SPORTS

Pasok na sa semifinals ng 2022 PBA Philippine Cup ang San Miguel Beermen.

Ito ay matapos talunin ng Beermen ang Blackwater sa score na 123-93 para makamit ang panalo sa twice-to-beat game.

Nanguna sa laban si Marcio Lassiter at CJ Perez na kumamada ng tig-18 points, sinundan ni Jericho Cruz na may 17 markers.

Makakaharap ng San Miguel ang sinumang magwawagi sa pagitan ng Meralco Bolts at Barangay Ginebra.

Pinasalamatan naman ni San Miguel Coach Leo Austria ang kaniyang mga assistant coach dahil sa kabila ng pagsailalim niya sa isolation ay nakapasok pa rin ang koponan sa semifinals.

Aabot sa 20 NBA players ang inilagay sa free-agency matapos mapaso ang kanilang kontrata.

Kabilang sa mga manlalarong nakabitin ang karera ay ang mga mahuhusay o beteranong manlalaro kabilang na ang 23-year-old scoring guard mula sa Cleveland Cavaliers na si Collin Sexton; veteran players na sina Carmelo Anthony at Dwight Howard ng Lakers; at Blake Griffin ng Brooklyn na ngayon ay nasa restricted free agent market.

Nabatid na tumanggi din ang mga ito na magkaroon ng extension sa ilalim ng kanilang team at patuloy na nag-aantay na kunin ng ibang mga teams.

Samantala, nakabitin din ang career nina center Hassan Whiteside ng Utah Jazz; Tristan Thompson ng Chicago Bulls; Lamarcus Aldridge ng Brooklyn Nets; Demarcus Cousins ng Denver Nuggets; Rajon Rondo ng Cavs; point guard ng Charlotte Hornets na si Isaiah Thomas; at iba pa.

Umangat ang world ranking ni Filipina tennis player Alex Eala sa Women’s Tennis Association (WTA).

Sa pinakabagong ranking na inilabas ng WTA ay nasa umakyat 282 si Eala mula sa dating 317.

Sinabi naman ng 17 anyos na manlalaro na masaya siyang nakamit ang kaniyang career best.

Mababatid na itinuturing si Eala bilang top ranking tennis player sa Southeast Asian Region.

Nakasungkit ng gintong sa 20th ASEAN University games ang pambato ng Pilipinas na si Chloe Isleta.

Nagposte ang 24 anyos na swimmer ng 2:17.36 sa women’s 200-meter backstroke event na ginanap sa Ubon Ratchathani, Thailand.

Mababatid na mula si ISLETA sa gold medal performance rin sa 31st Southeast ASIAN games 2022 sa Hanoi, Vietnam nitong Mayo.

Samantala, nakamit naman ni Fonpray Yamsuan ng Japan ang silver medal at naibulsa ni Azzahra Permatahani ng Indonesia ang bronze medal.

Hinikayat ng isang grupo sa social media si Chot Reyes na magresign na bilang coach ng Gilas Pilipinas.

Kasunod ito ng pagkatalo ng koponan sa Playoffs para sa Quarter Finals ng 2022 FIBA Asia Cup laban sa Japan na ginanap sa Indonesia sa iskor na 102-81.

Nabatid na hindi nakapasok ang Pilipinas sa Top 8 o Quarter Finals ng torneyo kung saan, ito na ang kauna-unahang pagkakataon na hindi nakapasok ang Gilas sa nakalipas na 15 taon at ito din ang kauna-unahang pagkakataon na nanalo ang Japan laban sa Pilipinas.

Dahil dito, magsusuot ng itim na damit bilang protesta ang mga manonood para sa Men’s National Basketball coach na may layuning mapaalis sa kanyang puwesto si Reyes.

Bigong manalo ang koponan ng Pilipinas sa unang laban nito sa ginaganap na ASEAN Football Federation (AFF) U18 Women’s Championship sa Palembang, Indonesia.

Ito ay matapos isara ng koponan ng Australia ang laro sa iskor na four-zero.

Sa kabila nito, positibo pa rin ang koponan ng mga Pinay na makakaabot sila sa knockout phase ng naturang kompetisyon.

Samantala, nakatakda namang makaharap ng Team Pilipinas sa Group B ang Myanmar bukas.

 Matapos makaabanse si Carlos Alcaraz sa Hamburg Final ay inanunsiyo ng Association of Tennis Professionals (ATP) na siya na ang pinakabatang player na papasok sa ATP top five.

 Mababatid na matapos kay world number 3, Rafael Nadal ay ang 19 anyos na ang pinakabatang nakaabot sa kanyang feat, simula nang una itong umakyat sa kanyang illustrious compatriot sa top five noong 2005.

 Samantala, nananatili namang world number one si Daniil Medvedev.

Muling nagkampyon sa katatapos lamang na FIBA Asia Cup ang Australia matapos malusutan ang Lebanon sa score na 75-73.

Dahil dito, sinelyuhan ng Lebanon ang ikalawang puwesto makaraan ang paghaharap nila ng Boomers sa Istora Senayan Gymnasium sa Jakarta, Indonesia.

Kumamada ng 14 points at 8 rebounds ang NBA veteran bigman na si Thon Maker para sa Australia.

Tinalo naman ng New Zealand ang Jordan sa score na 83-75 sa naunang laro upang makuha ang third spot.

Binigyan ng Phoenix Suns ng longterm contract extension si reigning NBA coach of the year Monty Williams.

Ito ay matapos tulungan ni Williams ang Suns sa NBA Finals noong 2020-2021 at sa franchise-best na may record na 64-18 sa 2021-2022 dahilan para magkaroon ang koponan ng kabuuang 149-78 na record para sa tatlong season.

Nabatid na dalawa nalamang ang natitirang season ni Williams mula sa original five-year deal nito na nilagdaan noong May 2019 pero na-extend ito makaraang pirmahan ng Suns ang bagong kontrata ni Williams.

Binasag ni Filipino pole vaulter EJ Obiena ang kaniyang personal, National at Asian record matapos masungkit ang bronze medal sa World Athletics Championships.

Nabatid na nakuha ni Obiena ang 3^rd place matapos niyang maitala ang 5.94 meters performance sa finals ng WAC sa Oregon, USA.

Matatandaang sa kanyang nakaraang record, nasa 5.93 meters lamang ang kaniyang nakuha noong September 2021 sa naganap na International Golden Roof Challenge.

Sinubukan pa ni Obiena na i-reset muli ang kaniyang rekord pero nabigo siya sa kaniyang ikatlong pagtalon dahilan para makuha ni Mondo Duplantis ng Sweden ang gintong medalya sa markang 6.0 at 6.06-meter mark.