SPORTS

Nakumpleto na ang 12-man line-up ng Gilas Pilipinas para sa 2022 FIBA Asia Cup na gaganapin sa Jakarta, Indonesia ngayong araw.

Ito ay matapos mabigyan ng Go-signal ng FIBA sports organization si NCAA season 97 Most Maluable Player (MVP) at Rookie of the Year Rhenz Abando.

Ayon kay Gilas team manager at Samahang Basketbol ng Pilipinas (SBP) deputy secretary general Butch Antonio, ginawa ang pag-apruba kay Abando bilang kapalit ng na-injured na si Dwight Ramos.

Bukod kay Abando, kabilang pa sa mga lalaro sa koponan ang magkapatid na sina Thirdy at Kiefer Ravena, Rayray Parks, Carl Tamayo, Will Navarro, Lebron Lopez, SJ Belangel, RJ Abarrientos, Geo Chiu, at Kevin Quiambao.

Unang maghaharap mamayang alas-nueve ng gabi ang Gilas kontra Lebanon na susundan ng India sa Biyernes at New Zealand sa Linggo.

Umaasa naman ang Gilas na mapapabilang sa top 2 ng Group D upang umabante sa quarter finals.

Sa kauna-unahang pagkakataon, nabigo ang Philippine Women’s National Football Team sa 2022 AFF Women’s Championship, sa kamay ng Thailand.

Hindi naka-porma ang Malditas sa Thailand sa score na 1-0 sa kanilang paghaharap sa semi-finals sa Rizal Memorial Stadium,  sa Maynila, kagabi.

Nag-ambag ng panalo para sa Thai Team si Kanyanat Chetthabutr.

Tinangkang tumabla ng Malditas subalit kinapos sila ng oras.

Sunod na makakaharap ng Pilipinas ang mananalo sa sagupaan ng Vietnam at Myanmar, mamaya.

Nakasungkit si Filipino-Japanese Karateka Junna Tsukii ng Gold Medal sa 12th world games.

Ayon kay Karate Chief Ricky Lim labis ang pagkadismaya ni tsukii ng makakuha lamang ito ng bronze medal noong 2018 asian games matapos siyang patumbahin ni Gema Morales ng Spain.

Inamin naman ng 30 anyos na karateka na muntik pa siyang hindi tumuloy sa naturang laban na ginanap sa Birmingham, Alabama.

Nalaglag sa 4th place sa matatapos ng 2022 FIBA Asia Cup 3×3 ang Gilas Pilipinas 3×3 na ginanap sa Singapore nitong linggo.

Natalo ang Pilipinas sa China, 20-18, sa labanan para sa ikatlong puwesto ng torneo.

Ayon sa ulat, ito na ang ikalawang paghaharap ng pilipinas at china sa torneo, kasunod ng kanilang laban sa pool game noong Sabado.

Nauna rito, natibag din ang Gilas Pilipinas sa New Zealand, 21-13, sa semis.

Sa Torneo, naitala ng Gilas ang kabuuang apat na panalo at tatlong talo.

Maghaharap ang New Zealand at Australia sa finals.

Ang Gilas Pilipinas ay binubuo nina Almond Vosotros, Samboy de Leon, Lervin Flores, at Joseph Eriobu.

Sabik na si Five-time all-star Guard John Wall na maglaro matapos pumirma ng kontrata sa koponan ng Los Angeles Clippers.

Tumanggi ang Clippers na ibunyag ang mga detalye ng kasunduan, pero ayon sa agent ni Wall, ang deal sa loob ng dalawang taon ay nagkakahalaga ng 13.2 million dollars.

Matatandaang sumang-ayon ang 31-year-old na si Wall sa 6.5 million dollar buyout sa Houston Rockets.

Samantala, ipinahayag din ni Wall na excited na siyang makasama sa koponan sina Kaway Lenard at Paul George.

Nasungkit ng tennis player na si Novak Djokovic ng Serbia ang 7th Wimbledon Title at 21st Grand Slam Crown matapos talunin si Nick Kyrgios ng Australia.

Nanguna si Djokovic sa four-set ng laro kung saan umiskor ito ng  4-6, 6-3, 6-4 at 7-6.

Wala namang masabi ang manlalaro sa tagumpay na kaniyang narating pero, aniya mananatili itong espesyal sa kaniyang puso.

Samantala, pinuri ni Djokovic si Kyrgios(kir-gyos) sa ipinamalas nitong performace sa Wimbledon

Humingi ng paumanhin si dating WBC World Featherweight Champion Mark Magsayo sa kanyang fans matapos mabigong ipagtanggol ang kanyang titulo laban kay Rey Vargas ng Mexico.

Bagaman umiskor ang 27-anyos na Pinoy boxer ng knockdown laban sa Mehikano sa Round 9, hindi ito sapat upang iligtas siya sa pagkatalo sa kanilang sagupaan sa Alamodome sa San Antonio, Texas.

Nagpasalamat naman si Magsayo sa lahat ng mga sumusuporta sa kanya at tiniyak na babalik siya sa parisukat na lona at magsusumikap na makasungkit muli ng korona.

Nagwagi si Vargas via split decision at isa ng two-division world champion na may perfect record na 36-0, kabilang ang 22 Knockouts.

Humingi ng paumanhin si dating WBC World Featherweight Champion Mark Magsayo sa kanyang mga tagahanga matapos hindi madepensahan ang world title laban sa Mexican boxer na si Rey Vargas.

Ayon kay Magsayo, nagpapasalamat ito sa lahat ng kanyang tagasuporta at sinabing babalik upang muling ipaglaban ang titulo.

Nabatid na umiskor ng knockdown ang ating nasabing pambatao laban kay Mexicano sa round 9 ngunit hindi ito naging sapat para mapagtagumpayan ang laban sa pamamagitan ng split decision.

Hindi makakapaglaro si Dwight Ramos sa 2022 FIBA Asia Cup sa susunod na linggo.

Kasalukuyan kasi itong nakakaranas ng Medial Tibial Stress Syndrome o Shin splint.

Ayon sa Samahang Basketbol ng Pilipinas (SBP), posibleng si Rhenz Abando ang pumalit kay Ramos sa nasabing laro.

Nabatid na naging bahagi ng Gilas Pilipinas si Abando nang makalaban nito ang New Zealand at India sa third window ng 2023 FIBA World Cup Asian Qualifiers.

Unang makakalaban ng National Team ang Lebanon sa July 13, India sa July 15 at New Zealand sa July 17.

Pasok na sa Quarterfinals ng FIBA 3 on 3 Asia Cup ang Gilas Pilipinas matapos talunin ang Singapore.

Sa score na 21-17, natalo ng Pilipinas ang Singapore pero bigong manaig sa China sa ginanap na laban kahapon.

Pero sa kabila nito, maglalaro pa rin sa Quarterfinals ang Pilipinas matapos mapasama sa Top two spots ng Pool C.

Ngayong araw makakalaban ng Gilas ang Mongolia.

Ilan pa sa mga bansang maglalaban-laban sa Quarterfinals ay ang Australia laban sa Chinese Taipei, China laban sa Korea, Japan laban sa New Zealand.