SPORTS

Lifetime endorser na ng Nike si NBA Superstar Lebron James.

Ito ay matapos na pum irma si James ng lifetime contract sa naturang kumpanya.

Ang 31-anyos na si Lebron ay naging endorser ng Nike simula taong 2003.

Ang naturang kasunduan ang kauna-unahang lifetime contract na pinirmahan ng Nike.

Gayunman, hindi pa malinaw sa ngayon kung magkano ang financial terms sa naturang kasunduan.

Matatandaang si James ay four time NBA most valuable player at nakasungkit din ng dalawang gintong medalya sa Olympics.

Naglaro si James sa ilalim ng Cleveland Cavaliers mula 2003 hanggang 2010 bago ito lumipat sa Miami Heat.

At Hulyo ng nakaraang taon nang bumalik muli sa poder ng Cavs si Lebron.

By   Ralph Obina

Magkakaroon ng rematch sa pagitan nina Ronda Rousey at ang tumalo ritong si bagong UFC bantamweight champion Holly Holm.

Ito ang tiniyak ngayon ni UFC President Dana White.

Ayon kay White, bilang dating undefeated champion, karapat-dapat aniya si Rousey na mabigyan ng rematch.

Gayunman, hindi pa batid ni White kung kailan ito maisasakatuparan ngunit tiyak nitong mangyayari ang Rousey vs Holm 2.

Matatandaang isang head kick mula kay Holm sa second round ang tumapos sa malinis na fight record ni Rousey dahilan upang maagaw dito ang bantamweight champion belt.

By Ralph Obina       

Nanguna ang laban nila Pambansang Kamao Manny Pacquiao at American undefeated boxer Floyd Mayweather Jr. sa pinakahinahanap na tagpo sa larangan ng palakasan.

Ito’y matapos ilabas ng search engine site na Yahoo ang kanilang 2015 Most Searched Sports Moment.

Sinundan ang tinaguriang fight of the century ng pagkakapanalo ng US Women’s Team sa FIFA Women’s World Cup.

Pumangatlo naman ang Deflate Gate na may kaugnayan sa kontrobersyal na AFC Championship game scandal.

Sinundan din ng mga netizens ang naging pagkatalo ng UFC Queen na si Ronda Rousey sa naging laban nito kay Holy Holm.

By Jaymark Dagala  

Patuloy na nalulubog sa pagkatalo ang Los Angeles Lakers.

Ito’y matapos ilampaso ng Detroit Pistons ang Lakers sa iskor na 111-91.

Pinangunahan ni Reggie Jackson ang panalo ng Pistons makaraang makakopo ito ng 20 puntos.

Bagamat nasa balwarte ng kalaban, naging mainit naman ang pagtanggap ng Detroit kay Lakers star Kobe Bryant kung saan naghihiyawan at nag-chi-cheer pa ang mga manunuod sa tuwing mahahawakan ni Bryant ang bola.

Maliban dito, mapa Lakers o Pistons man na tagasuporta ay kapwa isinisigaw ang pangalang Kobe.

Ito ang huling laro ni Bryant sa home court ng Pistons matapos itong mag-anunsyong ito na ang huling season niya sa NBA.

By  Ralph Obina

Napanatili ng Golden State Warriors ang malinis nitong kartada matapos masungkit ang ika-22 nilang panalo ngayong NBA season.

Ito ay matapos ilampaso ng Warriors ang Brooklyn Nets sa iskor na 114-98.

Muling nanguna sa panalo ng Warriors si reigning MVP Stephen Curry na nakapagtala ng 28 puntos.

Kapansin -pansing mas mababa ito sa 40 puntos na naibabaon ni Curry sa mga nakalipas na laban ng Warriors.

Gayunman, sa mga huling sandali ng 4th quarter ay hindi pa rin binigo ni Curry ang kanilang koponan kaya’t naging malayo ang naging kalamangan kontra Nets.

By  Ralph Obina  

Kasalukuyang nasa Pilipinas ang The King of Clay at World Number 5 tennis star na si Rafael Nadal.

Ito’y para sa gagawing 2nd International Premier Tennis League na nagsimula kahapon.

Bukod sa nasabing liga, inihayag din ni Nadal na plano rin niyang magtayo ng isang tennis school para sa kabataang Pinoy.

Maliban kay Nadal, nasa bansa rin si Women’s Singles World Number 1 na si Serena Williams na ikalawang beses maglalaro sa ilalim ng Philippine Mavericks.

By   Jaymark Dagala

*Photo Credit: AP/File Photos

Nalusutan ng defending NBA Champions Golden State Warriors ang Toronto Raptors upang mapanatili ang kartadang 21 wins at 0 loss.

Wagi ang Warriors kontra toronto sa score na 112-109, sa kabila ng homecourt advantage ng Raptors.

Kumamada ng game high na 44 points si NBA MVP Stephen Curry  para sa Golden State habang nagpakawala ng 41 points si Kyle Lowry para sa Toronto.

Sa unang quarter ay liyamado ang  Warriors ng 13 puntos at 10 puntos sa  halftime subalit bumawi ang Toronto at lumamang ng 85-84 sa final quarter at umabot sa score na 98-95 ang kalamangan nang gumawa ng free throws si luis scola sa huling apat na minuto ng 4^th quarter.

Gayunman, tumambla ang puntos nang magpakawala ng tres si Curry  na sinundan ng free throw matapos i-foul sa nalalabing 18 seconds.

Sunod na makakasagupa ng defending champions ang Brooklyn Nets, sa homecourt nito sa Barclays Center, New York, bukas.

By: Drew Nacino

Dumating ang 5^th seeded na si Nadal sa Ninoy Aquino International Airpoirt Terminal 3 lulan ng  Emirates Airlines dakong 10:00 kagabi.

Makakalaban ng Aces ang OBI U.A.E. royals sa MOA Arena, bukas ng hapon habang sa Martes ng gabi ay sasagupain ng naturang koponan ang Philippine Mavericks.

Samantala, nasa bansa rin ang world’s number 1 tennis player sa women’s division na si Serena Williams at Filipino-American na si treat huey upang kumatawan sa Mavericks.

By: Drew Nacino