga manlalarong lalahok sa nasabing kompetisyon ay sina Dwight Ramos at James Spencer habang inimbitahan din ang mga collegiate players na sina Rhenz Abando, Carl Tamayo, Ange Kouame, RJ Abarrientos, SJ Belangel, Dave Ildefonso, Kevin Quiambao, Sherwin Concepcion, Justine Baltazar, Thirdy Ravena, William Navarro at Francis Lopez.
Kinumpirma ng Barangay Ginebra na hindi makakalaro sa 2022 PBA Philippine Cup ang dating PBA most valuable play na si Mark Caguiao.
Ayon kay Ginebra Team Governor Alfrancis Chua, may mga kailangang aayusin si Caguiao kaya’t posibleng sa buong Conference ito hindi makasali.
Hindi na nagbigay pa ng anumang detalye ang koponan pero magugunitang nakaranas ng injury si Caguiao dahilan para maging limitado ang kaniyang paglalaro noong nakaraang mga conference.
Sisimulan ang PBA Season 47 sa Hunyo a-5 kasama ng tradisyonal na parada at mga muse.
Nasungkit ng Filipino Pole Vault Ace na si EJ Obiena ang top prize sa men pole vault category sa European City of Sports sa L’aquila, Italy.
Nakapag set si Obiena ng record na 5.85m kung saan ito ang dahilan ng kanyang pagkapanalo.
Ibinahagi ni Obiena ang isang larawan sa kanyang instagram account kung saan hawak nito ang kanyang napanalunan sa naturang torneo.
Ang marka ni Obiena sa Italy tilt ay isang improvement kung saan nalagpasan nito ang kanyang record sa Hanoi, Vietnam na 5.46m.
Sinikwat ng Meralco Bolts ang kampyonato sa PBA 3 on 3 kahit kulang sila sa mga player.
Tinuldukan ng Bolts ang laban sa score na 18-17 kontra CAVITEX Braves via Overtime sa kanilang paghaharap sa second leg ng Third Conference Championship sa Las Piñas City.
Pinangunahan nina Alfred Batino at Joseph Sedurifa ang panalo ng Bolts matapos kapwa mag-ambag ng 7 points.
Tinanghal naman na 2nd placer ang CAVITEX habang nasa 3rd place ang Barangay Ginebra San Miguel.