SPORTS

Wala pang pinal na desisyon ang libero at setter player na si Deanna Wong kung makakalaro sa Premiere Volleyball League (PVL) na nakatakdang isagawa sa susunod na buwan.

Sa pahayag ni Choco Mucho Coach Oliver Almadro, hindi pa sigurado kung maglalaro si Wong sa nasabing invitational conference kasama ang Choco Mucho Flying Titans.

Matatandaang hindi nakasama si Wong sa 31^st Southeast Asian Games matapos magka-shin injury sa playoffs ng PVL Open Conference.

Sa ngayon, patuloy pang nagpapagaling si Wong na ngayon ay sumasailalim ng theraphy.

Pinili na manatili sa Los Angeles Lakers ni Russell Westbrook para sa 2022-2023 season ng NBA.

Si Westbrook ay may player option sa huling taon ng kanyang kontrata sa lakers ngunit mas pinili nito na manatili sa koponan.

Nabatid na nakatakdang kumita ng S47.1M sa paparating na season si Westbrook.

Samantala, ngayong pinili ni Westbrook na manatili sa Lakers, pwede pa rin siyang i-trade ng koponan.

Kaagad natapos ang kampanya sa Wimbledon ni US Tennis Star Serena Williams.

Kasunod ito nang pagdapa ni Williams sa unseeded player na si Harmony Tan sa unang round ng torneo.

Tuwang tuwa si Tan sa kanyang panalo bagamat inamin nitong nahirapan siya sa nasabing laban.

Binigyan naman ng matinding palakpakan ng audience ang 23 time grand slam habang papalabas ng court dahil sa ipinamalas na galing din sa laro.

Bukas ang Philippine Basketball Association (PBA) sa palitan ng mga manlalaro sa East Asia Super League.

Sa ginanap na pulong kahapon kasama ang commissioners ng East Asian country, napag-usapan ang potensyal na ‘Exchange of Players’.

Pumayag naman dito si PBA Commissioner Willie Marcial dahil malaking tulong aniya ito lalo’t kulang sa height ang Pilipinas matapos ma-injured ang naturalized Filipino player na si Ange Kouame.

Ilan pa sa mga manlalarong bahagi ng Philippine team ay sina SJ Belangel, RJ Abarrientos, Dwight Ramos, Rhenz Abando, Kevin Quiambao at Dave Ildefonso.

Nakatakda ang laro ng mga Pilipinas sa Hunyo 30 at Hulyo 3.

Matapos ang two-year layoff, muling ikakasa sa susunod na linggo ang PBA Developmental League.

Ayon kay PBA deputy commissioner Eric Castro, nakipagpulong na siya sa ilang government offices upang matiyak ang kaayusan ng naturang kompetisyon.

Inaasahang nasa walong teams ang lalahok sa 2022 Philippine Basketball Association D-League Aspirants’ Cup, kabilang na dito ang pitong school-based squads katulad ng Letran at St. Clare College.

Sumang-ayon na ang Brooklyn Nets sa hiling ni Kyrie Irving na siya ay payagan na malipat sa ibang koponan.

Ayon sa kampo ni irving na mayroong ng go-signal ang Nets para sa trade.

Mayroong hanggang June 29 ito para sa kaniyang S36.9M player option.

Naglaro lamang si Irving ng 103 regular season kung saan 123 games ang hindi siya nakasama dahil sa injury, personal reasons at sa pagtanggi na mabakunahan laban sa COVID-19.

Una rito ilang koponan sa nba ang nagpahayag ng interest na makuha si Irving gaya ng Los Angeles Lakers, Clippers, Dallas Mavericks, New York Knicks, Miami Heat at Philadelphia 76ers.

Sasailalim sa tatlong buwang non-stop training ang mga atleta ng Gilas Pilipinas para paghandaan ang 2023 FIBA World Cup.

Ayon kay Gilas Coach Tim Cone, makakasama niya sa National Men’s Basketball Team coaching staff sina Nenad Vucinic, Jong Uichico at UAAP champion coach na si Goldwyn Monteverde.

Tiwala si Cone na magagawa ng Gilas team ang ‘Best Foot Forward’ para maiuwi ang tropeyo at karangalan ng bansa mula sa nasabing laro.

Samantala, sa naging pahayag naman ng Philippine Basketball Association (PBA), kanilang ibibigay ang all-out support sa mga atletang lalahok sa nasabing kompetisyon.

Nanindigan ang World 3rd Seeded na si Novak Yokovic na hindi siya magpapabakuna laban sa COVID-19.

 Sa gitna ito ng kanyang kabiguang sumabak sa grand slam ng season sa US Open.

 Magugunitang sinipa ang Serbian player sa Melbourne noong Enero dahil sa kanyang pagtangging magpabakunadahilan ng kabigyang makuha ang ika-10 titulo ng Australian open.

 Dahil walang inaasahang pagluwag sa US sa mga bisitang hindi nagpakuna, inihayag ni Yokovic na ang Wimbledon, na magsisimula sa Lunes, ay ang kanyang huling slam ng 2022.

 Inilabas na ng samahang Basketball ng Pilipinas (BSP) ang 11 manlalaro ng Gilas Pilipinas na sasabak sa ikatlong window ng FIBA Basketball World Cup 2023 Asian Qualifiers.

Kinilala bilang team captain ng kuponan ang beteranong si Kiefer Ravena.

Napili rin na manlalaro sina Dwight Ramos, William Navarro, RJ Abarrientos, Dave Ildefonso, Carl Tamayo, Francis Lopez, SJ Belanguel, Geo Chiu, Rhenz Abando at Kevin Quiambao.

Unang namang makakaharap ng Gilas ang New Zealand sa Huwebes, June 30 habang makakalaban nila ang India sa July 3.