Umalma ang mehikanong boksingero na si Cesar Juarez sa pag-i-iskor ng 3 hurado sa naging laban nila ni Nonito Donaire Junior.
Ayon kay Juarez, mas dikit dapat ang puntos nila ng the Filipino Flash dahil palitan naman ang naging laban.
Ngunit batay sa score cards, lumabas ang 116-110, 116-110 at 117-109, kung saan unanimous ang 3 hurado sa pagpabor kay donaire.
Gayunpaman, aminado si Juarez na magaling si donaire sa naging laban nila kahapon kaya siya natalo.
By: Avee Devierte
Hindi pa handa si 8 World Division Champion at pambansang kamao Manny Pacquiao na pangalanan ang susunod niyang makakalaban sa parisukat na lona.
Ito’y kahit pa kinumpirma na ng kaniyang kampo ang pagbabalik sa boxing ring sa Abril 9 para sa kaniyang kahuli-hulihang laban bago tuluyang magretiro
Ilan sa mga pinagpipilian ni pacman ay kung haharapin sa ikatlong pagkakataon si Timothy Bradley.
Gayundin ang wala pang talo na si Terence Crawford at kasalukuyang may hawak ng titulo bilang WBO Junior Welterweight Champion.
By: Jaymark Dagala
Si Nonito ‘The Filipino Flash’ Donaire na ang bagong junior featherweight world champion.
Ito ay matapos talunin ni Donaire si Mexican Boxer Cesar Juarez via unanimous decision sa laban na ginanap sa Coliseo Roberto Clemente sa San Juan, Puerto Rico.
Itinuturing na life and death challenge ang kinaharap ni Donaire sa pakikipagsagupa kay Juarez.
By Judith Larino
Nasungkit ni Filipino-American MMA Fighter Brandon Vera ang kanyang kauna-unahang korona sa heavyweight world championship.
Ito’y matapos ma-knockout si Taiwanese-Canadian Paul Cheng sa loob lamang ng 26 na segundo sa main event ng “spirit of champions” fight card sa SM Mall of Asia Arena sa Pasay City.
Unang binira ng sipa sa katawan ni Vera si Cheng saka sinundan ng malutong na atake sa ulo na siyang nagpayanig dito.
Subalit lumusob pa rin si Cheng kahit na halatang nasaktan ito sa sipa ni Vera kaya’t nag-counter ang Fil-Am fighter ng kaliwang sapak at kasunod nito ay ang malakas na sipa sa panga dahilan upang bumagsak ito.
Dahil sa panalo ay umakyat na ang professional record ni Vera sa 14 wins at 7 loses kung saan itinanghal ito bilang pangalawang Pinoy na nakahablot ng world title sa malaking mixed martial arts event sa Asya.
Agad namang nagpasalamat sa Filipino fans si Vera at binati pa niya ang mga ito ng “Maligayang Pasko.”
By Jelbert Perdez
Wagi ang Oklahoma City Thunder kontra Atlanta Hawks sa iskor na 107-94.
Pinangunahan ni Forward Kevin Durant ang panalo ng Thunder makaraang makapagbaon ito ng 25 puntos.
Sinegundahan din ito ni serge ibaka na nakasikwat naman 23 puntos.
Matinding opensa na sinabayan ng mahigpit na depensa ang pinairal ng Thunder kaya’t bigo ang Hawks na makahabol sa kalamangan ng Oklahoma.
By Ralph Obina
Bilis at lakas.
Ito ang alas ni Nonito ‘The Filipino Flash’ sa laban nito kontra kay Cesar Juarez ng Mexico ngayong weekend.
Desidido si Donaire na masungkit ang bakanteng WBO super bantamweight title belt na binawi mula kay dating boxing champion Guillermo Rigondeaux ng Cuba.
Ayon kay Donaire, bumata aniya ang kanyang pakiramdam at bumalik ang kanyang lakas.
Mas masaya rin aniya siya ngayon dahil sa bago niyang team at pamilya na kanya namang inspirasyon.
Matatandaang ito ang pagbabalik sa super bantamweight ni Donaire makaraang mapatulog ito ni Nicholas Walters sa kanilang featherweight title match noong nakaraang taon.
By Ralph Obina
Hindi na makakalaro sa 2016 Invitational Cup sa panig ng Petron Blaze Spikers si Dindin Santiago-Manabat.
Ito’y matapos isiwalat ni Santiago-Manabat sa kanyang teammates na nagdadalantao umano siya.
Dahil dito, sinasabing kukuha muna ng leave of absence ang 6-foot-2 middle blocker para paghandaan ang panibagong kabanata ng kanyang buhay at ito ay ang pagiging ina.
Bagama’t maituturing itong good news, sinabi naman ni Head Coach George Pascua na bad news naman ito sa team.
Matatandaang nahubaran ng korona ng Foton Tornadoes ang two-time champion Blaze Spikers sa PSL Grand Prix noong nakaraang linggo.
By Jelbert Perdez
Tiwala si dating 5-time world champion Nonito ‘The Filipino Flash’ Donaire na muli siyang tatanghaling kampeon.
Ito ay matapos ang laban nila ni number one contender Cesar Juarez sa darating na Sabado sa Puerto Rico.
Sinabi ni Donaire na malaking oportunidad ang laban niya kay Juarez para makabawi sa kaniyang sunud-sunod na pagkatalo para muling kilalanin bilang world champion.
Nakataya sa bakbakan ang WBO world title sa 122 pound division.
Si Donaire ay may 35 wins at 3 losses samantalang 17 panalo at 3 talo naman ang hawak ni Juarez.
By Judith Larino
Target ng koponang Global Port Batang Pier na makalusot sa elimination round ng PBA.
Ito’y makaraang mapataob ng Batang Pier ang koponang MERALCO Bolts sa iskor na 108-104.
Ayon kay Global Port Head Coach Pido Jarencio, masaya siya sa naging resulta ng kanilang laban dahil nakuha na nila ang ikatlo, ika-apat at ikalimang spot.
Nanguna sa nasabing laro si Terrence Romeo na nakabuslo ng 33 points na tinapatan naman ng 18 puntos ni Jimmy Alapag sa panig ng MERALCO.
By Jaymark Dagala
Muling namayagpag ang Golden State Warriors matapos talunin ang nangunguna sa central division na Indiana Pacers.
Pinahiya ng Warriors sa sariling teritoryo ang Pacers sa score na 131-123.
Nanguna sa opensa ng defending NBA champion sina Klay Thompson na nagtala ng season high na 39 points habang gumawa naman ng 29 points, 7 rebounds at 10 assists si Stephen Curry.
Ang nasabing panalo ay ika-23 nang sunod na panalo ng Golden State Warriors.
Nanguna naman sa Pacers sina Paul George na may 33 points at CJ Miles na gumawa ng 24 points.
Nananatiling hawak ng Lakers sa kasaysayan ng NBA ang 33 sunud-sunod na panalo na naitala noon pang 1971-72 season.
By Judith Larino