Nagtala ang Pinoy Pole Vaulter na si EJ Obiena ng bagong Personal Best at Asian Record sa 2022 world championship na ginanap sa Eugene, Oregon.
Ito’y matapos masungkit ni Obiena ang bronze medal nang malampasan o ma-clear nito ang 5.94 meters sa final round ng laban.
Kinilala rin si Obiena bilang kauna-unahang Pilipino na nakatanggap ng medalya sa world championships.
Matatandaan na nakuha ng atleta ang 5.93 meters record sa Innsbruck, Austria noong nakaraang taon.
Handa umanong talikuran ni Pinay Olympic gold medalist Hidilyn Diaz ang kaniyang karera para sa pagbuo ng sariling pamilya.
Sa naging pahayag ng weightlifting star, handa na siya sa nalalapit na kasal ng kaniyang coach-fiancé at tubong Guam na si Julius Naranjo sa Hulyo a-26 sa Philippine Military Academy sa Baguio.
Ayon kay Hidilyn, pipiliin niya ang kaniyang marriage dahil si Julius ang nagsilbing sandigan sa kaniyang mga naranasang lungkot at pagkasawi sa pag-ibig kung saan, tinalikuran din nito ang sariling bansa para maging isa sa mga trainer ni Hidilyn.
Dagdag pa ng Olympian medalist, mahirap makahanap ng “The One” na makakaintindi at magmamahal ng totoo sakaniya kaya kailangan niya itong alagaan at bigyan ng halaga.
Nilinaw naman ni Hidilyn na magpapatuloy pa rin ang kaniyang karera sa weightlifting pagkatapos ng kaniyang kasal kung saan, plano ng atleta na masungkit ang gold medal sa 2024 Paris Olympics.
Bigo ang College of Saint Benilde na masungkit ang panalo kontra Adamson University sa iskor na 80-75 kasunod ng pagbubukas ng 2022 Filoil Eco-Oil preseason Cup kahapon.
Nanguna sa panalo ng Soaring falcons si Joem Sabandal na tumipa ng game-high 18 points, four rebounds, at tatlong steal habang nag-ambag naman ng 12points at 6 rebounds si Cedrick Manzano.
Umabot sa 12 puntos ang kalamangan ng Adamson sa huling kwarter ng laro pero sinubukan pa itong ibaba ng CSB sa anim na puntos matapos ang back to back triples ni Frederick Pasturan para makadikit sa iskor na 69-75.
Ngunit napanatili pa rin ng Adamson ang kanilang kalamangan hanggang sa pagtatapos ng kwarter, dahilan upang makamit ang 80-75 win.
Pasok na si Filipino pole vaulter Ej Obiena sa finals ng world athletics championship na ginanap sa United States.
Kabilang ang olympian sa Top 12 performers mula sa dalawang grupo ng mga vaulter sa qualification round matapos ma-clear ang 5.75 meter mark sa two attempts nito.
Makakalaban naman ni Obiena sa finals ang record holder na si Armand Duplantis at top vaulters na si Christopher Nilsen, Oleg Zernikel at Thiago Braz.
Samantala, nakatakda ang final round sa Lunes ng umaga.
Pasok na sa semifinal ng W60 Vitoria-Gasteiz sa Spain si Filipina tennis star Alexandra “Alex” Eala.
Ito’y makaraang padapain ni Eala si Eden Silva ng Great Britain sa quarterfinals ng torneo.
Samantala, namaalam naman sa M15 Monastir tournament sa Tunisia ang kuya ni Eala na si Michael Francis “Miko” Eala matapos idispatsa ni No. 3 seed Robert Strombachs ng Germany.
Itinanghal na kampyeon ang College of Saint Benilde sa Season 97 ng NCAA Women’s Volleyball Tournament.
Ito ay matapos talunin ng CSB ang defending champion na Arellano University sa Game 2 ng laban kahapon sa the Arena sa San Juan City.
Ito na ang ikalawang overall title ng CSB matapos ang pag-champion din noong Season 91.
Itinanghal na finals MVP si Gayle Pascual matapos pumalo ng 15 points, na sinundan nina Jade Gentapa at Cristy Ondangan
Hindi na tinantanan ng kamalasan ang Terrafirma Dyip sa PBA Philippine Cup.
Ito’y makaraang mapatalsik ng Meralco Bolts ang Terrafirma sa 2022 Philippine Cup sa kanilang paghaharap, sa Araneta Coliseum, kahapon.
Ipinalasap ng Bolts ang ika-11 sunod na pagkatalo ng Dyip makaraang patumbahin ito sa score na 105-89.
Bitbit ng Meralco ang kartadang 7-4 at maaaring pumuwesto sa 4th o 5th spot sa quarterfinals habang nahulog ang walang kapana-panalong Dyip sa 12th spot o pinaka-kulelat.
Sumalaksak si Chris Newsome ng 19 points, 6 rebounds at 5 assists para sa ikalawang sunod na panalo ng Meralco.
Nagpakawala naman ng 24 points si Aldrech Ramos para sa Terrafirma pero hindi nakapalag ang koponan sa Bolts.
Opisyal nang pumirma ng 2 taong kontrata sa Philadelphia 76ers si NBA star James Harden.
Nabatid na aabot sa 33 million dollars para sa taong 2022-2023 season ang kikitain ni Harden habang nasa 35.6 million naman ang kaniyang magiging kita sa pinirmahang deal para naman sa taong 2023-2024.
Dahil dito, tatanggap si Harden ng kabuuang 68.6 million dollars na deal o katumbas ng halos P4-bilyong sa loob ng dalawang taon kapalit ng pagpapalakas ng 76ers sa laro.
Si Harden ay kinilalang 10-time all-star na may average na 21 points, 10.5 assists at 7.1 rebounds sa 21 regular-season ng NBA games.
Humihingi ngayon ng dasal at tulong Ang Pinay Sprint Legend na si Lydia De Vega o mas kilala sa tawag na ‘diay’ dahil sa komplikasyon dulot ng stage four breast cancer.
Ayon sa anak ni Diay Na Si Stephanie Mercado-De Koenigswarter, apat na taon nang nilalabanan ng ina ang sakit simula nang ma-diagnose ito noong 2018.
Matatandaang siyam na gold medals ang nasungkit ni De Vega sa Southeast Asian games at dalawa sa Asian Games.
Tinagurian din siyang ‘Asia’s Sprint Queen’ matapos dominahin ang Asian Athletics Championship noong 1983 at 1987 at asian games noong 1982 at 1986.
Posibleng maglaro sa Gilas Pilipinas para sa FIBA World Cup Qualifiers ang NBA star na si Jordan Clarkson.
Ayon kay Gilas Pilipinas Head Coach Chot Reyes, nasa break-season ngayon ang NBA kaya malaki ang posibilidad na makuha nila si Clarkson.
Magsisimula ang World Cup sa August 25 na magtatagal hanggang August 29.
Si Clarkson ay nasa koponan ng Utah Jazz bilang guard at may dugong Pilipino dahil sa kaniyang ina.