Nakasungkit ng gintong sa 20th ASEAN University games ang pambato ng Pilipinas na si Chloe Isleta.
Nagposte ang 24 anyos na swimmer ng 2:17.36 sa women’s 200-meter backstroke event na ginanap sa Ubon Ratchathani, Thailand.
Mababatid na mula si ISLETA sa gold medal performance rin sa 31st Southeast ASIAN games 2022 sa Hanoi, Vietnam nitong Mayo.
Samantala, nakamit naman ni Fonpray Yamsuan ng Japan ang silver medal at naibulsa ni Azzahra Permatahani ng Indonesia ang bronze medal.
Hinikayat ng isang grupo sa social media si Chot Reyes na magresign na bilang coach ng Gilas Pilipinas.
Kasunod ito ng pagkatalo ng koponan sa Playoffs para sa Quarter Finals ng 2022 FIBA Asia Cup laban sa Japan na ginanap sa Indonesia sa iskor na 102-81.
Nabatid na hindi nakapasok ang Pilipinas sa Top 8 o Quarter Finals ng torneyo kung saan, ito na ang kauna-unahang pagkakataon na hindi nakapasok ang Gilas sa nakalipas na 15 taon at ito din ang kauna-unahang pagkakataon na nanalo ang Japan laban sa Pilipinas.
Dahil dito, magsusuot ng itim na damit bilang protesta ang mga manonood para sa Men’s National Basketball coach na may layuning mapaalis sa kanyang puwesto si Reyes.
Bigong manalo ang koponan ng Pilipinas sa unang laban nito sa ginaganap na ASEAN Football Federation (AFF) U18 Women’s Championship sa Palembang, Indonesia.
Ito ay matapos isara ng koponan ng Australia ang laro sa iskor na four-zero.
Sa kabila nito, positibo pa rin ang koponan ng mga Pinay na makakaabot sila sa knockout phase ng naturang kompetisyon.
Samantala, nakatakda namang makaharap ng Team Pilipinas sa Group B ang Myanmar bukas.
Matapos makaabanse si Carlos Alcaraz sa Hamburg Final ay inanunsiyo ng Association of Tennis Professionals (ATP) na siya na ang pinakabatang player na papasok sa ATP top five.
Mababatid na matapos kay world number 3, Rafael Nadal ay ang 19 anyos na ang pinakabatang nakaabot sa kanyang feat, simula nang una itong umakyat sa kanyang illustrious compatriot sa top five noong 2005.
Samantala, nananatili namang world number one si Daniil Medvedev.
Muling nagkampyon sa katatapos lamang na FIBA Asia Cup ang Australia matapos malusutan ang Lebanon sa score na 75-73.
Dahil dito, sinelyuhan ng Lebanon ang ikalawang puwesto makaraan ang paghaharap nila ng Boomers sa Istora Senayan Gymnasium sa Jakarta, Indonesia.
Kumamada ng 14 points at 8 rebounds ang NBA veteran bigman na si Thon Maker para sa Australia.
Tinalo naman ng New Zealand ang Jordan sa score na 83-75 sa naunang laro upang makuha ang third spot.
Binigyan ng Phoenix Suns ng longterm contract extension si reigning NBA coach of the year Monty Williams.
Ito ay matapos tulungan ni Williams ang Suns sa NBA Finals noong 2020-2021 at sa franchise-best na may record na 64-18 sa 2021-2022 dahilan para magkaroon ang koponan ng kabuuang 149-78 na record para sa tatlong season.
Nabatid na dalawa nalamang ang natitirang season ni Williams mula sa original five-year deal nito na nilagdaan noong May 2019 pero na-extend ito makaraang pirmahan ng Suns ang bagong kontrata ni Williams.
Binasag ni Filipino pole vaulter EJ Obiena ang kaniyang personal, National at Asian record matapos masungkit ang bronze medal sa World Athletics Championships.
Nabatid na nakuha ni Obiena ang 3rd place matapos niyang maitala ang 5.94 meters performance sa finals ng WAC sa Oregon, USA.
Matatandaang sa kanyang nakaraang record, nasa 5.93 meters lamang ang kaniyang nakuha noong September 2021 sa naganap na International Golden Roof Challenge.
Sinubukan pa ni Obiena na i-reset muli ang kaniyang rekord pero nabigo siya sa kaniyang ikatlong pagtalon dahilan para makuha ni Mondo Duplantis ng Sweden ang gintong medalya sa markang 6.0 at 6.06-meter mark.
Nagtala ang Pinoy Pole Vaulter na si EJ Obiena ng bagong Personal Best at Asian Record sa 2022 world championship na ginanap sa Eugene, Oregon.
Ito’y matapos masungkit ni Obiena ang bronze medal nang malampasan o ma-clear nito ang 5.94 meters sa final round ng laban.
Kinilala rin si Obiena bilang kauna-unahang Pilipino na nakatanggap ng medalya sa world championships.
Matatandaan na nakuha ng atleta ang 5.93 meters record sa Innsbruck, Austria noong nakaraang taon.
Handa umanong talikuran ni Pinay Olympic gold medalist Hidilyn Diaz ang kaniyang karera para sa pagbuo ng sariling pamilya.
Sa naging pahayag ng weightlifting star, handa na siya sa nalalapit na kasal ng kaniyang coach-fiancé at tubong Guam na si Julius Naranjo sa Hulyo a-26 sa Philippine Military Academy sa Baguio.
Ayon kay Hidilyn, pipiliin niya ang kaniyang marriage dahil si Julius ang nagsilbing sandigan sa kaniyang mga naranasang lungkot at pagkasawi sa pag-ibig kung saan, tinalikuran din nito ang sariling bansa para maging isa sa mga trainer ni Hidilyn.
Dagdag pa ng Olympian medalist, mahirap makahanap ng “The One” na makakaintindi at magmamahal ng totoo sakaniya kaya kailangan niya itong alagaan at bigyan ng halaga.
Nilinaw naman ni Hidilyn na magpapatuloy pa rin ang kaniyang karera sa weightlifting pagkatapos ng kaniyang kasal kung saan, plano ng atleta na masungkit ang gold medal sa 2024 Paris Olympics.
Bigo ang College of Saint Benilde na masungkit ang panalo kontra Adamson University sa iskor na 80-75 kasunod ng pagbubukas ng 2022 Filoil Eco-Oil preseason Cup kahapon.
Nanguna sa panalo ng Soaring falcons si Joem Sabandal na tumipa ng game-high 18 points, four rebounds, at tatlong steal habang nag-ambag naman ng 12points at 6 rebounds si Cedrick Manzano.
Umabot sa 12 puntos ang kalamangan ng Adamson sa huling kwarter ng laro pero sinubukan pa itong ibaba ng CSB sa anim na puntos matapos ang back to back triples ni Frederick Pasturan para makadikit sa iskor na 69-75.
Ngunit napanatili pa rin ng Adamson ang kanilang kalamangan hanggang sa pagtatapos ng kwarter, dahilan upang makamit ang 80-75 win.