SPORTS

Muling inihayag ng isa mga naging biktima ni 8-division world champion Manny Paquiao na si Brandon Rios na nagretiro na umano siya sa boxing.

Ginawa ni Rios ang pahayag ilang linggo matapos patulugin sa 9th round ni WBO World Welterweight King Timothy Bradley.

Gayunman, nilinaw ng manager ni Rios na si Cameron Dunkin na hindi pa umano tuluyang nagretiro ang kanyang alaga.

Ayon kay Dunkin, katunayan ay nakakagawa ngayon si Rios ng anim na rounds ng sparring sa loob ng gym kada araw.

By  Jelbert Perdez

Abot-kamay na ng Far Eastern University (FEU) Tamaraws ang korona sa UAAP Season 78.

Kasunod na rin ito ng ginawang pagdurog ng Tamaraws sa UST Growling Tigers sa score na 75-64 sa Game 1 sa Mall of Asia Arena kahapon.

Ngayong weekend ay pagkakataon na ng FEU para tapusin ang best-of-three series sa Game 2.

Ang Tamaraws ay 10 taon nang uhaw sa korona dahil huli nilang nasungkit ang UAAP title noong 2005.

By Jelbert Perdez    

Nakaisa na ang Far Eastern University (FEU) Tamaraws kontra sa University of Santo Tomas (UST) Tigers sa kanilang unang paghaharap sa finals ng Season 78 ng UAAP Men’s Senior Basketball Championship.

Naitala ang final score ng Game 1 sa 75-64.

Sinabi ni Tamaraws Team Manager Ritchie Ticzon na naging inspirasyon nila sa laban ang taguring underdog matapos mabigong manalo kontra UST sa kanilang engkuwentro sa elimination round pa lamang.

Ito ang unang paghaharap ng Tamaraws at Tigers sa championship sa torneo matapos ang 36 na taon.

By Judith Larino           

Magsisimula na mamaya ang salpukan sa pagitan ng University of Santo Tomas at Far Eastern University sa kanilang UAAP men’s basketball best-of-three finals.

Isang dekada nang uhaw sa korona ang Tamaraws kaya’t gagawin nito ang lahat upang masungkit ang men’s basketball title.

Ipinag-utos naman ng pamunuan ng FEU ang pagsuspinde sa mga pang-hapon at panggabing klase sa kanilang Manila at Makati campuses ngayong araw.

Ayon kay FEU President Michael Alba, ito’y upang masuportahan ng mga estudyante ang mga Tamaraw sa Game 1 ng serye na gaganapin sa Mall of Asia Arena.

By  Jelbert Perdez  

Binuhat nina Cleveland Cavaliers Forwards Kevin Love at Lebron James ang kanilang koponan para maihatid sa panalo laban sa Orlando Magic sa score na 117-103.

Kumamada si Love ng 34 points habang si Lebron James naman ay nakasama na si Oscar Robertson bilang atleta sa NBA history na nangibabaw sa top 25 sa hanay ng scoring at assists.

Sa unang quarter ay nagpakita agad ng bangis ang Cleveland sa sarili nitong bakuran kung saan ibinaon ng 12 points ang Magic.

Humabol ang Orlando, subalit hindi nito napanatili ang momentum hanggang sa matapos ang laro.

Dahil sa panalo ng Cavs ay taglay na nito ang 11-3 na kartada na siyang pinakamalupit na eastern conference record ngayong taon.

By Jelbert Perdez