SPORTS

Sumakabilang-buhay na si NBA Hall of Famer at dating Boston Celtics Superstar Bill Russell, sa edad na 88.

Kinumpirma ng kanyang maybahay na si Jeannine ang mapayapang pagyao ng NBA legend pero hindi binanggit ng ginang sanhi ng pagkamatay ng dating Basketball Superstar.

Nagpaabot naman ng pakikiramay ang pamunuan ng NBA, Celtics at mga kapwa NBA Superstar at hall of famers, gaya ni L.A. Lakers legend Earvin “Magic” Johnson at Detroit Pistons hall of famer Isaiah Thomas.

Si Russell ang kaisa-isang NBA player na mayroong 11 Championship nang maglaro ito para sa Boston Celtics noong 1957, 1959-66, 1968 at 1969 Seasons.

Itinuturing din siyang “Greatest Basketball player of all time at champion” sa anumang team sports at kahanay ng mga sports icon, tulad nina Muhammad Ali sa Boxing at Tiger Woods sa Golf.

Iniimbestigahan na ng mga tauhan ng National Basketball Association (NBA) ang kontratang pinirmahan ni NBA star at point guard-shooting guard James Harden sa Philadelphia 76ers.

Ito ay dahil sa posibleng nagkaroon ng tampering o problema sa pinasukang kontrata ni Harden ngayong summer agency kasama sina P.J. Tucker at Danuel House.

Nabatid na tinanggihann umano ni Harden ang $47.4 million na player option para sa Season 2022-2023 at pumayag itong bawasan ang kanyang sweldo para tanggapin ang dalawang taon na kontrata na nagkakahalaga ng $68 million.

Naging usap-usapan din na posibleng matagal nang plantsado ang naturang kontrata at kung totoo ang nasabing isyu, maituturing na isang paglabag sa collective bargaining rules ang ginawa ni Harden.

Matatandaang ganito din ang naging sitwasyon ng Chicago Bulls at Miami Heat na pinatawan ng parusa ng NBA at inalisan ng karapatan sa second-round pick.

Sa ngayon, ipinatawag na ng NBA ang presidente ng 6ers maging ang mga team personnel nito para pag-usapan ang kontrata ni Harden.

Plano ni National Basketball Association (NBA) star Dwight Howard na sumali sa World Wrestling Entertainment (WWE) kung hindi ito mapapabilang sa NBA team sa paparating na season.

 Sa ngayon kasi ay free agent si Howard at wala pang NBA team na napupusuan.

 Nilinaw din ng manlalaro na priority pa rin niya ang maglaro ng basketball pero ikinokonsidera nito ang WWE.

 Si Howard ay kilala bilang 8 times NBA all-star, 3 times NBA defensive player of the year at 5 times all-NBA first team.

Nabawi ni Brazilian mixed martial artist Amanda Nunes ang UFC Women’s World Bantamweight Title sa UFC 277 na ginanap sa American Airlines Center sa Dallas, Texas.

Ito ay kasunod ng unanimous decision sa sagupaan nina Nunes at Julianna Pena ng Amerika.

Sa first round ng laban parehong nagpakita ng maingat na pagdepensa ang dalawa kung saan tinamaan ng right hook ni Nunes si Pena.

Sa second round naman, napabagsak muli ni Nunes ang kalaban gamit pa rin ang kanang suntok nito.

Matapos ang ilang palitan ng bigwas, napatumba muli ni nunes si Pena sa third round gamit ang straight left hand nito.

Dahil sa panalo, may record na 22-5 si Nunes habang bumagsak sa 11-5 si Pena.

Tiniyak ng Philippine Basketball Association (PBA) ang buong suportang ibibigay sa Gilas Pilipinas na naghahanda na ngayon para sa 2023 FIBA World Cup.

Ayon sa PBA, ito ang rason kung bakit lilimitahan na lamang sa dalawang conference ang PBA Season 48 upang makapili ng manlalaro si Gilas coach Chot Reyes.

Ikinokonsidera rin nila ang pagkuha ng manlalaro mula sa 10 clubs ng PBA na hindi kasama sa Philippine Cup finals.

Magsisimula ang 48th Season ng PBA pagkatapos ng World Cup kung saan magiging Co-host ng Pilipinas ang Japan at Indonesia.

Abot na sa P500-K ang tulong-pinansyal na ibibigay ng kampo ng Filipino pole vaulter na si EJ Obiena sa Sprint Queen na si Lydia de Vega na nasa kritikal na kondisyon dahil sa Breast Cancer.

Ayon kay Obiena, una niyang ipinangako ang pagbibigay ng P200-K na insentibo mula sa Philippine Sports Commission.

Nakuha ito ni Obiena matapos makamit ang bronze medal sa katatapos lang na 2022 World Atlethics Championship.

Tinapatan ng adviser ni Obiena na si James Lafferty ang halaga para sa magiging operasyon ni De Vega.

Matatandaang humingi noon ng tulong pagdarasal at pinansiyal ang kaanak ni De Vega matapos itakbo sa pagamutan ang Sprint Queen dahil sa breast cancer.

Opisyal nang naghayag ng pagreretiro si Formula 1 and four-time world champion Sebastian Vettel.

Ayon kay Vettel, nais na niyang tutukan ang kaniyang pamilya at ibang interest sa labas ng sports.

Mababatid na ang 35-anyos na German F1 driver ng Aston Martin team ay nakuha ang kaniyang titulo sa Red Bull mula 2010 hanggang 2013 at iginugol rin nito ang anim na season sa Ferrari.

Samantala, magsisimula ang kaniyang retirement sa pagtatapos ng Formula 1 2022 season.

Nakamit ng pole vaulter na si EJ Obiena ang ikatlong pwesto sa Pole Vault World Rankings.

Ito ay matapos magwagi si Obiena ng makasaysayang bronze medal sa World Athletics Championships sa Oregon, United States noong nakaraang linggo.

Dating nasa ikaanim na pwesto ang 26 anyos na pole vaulter na may kabuuang score na 1,408.

Sinundan ni Obiena sa pwesto si Mondo Duplantis ng Sweden na may 1,612 points at Chris Nilsen ng US na may 1,435 points.

Mananatiling coach ng Gilas Pilipinas si Chot Reyes.

Ito ay kasunod ng panghihikayat ng isang grupo sa social media na magbitiw na bilang coach si Chot Reyes matapos bigong makuha ng bansa ang men’s 5×5 basketball gold medal sa 31^st Southeast Asian Games 2021 na ginanap sa Hanoi, Vietnam noong Mayo.

Ayon kay Reyes, maraming nagmemessage sakaniya at nagpapadala ng e-mail na nagsasabing magresign na siya pero hindi niya ito nireplyan.

Nilinaw din ni Reyes na nag-resign siya pero hindi umano tinanggap ng Samahang Basketbol ng Pilipinas (SBP) kung saan, sinabi niya na hinding-hindi tatalikuran ang kaniyang tungkulin sa bandila at bansa.

Samantala sa iba pang balita, lalaro naman sa Korean Basketball League si NCAA Season 97 MVP at Gilas star Rhenz Abando kasunod ng ipinakita nitong magandang performance sa laro.

Nabatid na si Abando ang magiging ikalimang pinoy na maglalaro sa Korea league kasama ng iba pang Pinoy basketball athletes.

Inaasahan na makakasama na ng Gilas Pilipinas si Utah Jazz Guard Jordan Clarkson.

Ayon kay National Coach Chot Reyes, simula sa August 15 ay makakapunta at makakapag-training na si Clarkson kasama ang team, para sa susunod na window.

Mababatid na nakatakang maglaro sa Asia Cup Finalist kontra sa Lebanon sa August 25 ang Pilipinas at haharapin din ang host na Saudi Arabia matapos naman ang apat na araw para sa 2nd round ng FIBA World Cup Asian Qualifiers.

Samantala, matatandaan na huling nag-reinforce si Clarkson sa Gilas noong 2018 Asian games.