SPORTS

Humingi ng paumanhin si Gilas head coach Chot Reyes matapos bigong maipanalo ng Gilas Pilipinas ang playoffs para sa quarter finals ng 2022 FIBA Asia Cup laban sa Japan na ginanap sa Indonesia.

Nabatid na tinambakan ng Japan ang Gilas sa iskor na 102-81 kung saan, naging malaking advantage ng Japan ang 16 point lead sa unang quarter dahilan para mahirapan ang Gilas na makabawi o makalamang.

Ayon kay Reyes, hindi nila inaasahan ang naging resulta ng laro upang hindi makapasok ang Pilipinas sa top 8 o quarter finals ng torneyo.

Ito na ang kauna-unahang pagkakataon na hindi nakapasok ang Gilas sa nakalipas na 15 taon at ito din ang kauna-unahang pagkakataon na nanalo ang Japan sa quarter finals laban sa Pilipinas.

Laglag na ang Gilas Pilipinas sa 2022 FIBA Asia Cup matapos talunin ng Japan.

Sa score na 102-81, hindi pinaporma ng Japan ang Pilipinas sa pagsisimula ng laban matapos kumamada ng 32 points kontra 16 points ng Gilas.

Nagpantay pa sana ang puntos ng dalawang koponan sa second quarter pero hindi na nakahabol ang Pilipinas hanggang huling kwarter.

Humingi naman ng paumanhin si Gilas Pilipinas head coach Chot Reyes dahil sa pagkatalo ng Gilas.

Pero tiniyak nito na mas magiging malakas ang Gilas sa mga susunod na kompetisyon lalo na sa second round ng 2023 FIBA World Cup Asian qualifiers na magsisimula sa Agosto.

Idineklara bilang “Golden Month” ang buwan ng Hulyo bilang pagbibigay pugay sa mga kababaihang atleta.

Kinilala ng Philippine Sports Commission (PSC) ang mga kababaihang atleta na nagpakita ng galing sa sports ng karate, weightlifting, at football, na nagbigay karangalan para sa bansa.

Ayon kay PSC Officer in Charge, Guillermo Iroy Jr., ang mga kababaihan ay puno ng tagumpay at talento sa naganap na mga kompetisyon o pampalakasan, kaya dapat itong ipagdiwang at ipagmalaki.

Sinabi ni Iroy, na ang natanggap na karangalan ng bansa ay patunay lamang na kayang makipagsabayan ng Pilipinas sa ibang mga bansa pagdating sa mundo ng sports.

Binasag ng Pinay weightlifter na si Angeline Colonia ang World at Asian records matapos masungkit ang dalawang gintong medalya sa Asian Youth and Junior Weightlifting Championships na ginanap sa Tashkent, Uzbekistan.

Nagawang mabuhat ni Colonia ang 62 kilograms sa snatch round sa Women’s 40 kilograms category kung saan, kaniyang nahigitan ang naitalang 61 kilograms ng kompetisyon.

Naiuwi din ng 15-anyos na atleta ang gintong medalya matapos umangat sa 134 kilograms ang kaniyang total lift mark laban sa 129 kilograms ng Vietnam at 125 kilograms ng India.

Si Colonia ay kabilang sa mga batang Pinay weightlif­ting champions kasama sina Asian Champion Vanessa Sarno at magkapatid na Rosegie at Rose Jean Ramos.

Tinanggap ni James Harden ang pay cut o bawas sweldo na alok sakanya ng Philadelphia 76ers kapag pinalakas ng presidente ng koponan na si Daryl Morey ang kanilang roster.

Mababatid na sa huling taon ng kanyang kontrata ay nag-opt out si Harden, dahilan para bumaba ng S47.4M ang kaniyang suweldo para sa 2022-2023.

Ayon kay Harden, isa ito sa mga mabigat na desisyong kinailangan niyang gawin upang makakuha ng kampeonato.

Nabatid na magiging 33 na si Harden sa susunod na buwan, ngunit nag-average pa rin ito ng 22 points, 10.3 assists at 7.7 rebounds kada laro noong nakaraang season sa pagitan ng Brooklyn Nets at sixers.

Interesado ang South Korea, Australia, Indonesia at Japan na palitan ang China bilang host ng susunod na Asian Cup sa 2023.

Ayon sa Asian Football Confederation, mayroong hanggang August 31 ang mga bansa para magpasa ng kanilang aplikasyon at dokumento.

Sa October 17 malalaman kung sino ang magiging host ng kompetisyon kung saan 24 na koponan ang maglalaban-laban.

Ang China ang dapat mag-anunsiyo ng kaganapan sa palaro na naganap mula June 16 hanggang July 17, 2023, pero naunsyami dahil sa COVID-19 crisis.

Napili si Para-powerlifter Aichelle Guion para magsilbing National Team Flag bearer ng Pilipinas sa 11^th ASEAN Para Games na gaganapin sa Hulyo a-30 sa Surakarta City, Indonesia.

Ayon kay Philippine Paralympic Committee president Mike Barredo, kanilang ikinagalak nang tanggapin ni Guion ang imbitasyon na maghatid at maging pinuno ng delegasyon ng Pilipinas sa pagbubukas ng naturang kompetisyon.

Napili si Guion bilang pagkilala sa kanyang mga nakaraang athletic accomplishments sa pagbibigay ng karangalan sa bansa noong 2012 London Paralympic Games.

Bukod pa dito, nanalo rin si Guion ng tig-isang silver medal sa parehong weight class noong 2014 Incheon at 2018 Jakarta Asian Para-Games.

Samantala, nakatakdang umalis ang Philippine Team sa isang chartered flight papuntang surakarta sa Hulyo a-26, apat na araw bago ang pormal na pagsisimula ng Sportsfest.

Makalipas ang 11 taon ay muling sumabak sa Drew League si 18-time NBA All-star player Lebron James.

 Nag-akyat sa naturang liga si James ng 42 points, 16 rebounds at 4 steals.

 Kinumpirma naman ng manlalaro na 100% okay na siya mula sa kaniyang sprained ankle, na nagpapigil sa kanya sa huling walong regular season games ng Los Angeles Lakers.

Sa kauna-unahang pagkakataon, nakapasok ang Chile sa Rugby World Cup na ginanap sa Colorado.

 Ito ay matapos talunin ng kuponan ang US sa score na 31-29.

 Dahil dito, napabilang na ang nasabing bansa sa Pool D ng 2023 World Cup na gaganapin sa France kasama ang mga grupo mula sa England, Argentina, Japan at Samoa.

 Samantala, may tsansa pa ang US na makapasok sa World Cup kung maipapanalo nito ang final qualification tournament na gaganapin ngayong taon.

Muling nakaranas ng pagkatalo ang Gilas Pilipinas sa 2022 FIBA Asia Cup.

Hindi nakapalag ang Gilas sa mas matatangkad na kalaban sa score na 92-75 sa kanilang paghaharap sa Group D, sa Jakarta, Indonesia, kagabi.

Nagpakawala ng 17 points si Kiefer Ravena para sa Philippine National Team pero hindi ito naging sapat upang makahabol.

Durog ang depensa ng mga Pinoy sa matinding puwersa ng opensa ng New Zealand na humakot ng rebound.

Dahil dito, hawak na ng gilas ang kartadang 1-2 at nakatakdang harapin ang Japan sa playoffs, bukas.