SPORTS

Bigong maagaw ni Donnie “ahas” Nietes ang titulo matapos makabawi at madepensahan ni Kazuto Ioka ang kaniyang WBO World Super Flyweight belt na ginanap sa Ota-City General Gymnasium sa Japan.

Sa kabila ng mga power punch na natanggap ni Ioka mula sa dating kampeon, tinalo parin niya ito via unanimous decision matapos magpakawala ng mabilis na suntok kay Nietes.

Nagtapos ang laban sa score card ng mga hurado kung saan, pabor ang lahat kay Ioka na mayroong 120-108, 118-110 at 117-111.

Matatandaang, taong 2018 nang matalo si Ioka laban kay Nietes sa kanilang unang naging laban via split decision.

Pinatigil na muna ng Orlando Magic sa pagsali sa ginaganap na summer league ang ng kanilang no. 1 pick na si Paolo Bancherro.

Nagdesisyon ang magic na pagpahingahin na si bancherro kasunod ng dalawang impresibo nitong laro upang bigyan ng tiyansa ang iba pa nilang players na patunayan ang kanilang kakayahan.

Mababatid na sa dalawang games na ginanap kamakailan sa las vegas ay nag-average ng 20 points, 6 assists at 5 rebounds ang manlalaro.

Samantala, para kay Bancherro kontento na siya sa kanyang inilaro kahit na panandalian lamang.

Puputok na matapos ang dalawang taon ang inaabangang aktbidad ng Association of Firearms and Ammunitions Dealers of the Philippines Incorporated (AFAD) bukas, July 14 sa Megamall, Mandaluyong City.

Tiniyak ni AFAD President Hagen Alexander Topacio ang kakaibang 28th Edition ng Defense and Sporting Arms Show na limang araw bubuksan sa publiko, gun owners at sports enthusiasts simula bukas, Huwebes.

Pangungunahan nina Senador Ronald Bato Dela Rosa at PNP OIC Lt General Vicente Danao, Jr. ang nasabing Defense and Sporting Arms Show kung saan tampok ang world class local at imported guns, bala at paraphernalia mula sa halos 50 grupo at exhibitors.

Ayon kay Topacio, hindi lamang nila ipapakita sa event na ito ang mga pinakamagagandang gun products sa merkado kundi ipapaalam din nila ang restriction o mga hindi dapat gawin sa paghawak ng mga armas.

Nakumpleto na ang 12-man line-up ng Gilas Pilipinas para sa 2022 FIBA Asia Cup na gaganapin sa Jakarta, Indonesia ngayong araw.

Ito ay matapos mabigyan ng Go-signal ng FIBA sports organization si NCAA season 97 Most Maluable Player (MVP) at Rookie of the Year Rhenz Abando.

Ayon kay Gilas team manager at Samahang Basketbol ng Pilipinas (SBP) deputy secretary general Butch Antonio, ginawa ang pag-apruba kay Abando bilang kapalit ng na-injured na si Dwight Ramos.

Bukod kay Abando, kabilang pa sa mga lalaro sa koponan ang magkapatid na sina Thirdy at Kiefer Ravena, Rayray Parks, Carl Tamayo, Will Navarro, Lebron Lopez, SJ Belangel, RJ Abarrientos, Geo Chiu, at Kevin Quiambao.

Unang maghaharap mamayang alas-nueve ng gabi ang Gilas kontra Lebanon na susundan ng India sa Biyernes at New Zealand sa Linggo.

Umaasa naman ang Gilas na mapapabilang sa top 2 ng Group D upang umabante sa quarter finals.

Sa kauna-unahang pagkakataon, nabigo ang Philippine Women’s National Football Team sa 2022 AFF Women’s Championship, sa kamay ng Thailand.

Hindi naka-porma ang Malditas sa Thailand sa score na 1-0 sa kanilang paghaharap sa semi-finals sa Rizal Memorial Stadium,  sa Maynila, kagabi.

Nag-ambag ng panalo para sa Thai Team si Kanyanat Chetthabutr.

Tinangkang tumabla ng Malditas subalit kinapos sila ng oras.

Sunod na makakaharap ng Pilipinas ang mananalo sa sagupaan ng Vietnam at Myanmar, mamaya.

Nakasungkit si Filipino-Japanese Karateka Junna Tsukii ng Gold Medal sa 12th world games.

Ayon kay Karate Chief Ricky Lim labis ang pagkadismaya ni tsukii ng makakuha lamang ito ng bronze medal noong 2018 asian games matapos siyang patumbahin ni Gema Morales ng Spain.

Inamin naman ng 30 anyos na karateka na muntik pa siyang hindi tumuloy sa naturang laban na ginanap sa Birmingham, Alabama.

Nalaglag sa 4th place sa matatapos ng 2022 FIBA Asia Cup 3×3 ang Gilas Pilipinas 3×3 na ginanap sa Singapore nitong linggo.

Natalo ang Pilipinas sa China, 20-18, sa labanan para sa ikatlong puwesto ng torneo.

Ayon sa ulat, ito na ang ikalawang paghaharap ng pilipinas at china sa torneo, kasunod ng kanilang laban sa pool game noong Sabado.

Nauna rito, natibag din ang Gilas Pilipinas sa New Zealand, 21-13, sa semis.

Sa Torneo, naitala ng Gilas ang kabuuang apat na panalo at tatlong talo.

Maghaharap ang New Zealand at Australia sa finals.

Ang Gilas Pilipinas ay binubuo nina Almond Vosotros, Samboy de Leon, Lervin Flores, at Joseph Eriobu.

Sabik na si Five-time all-star Guard John Wall na maglaro matapos pumirma ng kontrata sa koponan ng Los Angeles Clippers.

Tumanggi ang Clippers na ibunyag ang mga detalye ng kasunduan, pero ayon sa agent ni Wall, ang deal sa loob ng dalawang taon ay nagkakahalaga ng 13.2 million dollars.

Matatandaang sumang-ayon ang 31-year-old na si Wall sa 6.5 million dollar buyout sa Houston Rockets.

Samantala, ipinahayag din ni Wall na excited na siyang makasama sa koponan sina Kaway Lenard at Paul George.

Nasungkit ng tennis player na si Novak Djokovic ng Serbia ang 7th Wimbledon Title at 21st Grand Slam Crown matapos talunin si Nick Kyrgios ng Australia.

Nanguna si Djokovic sa four-set ng laro kung saan umiskor ito ng  4-6, 6-3, 6-4 at 7-6.

Wala namang masabi ang manlalaro sa tagumpay na kaniyang narating pero, aniya mananatili itong espesyal sa kaniyang puso.

Samantala, pinuri ni Djokovic si Kyrgios(kir-gyos) sa ipinamalas nitong performace sa Wimbledon

Humingi ng paumanhin si dating WBC World Featherweight Champion Mark Magsayo sa kanyang fans matapos mabigong ipagtanggol ang kanyang titulo laban kay Rey Vargas ng Mexico.

Bagaman umiskor ang 27-anyos na Pinoy boxer ng knockdown laban sa Mehikano sa Round 9, hindi ito sapat upang iligtas siya sa pagkatalo sa kanilang sagupaan sa Alamodome sa San Antonio, Texas.

Nagpasalamat naman si Magsayo sa lahat ng mga sumusuporta sa kanya at tiniyak na babalik siya sa parisukat na lona at magsusumikap na makasungkit muli ng korona.

Nagwagi si Vargas via split decision at isa ng two-division world champion na may perfect record na 36-0, kabilang ang 22 Knockouts.