Pasok na sa Playoffs ng League of Legends Wild Rift Icons Global Championship 2022 ang RRQ Philippines.
Ito ay matapos talunin ng Filipino Team ang Japan’s Sengoku Gaming sa 2-0 sweep.
Naganap ang laban kahapon sa Suntec Convention and Exhibition Centre sa Singapore.
Sa Hulyo a-1 hanggang a-9, susunod na lalaban ang RRQ para sa Playoffs game.
Napili bilang top pick ng Orlando Magic sa 2022 NBA draft si Paolo Banshero ng Duke Blue Devils.
Pumangalawa sa kanya ang 7-footer ng Gonzaga Bulldogs na tinapik ng Oklahoma City Thunder na si Chet Holmgren.
Naiiyak naman ang 19-year-old, 6-foot-10 forward na si Banshero, habang nakikipagyakapan sa pamilya at salubungin ng fans ng malakas na hiyawan.
Samantala, kinumpleto ang first 10 selections nina Jabari Smith Jr. para sa Rockets, Keegan Murray sa Kings, Jaden Ivey sa Pistons, Bennedict Mathurin sa Pacers, Sheydon Sharp para sa trail blazers, Dyson Daniels sa Pelicans, Jeremy Sokan sa Spurs at Johnny Davis para naman sa Wizards.
Magkakaalaman na mamaya kung mapipili si Kai Sotto sa 2022 NBA draft.
Isasagawa ang draft sa Barclays Center sa Brooklyn, New York City kung saan 58 ang magiging pick.
Magugunting sumabak ang 7-foot-3 center sa iba’t-ibang workout ng ilang team sa NBA upang maging unang homegrown Filipino player na target makapasok sa pinaka-sikat na basketball league.
Nagkaroon ng workout ang 20 anyos na Gilas mainstay kasama ang New York Knicks, Orlando Magic, Cleveland Cavaliers, Chicago Bulls, Sacramento Kings, Los Angeles Clippers, Atlanta Hawks at Indiana Pacers.
Pumirma na ng kontrata sa Altiri Chiba ang 6’6 small power-forward na si Kobe Paras para sa 2022-2023 Japan B. League Division 2.
Sa pahayag ni Altiri Director Yoshihide Arai, taglay ni Paras ang pambihirang physical ability dahil sa malawak na karanasan nito sa paglalaro ng basketball.
Sinabi ni Arai na excited na sila na makasama sa training at kompetisyon si Paras kung saan inaasahan nila ang pagbabago ng kanilang koponan dahil sa talento nito.
Samantala, pinasalamatan naman ni Paras ang kaniyang mga teammates at fans ng Altiri Chiba sa ibinigay na oportunidad sa kanya.
Sinabi ni Paras na handa na siyang makita ang kanyang koponan para ipakita at ibahagi ang kaniyang talento sa munod ng basketball.
Inihayag ni Mixed Martial Arts Fan-Favorite, Jorge Masvidal ang kagustuhan nitong makaharap sa ring dating UFC Two-Division Champion na si Conor Mcgregor.
Mababatid na si masvidal na mula sa welterweight division, ay isa sa mga pinakamalaking pangalan sa nangungunang mixed martial arts na promosyon ng UFC sa mundo.
Dumanas ng magkasunod na pagkatalo laban kina UFC Welterweight World Champion Kamaru Usman at Colby Covington si Masdival.
Habang ang 32 anyos na si Mcgregor, naman ay napatumba ng sunod-sunod na pagkatalo laban kay Dustin Poyey at nagwagi lamang ng isang laban sa halos apat na taon.
Samantala, anuman ang kanilang naging mga laban, nanniwala si Masvidal na ang pakikipaglaban kay mcgregor ay magiging napakalaki kung kaya’t hinamon nito ang Irish superstar sa isang pustahan.
Suspendido ng isang game at pinagmumulta ng P10,000 si Magnolia Hotshot Guard Calvin Abueva matapos ang unsportsmanlike foul na nagawa nito sa laban kontra Ginebra San Miguel Gin Kings.
Magugunitang na-eject si Abueva sa laro sa panalo ng Hotshots laban sa Gin Kings makaraang tawagan ng dalawang magkasunod na technical foul.
Ipinataw ng PBA ang parusa dahil sa ‘unsportmanlike conduct’ ni “the beast” at nang tawagan ito ng ikalawang technical dahil sa alitan kay Ginebra guard Nards Pinto.
Inihayag ni PBA Commissioner Willie Marcial na binalaan na nila si Abueva na sa oras na maulit ang parehas na violation ay kanila itong sususpindihin.
Sa kanya namang Instragram account inilabas ni Abueva ang kanyang pagkadismaya, kung saan nagbanta pa itong aalis sa magnolia at lilipat sa Japan kapag may naipakitang video na siya ang may kasalanan kaya na-eject.
Target ngayon ng Filipino olympic athlete na si Carlos Yulo na masungkit ang apat na gintong medalya sa 51st Artistic Gymnastics World Championship Liverpool sa England.
Ayon sa gymnast champ, kaniyang pinaghahandaan ang napipintong pagsabak niya sa naturang kompetisyon na gaganapin sa buwan ng Oktubre.
Matatandaang naiuwi ni Yulo ang 3 gold medals at 1 silver medal sa katatapos lamang na 9th Senior Asian Artistic Gymnastics Championships sa Doha, Qatar.
Tiwala naman si Japanese coach Munehiro Kugimiya na malalampasan ni Yulo ang kanyang huling record at muling mag-uuwi ng karangalan sa Pilipinas.
Bahagi na ng coaching staff ng Gilas Pilipinas si Barangay Ginebra Coach Tim Cone.
Ito ay matapos kunin ni Gilas Pilipinas Head Coach Chot Reyes si Cone na aniya’y maasahan niya sa coaching techniques sa pagsabak ng National Basketball Team sa World Cup.
Ang trabaho ni Cone ay magsisimula sa paghahanda ng Gilas para sa 2023 World Cup kung saan magiging co-host ng bansa ang Japan at Indonesia.
Si Cone ay naging coach nang mapasakamay ng Gilas ang gold medal sa Southeast Asian Games nuong 2019.
Matapos ang 65 years na pagkabigo, muling nag-kampyeon ang National University Lady Bulldogs sa UAAP Volleyball Season 84.
Sa straight set score na 25-15, 25-15 at 25-22, tinalo ng Bulldogs ang De La Salle University sa Game 2 ng best of three finals na naganap kahapon sa Mall of Asia Arena.
Nanguna sa NU si Alyssa Solomon na maryoong 18 points kabilang ang 15 attacks at 3 blocks.
Itinanghal namang Rookie of the Year at Most Valuable Player si Bella Belen matapos mag-ambag ng 16 points kabilang ang 13 attacks at 3 blocks.
Limang NU players naman ang ginawaran ng individual player awards kabilang sina Cess Robles, Camilla Lamina at Jen Nierva.
Dumidiskarte na ngayon ang Brooklyn Nets para mapanatili sa kanilang team si NBA superstar Kyrie Irving at hindi maagaw ng ibang koponan.
Nabatid na hindi umano magkasundo sa pakikipag negosasyon, kung saan, wala pang kasiguraduhan kung mananatili si Irving sa Nets hanggang sa mga susunod pa na Season.
Matatandaang umabot sa $36.9-M o katumbas ng mahigit P2-B ang naging offer kay Irving para sa 2022-2023 Season.
Sakaling hindi tatanggapin ng seven-time All-star ang alok ng Brooklyn, posible siyang ilagay sa free agency upang pag-agawan ng iba pang teams na malaking kawalan para sa Nets.
Nabatid na kabilang umano sa mga interesado na makuha si Irving ay ang Los Angeles Lakers, Los Angeles Clippers at New York Knicks.