SPORTS

Sinungkit ng Rain or Shine Elasto Painters ang isang twice-to-beat advantage sa quarterfinals matapos makuha ang 96-89 victory laban sa Meralco Bolts sa PBA Governors’ Cup sa Araneta Coliseum.

Kumamada si Wendell Mckines ng 26 points at 13 rebounds para sa Elasto Painters kaya’t nadale ang kartadang 7-4 sa torneo.

Tumipa naman si Andre Emmett ng 33 points at 13 rebounds para sa Meralco na mayroon nang kartadang 5-5 at nasa ika-anim na puwesto.

Nabaon ng 13 points ang Elasto Painters sa first quarter, subalit nakahabol ito hanggang sa manalo.

By  Jelbert Perdez

Tinanggihan ni retired 6-Division Champion Oscar de la Hoya ang alok na rematch ni undefeated boxer Floyd Mayweather Junior na itatakda sana sa Setyembre.

Matapos ang una nilang laban ni Mayweather kung saan ay natalo siya rito via split decision, sinabi ni dela Hoya na umasa siyang sa loob din ng taong iyon o 2007 ay muli silang maghaharap sa lona ni Mayweather na hindi naman nangyari.

Binigyang diin ni dela Hoya na hindi na siya interesado pa sa rematch makalipas ang walong taon ng kanilang laban ni Mayweather.

Giit ni dela Hoya, retired na siya, masaya at kuntento kaya’t wala na aniyang dahilan upang tanggapin ang alok na laban ni Mayweather.

By  Ralph Obina   

Pinadapa ng Talk ‘n Text Tropang Texters ang KIA Carnival sa elimination round ng Philippine Basketball Association (PBA) sa iskor na 94-85.

Nanungan sa panalo ng Tropang Texters si Jayson Castro na nakasikwat ng 19 na puntos na sinegundahan naman ni Ranidel de Ocampo na may 14 na puntos.

Dahil dito, buo ang pag-asa ng Tropang Texters na makapasok sa quarterfinals na kasalukuyang nasa ika-pitong puwesto na may limang panalo at anim na talo sa PBA.

Lumasap naman ng ikatlong sunod na pagkatalo ang KIA dahilan upang bumagsak ito sa ika-siyam na puwesto dahil sa apat na panalo at anim na talo nito kasama ang koponan ng Barangay Ginebra.

By  Ralph Obina

Labing dalawang (P12) billion piso ang napasakamay ni undefeated American boxer Floyd Mayweather, Jr. sa laban nila ni Manny Pacquiao.

Ito ang pagmamalaking inihayag ni Mayweather matapos manalo sa tinaguriang Fight of the Century.

Lumalabas din sa record na ang megafight nina Pacman at Mayweather ay nag-break na ng record nang maitala ang 4.4 million buys at kumita ng kabuuang 500 million US dollars.

By  Judith Larino   

Tinawag ni Hall of Famer Magic Johnson na pambihira ang naging performance ni Cleveland Cavaliers star Lebron James sa NBA Finals laban sa Golden State Warriors.

Ito’y sa kabila nang pagkakasungkit ng Warriors sa kampeonato laban kay James at sa Cavaliers.

Ayon kay Johnson, halos mapantayan na ni James ang mga nagawa ng mga alamat ng basketball sa Estados Unidos.

Sinabi ni Johnson na kahit natalo ang Cavs ay maaari umanong sumunod sa yapak ni Michael Jordan si James.

Sa kabila ng komentong ito ni Johnson, hindi si James ang itinanghal na MVP o Most Valuable Player at bagkus ay napunta kay Andre Iguodala ng Warriors ang naturang parangal.

By Jelbert Perdez  

Nananatiling head coach ng KIA team sa Philippine Basketball Association (PBA) si Sarangani Representative at 8-Division World Champion Manny Pacquiao.

Ito ang nilinaw ngayon KIA Team Consultant Joe Lipa sa harap ng mag-iisang buwan nang pagliban sa KIA Bench ng Pambansang Kamao.

Paliwanag ni Lipa, patuloy na nagpapagaling si Pacquiao kaugnay ng inoperahang balikat nito at abala din aniya ang Pambansang Kamao sa pagiging mambabatas nito.

Binigyang diin ni Lipa na tinututukan naman ni Pacquiao ang bawat laro ng KIA at tumatawag ito upang magbigay ng instruction sa kanyang coaching staff.

Samantala, pinabulaan ni KIA Team Manager Eric Pineda ang isyung may di pagkakaunawaan si Pacquiao at ang KIA.

By  Ralph Obina  

Muling pinatunayan ng Barangay Ginebra San Miguel ang bangis nito matapos balian ng sungay ang Barako Bull Energy sa score na 120-98 sa PBA Governors’ Cup sa Araneta Coliseum.

Kumamada si Import Orlando Johnson ng 41 points habang tumipa naman si Kim Ji Wan ng 12 points sa panalo ng Gin Kings.

Dahil dito, lumalakas ang tiyansa ng koponan na makapasok sa playoffs.

Umakyat na sa 4-6 ang kartada ng Ginebra at kapantay sa ika-siyam na puwesto ang Talk ‘n Text.

Para makausad sa quarterfinals ay kinailangang magiba ng Kings ang NLEX sa susunod na linggo, gayundin ang iba pang teams na angat sa kanila sa standings.

By  Jelbert Perdez  

Nag-kampeon sa National Basketball Association (NBA) Finals ang Golden State Warriors.

Ito ay matapos payukuin ng Warriors ang kalabang Cleveland Cavaliers sa Game 6 ng NBA Finals sa iskor na 105-97.

Nanguna sa panalo ng Warriors si NBA MVP Stephen Curry na kumana ng 25 puntos, anim na rebounds at walong assists.

Itinanghal naman bilang NBA Finals Most Valuable Player si Andre Iguodala ng Warriors.

Ito ang unang kampeonato ng Warriors makalipas ang 40 taon.

By  Ralph Obina  

Balik-Pinas na ang mga atletang Pinoy na sumabak sa 2015 SEA o Southeast Asian Games sa Singapore.

Ayon kay PSC Chairman Richie Garcia, dumalo pa sa closing ceremony ng SEA Games kagabi ang ilang atletang Pinoy bago umalis ng Singapore kaninang tanghali.

Kasabay nito, ipinagmalaki ni Garcia ang umaangat na sports programs ng bansa bagamat nasa ika-anim na puwesto nagtapos ang kampanya ng Pilipinas sa SEA Games.

Pinuri pa rin ni Garcia ang Pinoy athletes sa kanilang performance partikular sa larangan ng athletics.

By  Judith Larino  

Muling umukit ng kasaysayan ang Philippine Azkals matapos manalo sa round 2 match laban sa Yemen sa Group H ng 2018 FIFA World Cup Qualifiers.

Sina Misagh Bahadoran at Iain Ramsay ay kapwa naka-goal sa laro sa Doha.

Umiskor si Bahadoran ng kanyang goal sa 53rd minute habang ang kay Ramsay naman ay naibuslo niya sa 74 minutes ng laro sa Qatar SC Stadium.

Malaki rin ang naiambag ng iba pang Azkals na sina Neil Etheridge, Stephan Palla, Luke Woodland, Manuel Ott, Phil Younghusband, Daisuke Sato, Jerry Lucena, Javier Patiño, at Martin Steuble.

Sunod na sasagupain ng Azkals ang North Korea sa Group H.

By  Jelbert Perdez