Nakuha ng San Miguel Beermen ang unang panalo kontra Meralco sa game 1 ng PBA Philippine Cup Semifinals .
Sa score na 121-97, hindi pinalusot ng Beermen ang Bolts na tatlong panalo na lang ang kailangan para makapasok sa finals.
Nanguna sa panalo si CJ Perez na tumira ng 5 rebounds, 4 assists at 4 steals.
Tumulong din sa panalo sina Rodney Brondial na kumubra ng 20 points at 11 boards, at Vic Manuel na may 16 markers.
Welcome development para kay Gilas Pilipinas head coach Chot Reyes, ang pagkakatalaga kay San Miguel Corporation Sports Director Alfrancis Chua bilang Gilas executive advisor.
Ayon kay Reyes, malaki ang maitutulong ni Chua sa papalapit na crucial preparations ng Gilas Pilipinas basketball team para sa global conclave, maging sa Asian qualifiers at sa 2023 SEA Games.
Sinabi ni Reyes na sapat ang mga background at naging karanasan ni Chua para tulungan ang team na makauwi ng karangalan para sa bansa.
Si Chua ay key figure sa Philippine basketball, at nagsilbi rin bilang Barangay Ginebra team governor sa Philippine Basketball Association (PBA), habang consistent supporter din si Chua ng Colegio de San Juan de Letran sa NCAA.
Apat na bansa ang nagsumite ng kanilang intensiyon na maging host ng 2026 Women’s Asian Cup.
Ayon sa Asian Football Confederation (AFC), kinabibilangan ito ng Saudi Arabia, Australia, Jordan at Uzbekistan.
Mababatid na sa apat na mga bansang nabanggit ay tanging ang Saudi at Uzbekistan na lamang ang hindi pa nakapag-host ng nasabing torneo.
Inihayag naman ng AFC na makikipag-ugnayan sila ng bidding member association upang malaman ang magiging susunod na host at ma-ianunsyo sa 2023.
Welcome para kay Gilas Pilipinas Head Coach Chot Reyes, ang pagtalaga kay San Miguel Corporation Sports Director Alfrancis Chua bilang Executive Advisor ng Gilas Pilipinas.
Ayon kay Reyes, isang positibong pasya para sa koponan ang nangyari lalo’t lalaban ang Gilas sa 2023 FIBA World Cup sa August 25.
Bilang isang Executive Director, gagabayan din ni Chua ang Gilas para makapasok sa Asian Qualifiers at 2023 SEA Games.
Itinuturing na key figure ang bagong Gilas Advisor sa Philippine Basketball na naglingkod din bilang Team Governor ng Barangay Ginebra sa PBA.
Patuloy pang nadarag-dagan ang bilang ng mga medalyang nasusungkit ng mga atletang Pilipino sa 11th ASEAN Para-Games 2022 na ginanap sa Surakarta, Indonesia.
Ayon sa Philippine Sports Commission (PSC), alas-11 kagabi nang maitala ng mga atleta ang 25 medalya na binubuo ng 9 gold medals, 8 silver medals, at 8 bronze medals.
Dahil dito nakuha ng Pilipinas ang pang limang puwesto sa official medal tally kung saan, nangunguna ang Indonesia na mayroong 31 gold medals, 24 silver medals, at 18 bronze medals; sinundan ng Thailand na may 21 gold medals, 22 silver medals, at 10 bronze medals; Vietnam na may 17 gold medals, 16 silver medals, at 11 bronze medals; at Malaysia na may 10 gold medals, 6 silver medals, at 1 bronze medals.
Sa pahayag ng Philippine Paralympic Committee, nagpapatuloy pa ang naturang kompetisyon kung saan, ipinapakita ng mga Pinoy-Para athlete ang kanilang galing sa mundo ng pampalakasan.
Tatlong medalya ang hinakot ng isang pulis mula Bohol sa katatapos lamang na World Police and Fire Games na ginanap sa Netherlands.
Sinikwat ni Staff Sgt. Maria Caress Arnejo ang gold medal sa over 60 kilogram 30 plus category ng Karate.
Silver naman ang dinagit nito sa 10,000-meter run women’s master 30 plus category habang bronze sa karate kata kyu bet 18 plus category.
Aminado si Arnejo na naging atleta siya noong nasa kolehiyo pa bago maging pulis.
Samantala, ibinulsa rin ni Staff Sgt. Rodel bustamante ng Davao Del Sur, ang isang gold medal makaraang talunin ang pambato ng Malaysia sa men’s masters 40 plus 5,000-meter walk, na isang track and field event.
Halos 10,000 atleta na kabilang sa uniformed services, tulad ng mga pulis, bombero at corrections officer mula sa 70 bansa ang lumahok sa isang linggong World Police and Fire Games.
Papayagan ng Philippine Basketball Association (PBA) si Gilas Pilipinas head Coach Chot Reyes na pumili ng player mula sa 10 PBA Clubs na kasama sa Philippine Cup Finals.
Ito ay kasunod ng pahayag ni PBA commissioner Willie Marcial, na kanilang susuportahan ang gilas sa kanilang 2023 FIBA World Cup.
Matatandaang nilimitahan nila ang PBA Season 48 sa dalawang conferences lamang, para bigyang daan si Coach Chot Reyes na pumili ng sinumang player na nais nito sa Gilas Roster.
Ayon kay Marcial, ang 48th Season ay magsisimula sakaling matapos ang World Cup, kung saan ang Pilipinas, Japan, at Indonesia ang Co-host mula August 25 hanggang September 10 sa susunod na taon.
Pumanaw na sa edad na 88 ang 11-time National Basketball Association (NBA) champion at Boston Celtics Legend na si Bill Russell.
Nagulat ang NBA fans sa pagpanaw ng isa sa mga ‘World’s Greatest Winners’ at kauna-unahang black player-coach ng liga.
Mababatid na si Russell ay naging superstar noong 1950’s at 60’s, hindi sa mga matataas na scoring plays kundi dahil sa pagdomina nito sa rebounding at matinding defensive play sa kaniyahng mga laro.
Samanatala, bukod sa 11 NBA title, si Russell din ay isang five-time Most Valuable Player (MVP), 12-time All-Star, at sa loob ng 13 taon nito sa liga ay humakot ng 21,620 rebounds, kung saan ang average niya ay 22.5 rebounds kada laro.
Nasungkit ng Paralympian na si Ernie Gawilan ang unang gintong medalya ng Pilipinas matapos magwagi sa Men’s 400 Meters Freestyle S7 TF Event, sa ASEAN Paragames 2022 na ginanap sa Jatidiri Sports Complex sa Semarang, Indonesia.
Ayon sa kanyang Facebook post, nagpasalamat si Gawilan sa Philippine Sports Commission (PSC), National Sports Association (NSA), at sa kanilang mga taga suporta.
Nakuha rin ni Roland Sabido ang pangalawang gintong medalya sa Men’s 400 Meter Freestyle S9 Class sa Paraswimming habang bronze naman ang kay Edwin Villanueva, isa ring Paraswimmer, sa Men’s 400 Meter Freestyle S8 Class.
Nakamit naman ni Cendy Asuseno ang pangatlong gintong medalya sa Women’s Javelin Throw F54 Event.
Samantala, nakubra naman ni Daniel Enderes Jr. ang bronze medal sa Men’s 5000 Meters T20 Competition sa Para Athletics habang silver medal naman ang nakuha ng Philippine Men’s 3×3 Wheelchair Basketball Team.
Nagdagdag ng panibagong bronze ang trio nina Smith Billy Cartera, Racleo Martinez at Darwin Salvacion mula sa Men’s Table Tennis TT4. —sa panulat ni Hannah Oledan
Bibigyang pagkilala at papuri ng Kamara ang Pinoy pole vaulter na si Ernest John “EJ” Obiena.
Kasunod ito ng pagkapanalo ni Obiena ng bronze medal sa 2022 World Athletics Championships at pag-angat sa 3rd ranking sa world rankings for pole vault.
Sa resolusyon inihain sa mababang kapulungan ni Manila 2nd District Rolando Valeriano, malaking karangalan ang ibinigay ni Obiena na kauna-unahang Pilipino at asyano na naka-sungkit ng medalya sa pinaka prestihiyosong kompetisyon.
Ayon kay Valeriano, hindi lamang inspirasyon si Obiena sa mga kabataan kundi maging sa lahat ng Pilipino dahil sa pagiging mahusay na atleta at pagkakaroon ng compassion o awa sa iba.
Matatandaang inihayag ng Pinoy vaulter na kanyang ido-donate ang makukuhang insentibo sa kapwa atleta at tinaguriang Asia’s Fastest Woman na si Lydia de Vega-Mercado na kasalukuyang nakikipaglaban ngayon sa Stage 4 Cancer.