SPORTS

Bagama’t tinambakan ng 24 points sa first half ng laro, nakabangon ang San Miguel Beermen at nilasing ang Rain or Shine sa score na 101-95 sa PBA Governors’ Cup Semifinals sa Smart-Araneta Coliseum.

Kumamada sina import Arizona Reid at Marcio Lassiter ng tig-22 points para sa Beermen.

Nagdagdag naman si PBA MVP June Mar Fajardo ng 20 points habang nag-ambag din si Alex Cabagnot ng 15 points.

Samantala, muling maghaharap ang Alaska Aces at Purefoods Star Hotshots sa game two ng kanilang best-of-seven semifinals.

Target ng Aces na makuha ang 2-0 lead sa serye para isang panalo na lang ay masusungkit na nila ang unang puwesto sa finals.

By Jelbert Perdez  

Maghaharap sa finals ng Women’s World Cup ang Estados Unidos at Japan.

Ito ay matapos talunin ng Japan sa semifinals ang England sa iskor na 2-1.

Ang finals sa pagitan ng Japan at two time champion na US ay nakatakdang magtuos sa Lunes, oras dito sa Pilipinas.

Itinuturing namang rematch ang laban ng dalawang team na dati nang nagharap noong 2011 World Cup Finals.

By Ralph Obina

Pasok na sa Women’s World Cup Finals ang United States matapos biguin ang number 1 Germany sa score na 2-0.

Makakaharap ng two time champions ang mananalo sa laro ng England at Japan bukas.

Una nang napasakamay ng Amerika ang titulo sa Women’s World Cup noong 1991 at 1999.

Ang World Cup Finals ay nakatakdang gawin sa linggo sa Vancouver, British Columbia.

By  Judith Larino   

Aarangkada na mamaya ang inaabangang banggaan ng defending champion na Star Hotshots at number one seed na Alaska Aces sa kanilang best of five PBA Governor’s Cup semifinals series.

Kumpiyansa ang beteranong coach na si Tim Cone na masusungkit ng kanilang koponan ang unang panalo sa pangunguna nina star import Marqus Blakely, dating two time MVP James Yap, Marc Pingris at PJ Simon.

Samantalang nakasandal naman ang Alaska kina Calvin Abueva, J-Vee Casio, Sonny Thoss at sa kanilang import na si Romeo Travis.

Matatandaang tinalo ng Alaska ang Hotshots sa huli nilang paghaharap noong Mayo sa iskor na 92-86.

By Ralph Obina    

Pinagmulta ng halagang P50,000 at sinuspinde ng isang laro ng Philippine Basketball Association o PBA si Barangay Ginebra Head Coach Frankie Lim.

Ito’y matapos ang physical contact kay Alaska Forward Calvin Abueva nang matumba ang Aces Star sa bench ng Gin Kings sa ikatlong yugto ng laro sa 2015 PBA Governor’s Cup Quarterfinals noong Sabado.

Natalo sa naturang laban ang Ginebra sa kamay ng Aces sa score na 114-108 dahilan upang makausad sa semifinals ang Alaska.

Ayon naman kay PBA Board Member Dickie Bachmann, pinag-aaralan na ng Alaska ang pag-review sa nasabing insidente.

By  Jelbert Perdez  

Nakapagdesisyon na si boxing hall of famer at dating Olympic champion Oscar dela Hoya sa plano nitong bumalik sa pagboboksing.

Ayon kay dela Hoya, bilang isang atleta na buong buhay ay kanyang itinuon sa pagboboksing, marami aniyang pagkakataon na nais niyang makabalik at muling lumaban sa boksing.

Gayunman, matapos aniyang konsultahin ang kanyang pamilya at pagsuri sa kanyang sarili, nagdesisyon si dela Hoya na manatiling retirado.

Kasabay nito, pinasalamatan ni dela Hoya ang kanyang mga taga-suporta na humihimok sa kanyang muling lumaban.

Matatandaang nagretiro si dela Hoya matapos na mabugbog ito ni Pambansang Kamao Manny Pacquiao noong 2008.

By  Ralph Obina   

Nahablot ng San Miguel Beermen ang final spot sa PBA Governors’ Cup Semifinal round matapos gibain ang Meralco, 102-86, sa kanilang do-or-die quarterfinal match sa Smart-Araneta Coliseum.

Ang no. 2 seed na San Miguel ay makakasama na sa semis ang ibang qualifiers na Alaska Aces, Rain or Shine at Purefoods Star Hotshots.

Pinangunahan ni Import Az Reid ang Beermen sa pamamagitan ng kanyang 29 points, 11 rebounds at six assists.

Sasagupain nila ang Elasto Painters sa isang best-of-five series.

By  Jelbert Perdez     

Hindi pressured si US tennis star Serena Williams na mapasakamay ang titulo sa Wimbledon.

Sinabi ni Williams na hindi muna iniisip ang ika-apat na panalo at nakatutok lamang siya sa magiging laro sa pagbubukas ng Wimbledon.

Sakaling manalo sa Wimbledon, ito na ang magiging pang-apat na titulo ni Williams sa magkakasunod na laro ngayong taon.

Una nang nakuha ng 33-anyos na tennis star ang kampeonato sa US Open, Australian Open at French Open na ginanap noong mga nakalipas na buwan.

By  Judith Larino   

Pasok na sa PBA Governor’s Cup Semifinals ang Purefoods Star Hotshots matapos gibain ang Globalport Batang Pier sa ikalawang pagkakataon sa pamamagitan ng score na 101-94.

Kumamada si import Marqus Blakely ng 15 points, 16 rebounds at 11 assists dahilan upang mawasak ang twice-to-beat advantage ng Batang Pier.

Matatandaang tinambakan ng 53 points ng Hotshots ang Globalport sa Game 1 ng serye.

Umaasa naman si Hotshots’ Superstar James Yap na makakausad sila sa finals upang masungkit muli ang kampeonato.

By  Jelbert Perdez