SPORTS

Kumpiyansa ang Philippine Olympic Committee na magiging matagumpay ang pagho-host ng Pilipinas sa 2019 Southeast Asian (SEA) Games.

Ito ay matapos makuha ng Pilipinas ang pagiging host ng SEA Games makaraang tanggihan ito ng mga bansang Brunei at Vietnam.

Ayon kay POC Spokesperson Joey Romasanta bahagi aniya ng pagiging host ang magkaroon ng state of the art na track oval na kayang kaya naman aniyang gawin.

Sa ngayon ay aalamin muna ng POC kung magkano ang ilalaang pondo para sa naturang prestihiyosong palaro at ang pagpili sa mga isports na paglalabanan sa SEA Games.

By Ralph Obina  

Balak tapatan ni Roger Federer ang nakamit na tagumpay ng kaniyang counterpart sa tennis na si Serena Williams.

Ito’y kasabay ng kaniyang nakatakdang pakikipagharap kay Novak Djokovic sa mens singles finals sa All England Club, Open Era.

Magugunitang itinanghal na oldest woman champ si Williams na nais namang tapatan ni Federer bilang oldest man champ.

Sampung beses na maglalaro si Federer para sa Wimbledon Final kaya’t puspusan ang kaniyang ginagawang paghahanda sa laban.

By  Jaymark Dagala  

Pasok ang timbang ni WBO Light Flyweight Champion Donnie “Ahas” Nietes sa weigh-in para sa laban nito ngayong gabi kontra sa Mehikanong si Francisco “Chihuhuas” Rodriguez.

Walang kahirap-hirap na nakapasok si Nietes sa 108 pounds catchweight habang nagkaproblema naman ang katunggali nito na kailangan pang tumakbo at maghubad ng boxer shorts para makuha ang timbang sa pangalawang pagpatong nito sa weighing scale.

Nangako si Nietes na gagawin niya ang lahat upang maipaghiganti ang pagkatalo nina dating WBO Minimum Weight Champion Merlito Tiger Sabillo at Jomar Fajardo.

Ito na ang ika-labing isang pagdepensa ni Nietes sa kanyang korona na hawak ngayon ang titulong longest reigning Filipino boxing champion.

By  Ralph Obina  

Tatangkain ni dating World Champion Brian “The Hawaiian Punch” Viloria na talunin si Mexican boxer Danny Flores sa laban nila sa July 25.

Pipilitin na makuha ni Villoria ang ika-apat na sunod na panalo sa kanilang 8-round fight kay Flores matapos ang pagkatalo nito noong Abril 2013 kay Juan Francis Estrada via split decision.

Gaganapin ang Viloria-Flores fight sa Florentine Gardens sa Hollywood.

Samantala, itinakda ang rematch ng Pinoy boxer kay Estrada sa Setyembre.

By  Meann Tanbio