Humingi ng paumanhin si dating WBC World Featherweight Champion Mark Magsayo sa kanyang mga tagahanga matapos hindi madepensahan ang world title laban sa Mexican boxer na si Rey Vargas.
Ayon kay Magsayo, nagpapasalamat ito sa lahat ng kanyang tagasuporta at sinabing babalik upang muling ipaglaban ang titulo.
Nabatid na umiskor ng knockdown ang ating nasabing pambatao laban kay Mexicano sa round 9 ngunit hindi ito naging sapat para mapagtagumpayan ang laban sa pamamagitan ng split decision.
Hindi makakapaglaro si Dwight Ramos sa 2022 FIBA Asia Cup sa susunod na linggo.
Kasalukuyan kasi itong nakakaranas ng Medial Tibial Stress Syndrome o Shin splint.
Ayon sa Samahang Basketbol ng Pilipinas (SBP), posibleng si Rhenz Abando ang pumalit kay Ramos sa nasabing laro.
Nabatid na naging bahagi ng Gilas Pilipinas si Abando nang makalaban nito ang New Zealand at India sa third window ng 2023 FIBA World Cup Asian Qualifiers.
Unang makakalaban ng National Team ang Lebanon sa July 13, India sa July 15 at New Zealand sa July 17.
Pasok na sa Quarterfinals ng FIBA 3 on 3 Asia Cup ang Gilas Pilipinas matapos talunin ang Singapore.
Sa score na 21-17, natalo ng Pilipinas ang Singapore pero bigong manaig sa China sa ginanap na laban kahapon.
Pero sa kabila nito, maglalaro pa rin sa Quarterfinals ang Pilipinas matapos mapasama sa Top two spots ng Pool C.
Ngayong araw makakalaban ng Gilas ang Mongolia.
Ilan pa sa mga bansang maglalaban-laban sa Quarterfinals ay ang Australia laban sa Chinese Taipei, China laban sa Korea, Japan laban sa New Zealand.
Kumpiyansa si Veteran boxing analyst Atty. Ed Tolentino na magtatagumpay sa kanyang first title defense para sa WBC World Featherweight Champion si Mark Magsayo laban kay Rey Vargas na gaganapin sa Alamodome San Antonio, Texas, USA ngayong darating na Linggo, July 10, 2022.
Prediksyon ni Tolentino, magiging 50-50 ang laban na ito dahil magaling din aniya na boksingero si Vargas na isang Undefeated former World Champion.
Pero mayroon aniyang kalamangan dito si Magsayo dahil sa maraming kahinaan si vargas kaya naman maaring magkaroon ng mga knockdonws sa mga unang round ng laban.
Naniniwala ang Veteran Boxing Analyst na mas mabilis at mas malakas si Magsayo.
Kailangan lamang aniya na magawa nito ng tama ang kanilang game plan at maging mapagpasensya hanggang sa mahuli ang kahinaan ni Vargas.
Tiwala din si Tolentino na hindi aabutin ng 12rounds ang labang ito at posibleng mapabagsak ni Magsayo si Vargas pagdating ng eight rounds.
Nakatakdang sumabak si dating PBA big man Greg Slaughter sa Japan B.League.
Ayon kay Slaughter, lumagda na siya ng kontrata sa Rizing Zephyr Fukuoka sa B.League na tatagal ng dalawang season.
Matatandaang nagpahinga si Slaughter sa PBA matapos mapaso ang kontrata sa NorthPort Batang Pier.
Nasa Top spot pa rin ang Pilipinas sa 2022 AFF Women’s Championship matapos talunin ang Malaysia.
Naganap ang laban kahapon sa Rizal Memorial Stadium sa Manila.
Unang nakapuntos ng goal si Sara Eggesvik, sinundan nina Katrina Guillou, Quinley Quezada at Anika Castañeda.
Sa Linggo, muling makakalaban ng Pilipinas ang Indonesia.
Umatras na si Tennis Star Rafael Nadal sa semifinals ng Wimbledon.
Ito ay dahil sa kanyang dinararanas na abdominal injury.
Dahil dito ay tiyak na ang pagpasok sa finals ng kaniyang katunggali na si Nick Kyrgios na makakaharap sa sinumang manalo sa pagitan nina Novak Djokovic at Cameron Norrie ng Britanya.
Dumanas ang 22-time Grand Slamp Champion sa nasabing injury sa five-set win nito laban kay Taylor Fritz ng US.
Pinayuhan naman si Nadal ng kaniyang medical staff na huwag ng maglaro para hindi lumala pa ang injury.
Lalahok sa isang international events ang Filipino-Canadian swimmer na si Kayla Sanchez kasunod ng pagtatapos ng 2022 world championships.
Ang 2-time olympic medalist na si Sanchez ay magiging kinatawan ng Pilipinas sa mga susunod na kompetisyon sa ibang bansa.
Nabatid na nasungkit ni Sanchez ang silver medal sa 4x100m freestyle at bronze medal sa 4x100m medley sa Tokyo Olympics sa ilalim ng team ng Canada kung saan, wi-nelcome ng Philippine Swimming, Inc. o PSI ang naturang atleta at inihayag na posible itong sumabak sa 2024 Paris Olympics.
Matatandaang una nang nanalo si Sanchez sa 15th FINA World Swimming Championships sa 25meter-division sa Abu Dhabi at sa 19th FINA World Championships na ginanap naman sa Hungary.
Target ni NBA Star Rudy Gobert na mabigyan ng kampeonato ang mga fans ng Minnesota Timberwolves.
Si Gobert ay three-time defensive player of the year.
Maaalala na naging malaki ang puhunan ng Timberwolves upang makuha si Gobert mula sa Utah Jazz.
Sinabi naman ni Gobert na excited na siya sa paglipat at paglalaro sa bago niyang team kung saan makaka-tandem niya ang all-NBA performer na si Karl-Anthony Towns.
Pasok na si Nick Kyrgios sa semifinals ng Wimbledon matapos talunin nito si Christian Garin ng Chile.
Ito ang unang Grand Slam semifinals ng Australian tennis player ng makuha ang 6-4, 6-3, 7-6 (5).
Ayon sa World Number 40, hindi nya akalain na makaabot pa siya sa semifinals ng Grand Slam.
Susunod na makahaharap nito ang sinumang manalo sa pagitan nina Rafael Nadal o Taylor Fritz para sa finals.