Tinapos na ni Richard Gasquet ang kampanya sa Wimbledon ni French Open Champion Stan Wawrinka.
Ito ay matapos talunin ni Gasquet si Wawrinka sa Wimbledon Semifinals sa iskor na 6-4…4-6… 3-6… 6-4…at 11-9.
Bagamat pukpukan ang laban ng dalawa, desidido si Gasquet na talunin sa ikalawang pagkakataon si Wawrinka.
Naging susi naman sa panalo ni Gasket ang backhand nito na nabigong makontra ni Wawrinka.
By Ralph Obina
Nakatakdang sumabak ang Gilas Pilipinas sa MVP Cup na magsisilbi ring tune-up event ng grupo bago ang 2015 FIBA Asia Championships.
Mula Setyembre 11 hanggang 14, sinasabing iho-host ng Gilas ang four-nation pocket tournament kung saan inaasahang lalahok ang ilang team sa FIBA Asia at Oceania Regions.
Ayon kay dating Gilas Coach Chot Reyes, opisyal ng MVP Sports Foundation, sasali sa torneo ang New Zealand at Lebanon.
Pagkakataon na rin umano ito ng Gilas upang muling makapaglaro sa harap ng kanilang mga kababayan.
By Jelbert Perdez
Inaasahan ang matinding sagupaan sa paghaharap nina Tennis World Number One Serena Williams at Worlds Number 4 Maria Sharapova sa semifinals ng Wimbledon Open.
Magugunitang naka-abanse sa semifinals si Sharapova matapos pataubin ang American player na si Coco Vandeweghe.
Ito na ang ika-limang pagkakataon na nakaabot sa Wimbledon Semis si Sharapova na na-pressure matapos matalo sa second set subalit nakabawi naman.
Nanalo si 5-time Wimbledon Champion Serena Williams laban sa kay 23rd Seed Victoria Azarenka kahit naging mabagal ang opening round ng champion.
By Judith Larino
Walang epekto kay Floyd Mayweather Jr. ang pagbawi ng World Boxing Organization o WBO sa welterweight title belt na napanalunan nito kay People’s Champ Manny Pacquiao.
Ayon sa kilalang sports analyst na si Dennis Principe, ito ay dahil may bahid ang kredibilidad ng naturang boxing organization.
“It’s more of dahil meron silang hinihingi kay Mayweather na hindi ibinigay ng American champion kaya naging ganun ang kanilang desisyon.” Ani Principe.
Samantala, para kay Principe ay posible pa rin mangyari ang rematch ng laban ni Pacman at Mayweather.
“Kung mangyari man yan, I don’t think mapapantayan yung success nung unang laban in terms of benta sa pay per view tsaka yung interes ng tao.” Pahayag ni Principe.
Next for Pacman
Aminado ang sports analyst na si Dennis Principe na wala pang kasiguraduhan sa susunod na yugto sa boxing career ni People’s Champ Manny Pacquiao.
Ayon kay Principe, dapat ay nakabalik na sa Amerika si Pacquiao para sa check-up ng naoperahang balikat nito ngunit hindi pa ito nahaharap ng mambabatas.
Samantala, sinabi ni Principe na mahirap man na matumbasan ang naging tugumpay ni Pacquiao ay mayroon namang mga bagong sibol na boksingero para magtuloy ng legasiya nito sa boksing.
“Ang pinakamalaking laban na dapat nating abangan this coming Saturday, yung nag-iisa nating world champion, isa na lang ang world champion natin si Donnie Nietes and the following week, another fighter si Arthur Villanueva ng Bacolod, undefeated lalaban siya sa World Super Flyweight Championship.” Dagdag ni Principe.
By Rianne Briones | Ratsada Balita
Tatangkain ng San Miguel Beermen na matapos ang serye laban sa Rain or Shine sa PBA Governors’ Cup Semifinals.
Magaganap ang Game 4 ng best-of-five series mamayang alas-7:00 ng gabi sa Smart-Araneta Coliseum.
Hawak na ng Beermen ang 2-1 lead sa serye laban sa Rain or Shine matapos gibain ang Painters sa score na 114-108 sa Game 3.
Sisikapin naman ng Elasto na maipanalo ang Game 4 dahil kapag nabigo ang koponan ay tuluyan na silang masisibak sa semifnals.
Ang mananalo sa pagitan ng Rain or Shine at San Miguel ay haharap sa No. 1 seed na Alaska Aces na nakakumpleto ng 3-game sweep laban sa Purefoods Star Hotshots.
By Jelbert Perdez
Tuloy ang paglalaro sa San Antonio Spurs ni NBA veteran Manu Ginobili.
Inanunsyo ito mismo ni Ginobili sa Twitter kasabay ang pahayag na masaya siya sa paglalaro muli sa Spurs sa susunod na NBA season.
Una na umanong napag-isipan ni Ginobili na mag-retire matapos matuldukan ang pag-asa ng Spurs nang matalo sa Los Angeles Clippers sa Game 7 ng Western Conference first round.
Samantala, nagpaabot na rin ng commitment na maglaro sa Spurs si David West na umano’y binitiwan ang 12 million us dollar contract sa Indiana Pacers kapalit ng 1. 4 million US dollar na minimum pay ng Spurs sa NBA veteran.
By Judith Larino
Pasok na ang Russian tennis player na si Maria Sharapova sa quarter finals ng Wimbeldon Open.
Ito’y makaraang pataubin ang katunggaling si Zarina Diyas ng Kazakhstan sa score na 6-4, 6-4 sa loob ng 97 minuto.
Dahil dito, sunod na haharapin ng Russian Fourth Seed ang 23-anyos na American tennis player na si Coco Vandeweghe.
Samantala, makakaharap naman ng Five-Time Wimbeldon Champion na si Serena williams sa susunod na round ang Two-Time Australian Open Winner Victoria Azarenka.
Ito’y matapos namang talunin ni Azarenka ang Swiss tennis player na si Belinda Bencic sa Score na 6-2, 6-3.
By Jaymark Dagala
Photo Credit: theguardian.com
Napasakamay ng Amerika ang kampeonato sa Women’s World Cup matapos talunin ang Japan.
Nagbubunyi ang mga Amerikano sa ipinakitang galing ng team sa pangunguna ng midfielder Carli Lloyd na nakakuha ng tatlo sa limang goals ng US team.
Naitala sa 5-2 ang final score sa nasabing laban.
Ang nasabing panalo ng US sa Women’s World Cup ay kauna-unahan simula noong 1999 samantalang tinalo ito ng Japan noong 2011.
Nagpaabot na ng pagbati ang mga opisyal ng Amerika sa pangunguna ni President Barack Obama sa nasabing tagumpay ng US soccer team.
By Judith Larino
Kinumpleto ng Alaska Aces ang three-game sweep laban sa PBA Govenors’ Cup Champion Star Hotshots sa score na 82-77 sa Smart-Araneta Coliseum, kagabi.
Ang Alaska ay tinapos ang Star sa tatlong laro kaya’t nakapasok sa Finals at hinihintay na lamang ang mananalo sa serye ng San Miguel at Rain or Shine.
Bagama’t nalimitahan sa 19 points si Import Romeo Travis bunsod ng matinding depensa ng Star ay hindi ito naging hadlang upang maipakita ng Aces ang bangis nito.
Samantala, sisikapin ng Elasto Painters na maungusan ang beermen sa Game 3 ng kanilang semifinals showdown mamayang alas-7:00 ng gabi sa Araneta Coliseum.
Una nang nakabuena mano sa serye ang Beermen, subalit nakaganti ang Elasto Painters nitong Sabado sa game two sa score na 113-110 kahit nabaon ito ng 20 points sa unang yugto ng laro.
By Jelbert Perdez
Pumirma muli ng 20 million US dollar contract para sa isang taon ang shooting guard ng Miami Heat na si Dwayne Wade.
Sinabi ni Henry Thomas, agent ni Wade na ang naturang kontrata ay maituturing na win-win solution dahil 2003 pa ay naglalaro na sa Heat si Wade.
Ang nasabing report ay taliwas sa naunang lumutang na lilipat si Wade sa Los Angeles Lakers para palitan si Kobe Bryant na nakatakda na umanong mag-retiro sa susunod na taon.
By Judith Larino