Inamin ni Golden Boy Oscar dela Hoya na hindi na siya nasopresa nang hamunin siya ng rematch ng kampo ni undefeated boxer Floyd Mayweather Jr.
Ayon kay dela Hoya, sadyang wala nang matinong makalaban si Mayweather.
Lumilitaw aniya na mas kailangan siya ni Mayweather ngayon kaysa sa kailangn niya ang wala pang talong boksingero.
Matatandaang, nitong linggo ay kinukunsidera ni Golden Boy ang posibilidad ng pagbabalik sa ring sa edad na 42 anyos.
By Ralph Obina
Free agent na rin si Monta Ellis ng Dallas Mavericks at inabandona na ang 8.7 million US dollars pang final contract sa nasabing koponan.
Sinabi ni Jeff Fried, agent ni Ellis na makakabuti ito sa Mavs guard para makapili siya ng bagong koponan.
Magugunitang hindi na rin tatapusin ni Kevin Love ang huling kontrata nito sa Cleveland Cavaliers dahil sa umano’y hindi magandang relasyon kay Lebron James.
By Judith Larino
Sa opening game, sisikapin ng No.4 Globalport na mawawasak ang kanilang bentahe laban sa No.5 star Hotshots mamayang alas-4:30 ng hapon.
Makikipagtuos naman ang No.1 seed Alaska sa No.8 Barangay Ginebra San Miguel bandang alas-7:00 ng gabi.
Matatandaan na noong Mayo 8 ay huling naglaban ang Alaska at Ginebra kung saan nagwagi ang Aces sa score na 108-99.
By Jelbert Perdez
Iiwan na ni Kevin Love ang Cleveland Cavaliers.
Nangangahulugan ito nang pag-abandona na rin ni Love sa huling taon ng kaniyang kontrata sa Cavaliers na nagkakahalaga ng 16. 7 million US dollars.
Sinasabing ang hindi umano pagiging in good terms kay Lebron James ang dahilan kaya’t tinapos na ni Love ang ugnayan sa Cavaliers.
Ayon sa report, pursigido pa rin ang Cleveland na papirmahin ng 5-taong kontrata na nagkakahalaga ng 100 million us dollars ang power forward ng Cavaliers.
Gayunman, lumulutang din ang report na interesado kay Love ang Boston Celtics, Los Angeles Lakers, Phoenix Suns at maging ang Portland Trail Blazers.
By Judith Larino
Pinadapa ng Barangay Ginebra San Miguel ang NLEX Warriors sa score na 110-107 sa Smart-Araneta Coliseum.
Pinangunahan ni Japeth Aguilar ang puwersa ng Kings na umiskor ng game-winning three-pointer kaya’t nanalo at nasungkit ng koponan ang No.8 seed.
Tabla ang score,107-107, may 16 seconds ang nalabi sa fourth quarter nang mapasok ni Aguilar ang tres.
Tumipa rin sina LA Tenorio at Orlando Johnson ng tig-21 points at six assists para sa Ginebra.
Nakatakdang sagupain ng Kings ang No.1 seed Alaska sa isang serye sa quarterfinals kung saan hawak ng Aces ang twice-to-beat advantage.
By Jelbert Perdez
Nagretiro na ang Russian basketball player at dating NBA all star na si Andrei Kirilenko.
Ayon sa Utah Jazz player, kuntento na siya sa naging karera niya bilang isang professional basketball player ng NBA.
Ito na aniya ang panahon kung saan kailangan na niyang gumawa ng ibang bagay.
Matatandaang nagsimula ang 34-anyos na si Kirilenko sa Russian Giants CSKA Moscow bago tuluyang naglaro sa NBA para sa koponan ng Utah Jazz.
Taong 2004 nang mapili si Kirilenko na maglaro sa NBA All Star.
By Ralph Obina
Nasungkit ng Globalport Batang Pier ang No.4 seed at twice-to-beat advantage sa quarterfinals matapos padapain ang Alaska Aces sa score na 117-104 sa overtime game sa Araneta Coliseum.
Sa first half ay lumamang ang No. 1 seed na Alaska, subalit nakahabol ang Globalport matapos alisin sa line-up ng Aces si Import Romeo Travis sa second half.
Kahit nabaon ng 10 points ay naipuwersa naman ng Aces sa overtime ang laro.
Subalit, nagpasabog puntos ang Batang Pier sa overtime dahilan upang matalo ang Alaska.
By Jelbert Perdez
Sumakabilang buhay na si Sunshine Coast Falcons Player James Ackerman matapos ma-ospital ng ilang araw dahil sa natamong head injury sa kanilang laro noong Sabado.
Nabatid na nasa dikitang laban ang Falcons at ang katunggaling North Devils para sa Queensland Cup match nang mangyari ang insidente.
Si Ackerman, 25-anyos ay unang nilapatan ng lunas sa Bishop Park bago nadala sa ospital sa Brisbane.
Ang sitwasyon ayon kay Queensland Rugby League Managing Director Robert Moore ay pinaka-traumatic na inabot ng kanilang liga na labis-labis nilang ikinalulungkot.
Inilarawan ng team si Ackerman bilang champion guy kaya’t masakit na nawalan sila nang itinuturing na lider.
By Judith Larino
Huling laban na daw ni WBC/WBA/WBO Welterweight Champion Floyd Mayweather Jr. sa Setyembre 12 sa MGM Grand Garden Arena sa Las Vegas.
Dalawang pangalan ang lumutang na posibleng makalaban ng undefeated American boxer — sina Andre Berto at Karim Mayfield.
Hindi rin umano interesado si Mayweather sa 50-0 record at kuntento na sa 49-0 (bagama’t 48-0 pa lamang siya ngayon).
Marami naman ang hindi naniniwalang magreretiro na si Mayweather at huling laban na sa Setyembre.
Mas nais nilang paniwalaan na tatargetin nito ang 50 sa Mayo 2016.
Noong Mayo 2, naitala ang ika-48 na panalo ni Mayweather via unanimous decision laban kay Filipino ring icon Manny Pacquiao.
By Mariboy Ysibido
Pinaplanong taasan ng PSC o Philippine Sports Commission ang suweldo ng national coaches.
Ang hakbang ayon kay PSC Chairman Richie Garcia ang nakikita niyang solusyon para matutukan ang training at kahandaan ng national athletes sa mga kumpetisyon tulad ng Southeast Asian Games at Asian Games.
Sinabi ni Garcia na ang mga coach na nakatutok sa 50 National Sports Associations ay tumatanggap sa PSC ng sampu hanggang tatlumpu’t anim na libong piso kada buwan.
Sinasabing naghahanap pa umano ng ibang trabaho o sideline ang ibang coaches na nakakaapekto sa training ng mga atletang Pilipino.
Samantala, binabayaran naman ng 2,500 US dollars kada buwan ang foreign coaches depende sa kanilang level.
By Judith Larino