SPORTS

Nasungkit ng Pilipinas ang International Trophy sa final match ng 2022 ASEAN Football Federation (AFF) Women’s Championship.

Ito’y matapos pataubin ng Philippine Women’s National Football Team ang Thailand sa iskor na 3-0 na ginanap kahapon sa Rizal Memorial Stadium sa Maynila.

Ayon kay Philippines coach Alen Stajcic, ang Thailand lamang ang natatanging bansang hindi pa natatalo ng pilipinas sa AFF Championship.

Matatandaang una nang pinatumba ng mga Pinoy athlete ang defending champion na Vietnam maging ang Taiwan sa semifinals ng Asian Football Confederation (AFC) Women’s Asian Cup noong Biyernes ng gabi dahilan para umabante sila sa AFF League.

Pinarangalan bilang pinakamabilis sa sports na track and field ang amerikanong atletang si Fred Kerley.

Ito’y matapos unahan ni Kerley sa 100 meter race ang kanyang mga katunggali sa World Track and Field Championships na ginanap sa Eugene, Oregon nitong Sabado na sina Marvin Bracy at Trayvon Bromell.

Nasungkit ng naturang manlalaro ang kampyonato matapos makapagtala ng 9.86 seconds sa karera habang 9.88 seconds naman ang tulin ng kanyang mga nasabing katunggali.

Bunsod nito, nakapagtala ang Amerika ng kauna-unahang medalya sa World Men’s 100m Track and Field competition mula noong 1991.

Magiging mahigpit ang pagtatapat ng Pilipinas at Thailand mamayang gabi, para makamit ang International Trophy sa finals ng 2022 AFF women’s championship.

Ito ay matapos umabante na sa finals ang Pilipinas matapos talunin ang Vietnam noong Biyernes ng gabi.

Ayon kay Philippines coach Alen Stajcic, ang Thailand lamang ang bansang hindi pa natatalo ng pilipinas sa AFF championship.

Unang pagkakataon din nilang natalo ang Vietnam na defending champion din noon sa Southeast Asian Games.

Mamayang alas-4 ng hapon maglalaban ang Myanmar at Vietnam para sa bronze medal, habang alas-7 ng gabi ang tunggalian ng Pilipinas at Thailand para sa gold at silver medal.

Nasungkit ng Rain or Shine Elastopainters ang kanilang ikatlong sunod na panalo, matapos padapain ang Terrafirma Dyip sa iskor na 97-82, sa 2022 PBA Philippine Cup.

Nanguna sa panalong ito ng Rain or Shine sina Andrei Caracut at Anton Asistio na kapwa kumamada ng 14 na puntos, habang nagtala naman ng 13 points si Leonard Santillan at umiskor naman ng 10 puntos si Shaun Ildefonso.

Halos makapag naman naman ng double-double si Aldrech Ramos para sa Terrafirma na bumuslo ng 21 points at 9 na rebounds.

Nanatili namang buhay ang pag-asa ng Rain or Shine na makapasok sa playoff na may kasalukuyang kartada na 4 wins at 5 losses.

Haharapin naman ng Elastopainters ang Magnolia Hotshots para sa kanilang final elimination match.

Samantala, wala paring panalo ang Terrafirma Dyip sa loob ng 10 laban kaya’t sisikapin nitong manalo sa kanilang last PBA Game kontra Meralco Bolts sa Huwebes.

Nakuha na ng Gilas Pilipinas ang pwesto sa susunod na round ng 2022 FIBA Asia Cup na ginanap sa Jakarta, Indonesia.

Ito’y matapos nilang tambakan ang India sa iskor na 101-59.

Nagpakitang gilas naman si William Navarro na nagtala ng 18 points habang si Thirdy Ravena ay mayroong 17 points limang rebounds, dalawang steals at isang assist.

Samantala, nakatakda namang makaharap ng Gilas Pilipinas ang New Zealand bukas, dakong alas-9 ng gabi.

Pasok na sa finals ng 2022 AFF Women’s Championship ang Philippine National Women’s Football Team.

Ito ang unang pagkakataong makakapasok ang Filipinas sa championship matapos talunin ang defending champion na Vietnam.

Sa sweep score na 4-0, nanguna sa laban sina Tahnai Annis at Sarina Bolden.

Bukas, makakalaban ng pilipinas ang thailand na magaganap sa Rizal Memorial Stadium.

Tinapatan ng Phoenix Suns ang 133 million dollars offer sheet kay center player Deandre Ayton ng Indiana Pacers para sa isang ng 4-year contract.

Kung maalala naging napakahalaga ng ginampanan ni Ayton sa Phoenix defense nang umabot sila sa 2021 NBA finals sa unang pagkakataon mula noong taong 1993, giniit naman ng suns na nagbigay-daan lamang sila para makabalik muli sa franchise ang restricted free agent na si Ayton.

Nabatid na ang nasabing halaga ng alok ng Pacers ang itinuturing na pinakamalaki na offer sheet sa kasaysayan ng NBA.

Samantala, nitong nakalipas na season naging outstanding ang performance ni Ayton sa regular season hanggang sa minalas siya at magkaroon ng injury sa kasagsagan ng Western conference semifinals kontra sa Mavs.

Makakaharap ng Filipinas women’s football team ang Vietnam para masungkit ang puwesto sa finals ng 2022 AFF women’s championship.
Nanguna kasi sa Group B ang Vietnam ng tambakan ang Myanmar 4-0 nitong Miyerkules habang ang Filipinas ay nasa Group A na nakuha ang panalo kontra Australia na 1-0 sa pagsisimula ng torneo.
Inamin ni Philippines Coach Alen Stajcic na sila ay underdog dahil ang Vietnam ay defending champion ng AFF women’s championship ganu’n din sa Southeast Asian Games.
Huling nagharap ang Filipinas at Vietnam ay noong 31st Sea Games kung saan tinalo nila ang pambato ng bansa 2-1.

Handa na ang mga Pinoy Para-athletes para sa nalalapit nilang laban sa ASEAN Para Games na nakatakdang ganapin sa Hulyo a-30 na tatagal hanggang Agosto a-6 sa Surakarta, Indonesia.

Aabot sa 144 na Pilipinong atleta ang lalahok para ipakita ang kanilang galing at ipakilala ang bandila ng Pilipinas.

Ayon kay Athletics coach Joel Deriada, kahit gigil nang lumaro ang mga atletang pinoy, importante parin ang matinding pagsasanay para maipakita ang magandang performance matapos ang dalawang taong pahinga bunsod ng covid-19 pandemic.

Bibiyahe ang Philippine team sa darating na Hulyo a-26 sakay ng isang Chartered Philippine Airlines flight ang 68 opisyal, kabilang na ang mga coach, trainer at medical staff.

Sasabak ang mga Filipino athletes sa archery, athletics, badminton, boccia o precision ball, chess, goal ball, judo, powerlifting, sitting volleyball, taekwondo, swimming, table tennis at wheelchair basketball kung saan, layunin nilang malampasan ang medal haul ng 9 na ginto, 5 pilak at 6 na tansong medalya noong 2017 edition sa Malaysia.

Inihayag ng Philippine Olympic Committee (POC) na ang Pilipinas ang magiging host ng Southeast Asian Games 2033.

Ayon kay POC President Abraham “Bambol” Tolentino, ang 2033 hosting ng Pilipinas sa biennial meet ay pormal na ihaharap sa malacañang para sa pagtanggap ng gobyerno ng pilipinas sa responsibilidad.

Mababatid na unang nagho-host ang Pilipinas ng SEA games noong 1981, pagkatapos noong 1991 , 2005 at huling nagho-host ang bansa noong 2019, kung saan akyat ng mga medalya ang mga atletang pilipino sa record-breaking na paraan upang lumabas bilang pangkalahatang kampeon.

Samantala, tanging Timor Leste lamang ang bansa na hindi pa nagho-host ng SEA Games.