Nagpahayag ng kahandaang lumahok sa 2016 Rio Olympics ang magreretiro nang si Kobe Bryant.
Ayon sa 37 anyos na basketball player, nais niyang makapaglaro sa huling pagkakataon sa ilalim ng Team USA.
2 beses naging bahagi si Bryant ng national team, una ay noong 2008 at ang ikalawa ay noong 2012.
Subalit, sinabi ni Bryant na nakadepende pa rin sa kaniyang kalusugan ang kaniyang kapalaran kung makapaglalaro o hindi sa Olympics.
By: Jaymark Dagala
Inamin ni Los Angeles Lakers Coach Byron Scott na ipinaalam sa kanya ni NBA star Kobe Bryant ang pagreretiro nito habang nakikipaglaban ang kanilang koponan sa Atlanta Hawks noong nakaraang linggo.
Sa panayam ng ESPN, sinabi ni Scott na ikinagulat niya ang balita ni Kobe at hindi anya siya makapaniwala dito.
Anya, kaswal at kalmado lamang na sinabi sa kanya ni Kobe ang pagreretiro nito.
Habang naglalaro na anya si Kobe laban sa Hawks napansin ni Scott na iyon na ang pinaka-relax na Kope Bryant na kanyang napanood sa court.
Si Scott anya ang kauna-unahang tao na nakaalam nang pagreretio ni Kobe sa basketball.
By Jonathan Andal
Tinanggap na ng pamunuan ng Philippine Basketball Association o PBA ang pagbibitiw ng pangulo nitong si Chito Salud.
Dahil dito, itinalaga bilang Interim PBA President at CEO si San Miguel Representative at PBA Board Chairman Robert Non.
Sinasabing inalok ang puwesto sa 12 board members, subalit wala umanong gustong tumanggap dito.
Ayon naman kay Non, maghahanap na ang board ng kapalit ni Salud dahil epektibo na sa Disyembre 31 ang resignation nito.
By Jelbert Perdez
Pasok si Kobe Paras sa National Honor Society ng Amerika.
Ito ay bilang high school student mula sa Cathedral High School sa Los Angeles, California.
Uubra lamang makapasok sa nasabing grupo ang mga estudyanteng may cumulative GPA o Grade Point Average na 85.
Ang UCLA bound na si Paras ay nasa huling taon na ng high school at lumipat sa Amerika noong 2013 matapos ang matagumpay na Juniors career sa NCAA sa paglalaro sa La Salle Greenhills Greenies.
By Judith Larino
Nakatakda nang isapubliko ng Top Rank Promotions ang huling makakatunggali sa parisukat na lona ni pambansang kamao Manny Pacquiao sa Abril ng susunod na taon.
Ayon kay Top Rank CEO Bob Arum, ito ang tiniyak sa kaniya ng adviser ni Pacman na si Michael Koncz.
Na-review na rin ani Arum ni Pacman ang mga videos ng nakalipas na laban nila Timothy Bradley, welterweight contender Amir Khan at welterweight champion Terrence Crawford.
Positibo naman si Arum na isa sa magkaibigan na sina Crawford o Bradley ang mapipili ni Pacman sa kaniyang huling laban.
By Jaymark Dagala
Napanatili ng Golden State Warriors ang malinis nitong kartada ngayong NBA season.
Ito ay matapos ilampaso ng Warriors ang kalabang Charlotte Hornets sa iskor na 116-99.
Muling pinangunahan ni reigning MVP Stephen Curry ang tagumpay ng Warriors makaraang makapagbaon ito ng 40 puntos.
Dahil dito, na-extend pa sa 20 ang panalo ng Warriors para ngayong season habang nasa kabuuang sunu-dunod na panalo na ito para sa koponan kasama ang 4 na huling panalo nito noong nakaraang season.
By Ralph Obina
Higit pang pinaigting ni Nonito ‘The Filipino Flash’ Donaire ang pag-eensayo nito sa kaniyang huling training sa top rank gum sa Las Vegas, Nevada.
Bukas nakatakdang tumulak pa San Juan, Puerto Rico si Donaire para sa 12 round WBO super bantamweight title fight niya laban kay Mexican boxer Cesar Juarez sa December 12.
Binigyang diin ni Donaire na batid niya ang style ni Juarez subalit may mga ikinakasa pa silang game plan sa nasabing laban.
Target ng kampo ni Donaire na tapusin ang laban sa pamamagitan ng second round knockout.
By Judith Larino
Tinanghal na Season 78 Champions ng UAAP ang Far Eastern University Tamaraws matapos talunin sa do-or-die Game 3 ang UST Growling Tigers.
Nalusutan ng tamaraws ang Tigers sa score na 67-62 sa kanilang paghaharap sa MOA Arena, Pasay City, kahapon.
Liyamado ang UST sa score na 60-58 sa nalalabing isang minuto at 31 segundo sa 4th quarter nang magpakawala ng tres si Roger Pogoy ng FEU na sinundan ng fast break lay-up ni Mike Tolomia upang lumamang ang Tamaraws.
Taong 2005 pa huling nag-kampyon ang tamaraws sa senior men’s basketball habang kabuuang 37 na ang titulo ng team kabilang ang kanilang nasungkit kahapon.
By Drew Nacino
Tinapos na ng Philadelphia 76ers ang makasaysayan nilang sunud-sunod na pagkatalo makaraang muling palasapin ng talo ang Los Angeles Lakers.
Pinadapa ng Philadelphia ang Lakers sa iskor na 103-91 sa pangunguna nina Jerami Grant at Nerlens Noel na nakapagbaon kapwa ng tig -14 na puntos.
Samantala, hindi naman sumapat ang 20 puntos ni Lakers Star Kobe Bryant para mai-angat ang kanilang koponan.
Matatandaang ito ang unang laban ng Lakers matapos ianunsyo ni Bryant ang kanyang pagreretiro.
By Ralph Obina
Masasaksihan na mamayang hapon ang salpukan sa huling pagkakataon ng UST Growling Tigers at FEU Tamaraws sa Game 3 ng UAAP Season 78 Men’s Basketball Championship.
Matapos makuha ang panalo sa game two, target ngayon ng UST na ideretso ang panalo upang tuluyang masungkit ang inaasam na kampeonato.
Nangako ang tinaguriang big 3 ng UST na sina Kevin Ferrer, Karim Abdul at Ed Daquiaog na kanilang ibibigay lahat para sa laban mamayang hapon.
Ayon sa tatlo, wala na silang ititira at wala na ring itatagong lakas para matalo ang FEU.
By Ralph Obina