SPORTS

Mismong ang boxing legend at coach ni People’s Champ Manny Pacquiao na si Freddie Roach na ang umaming si Floyd Mayweather Jr. na ang pinakamagaling na boksingero sa kanyang panahon.

Ayon kay Coach Freddie, napatunayan ni Floyd Jr. na siya ang pinakamagaling nang mapataob nito si Pacman sa kanilang paghaharap noong Mayo.

Hawak din ni Floyd ang impresibong kartada na 49 na panalo at walang talo.

Taas noo rin aniyang nagretiro si Mayweather nang manalo ito sa kaniyang farewell fight kontra kay Andre Berto noong Setyembre.

By  Jaymark Dagala 

Muling ipinakita ni Lebron James ang kaniyang bangis nang talunin ng koponan niyang Cleveland Cavaliers ang Boston Celtics.

Gumawa ng 24 points si James at 20 points naman si Kevin Love.

Balik sa home court ang Cavaliers para sa showdown laban sa Oklahoma City Thunder bukas ng gabi.

Naitala ang final score sa 89-77.

By  Judith Larino  

Humingi na ng paumanhin si Sacramento Kings Guard Rajon Rondo matapos magsalita ng masama laban sa NBA refee na si Bill Kennedy.

Magugunitang hindi pinaglaro si Rondo noong isang linggo ng National Basketball Association dahil sa naging remarks nito sa December 3 game laban sa Boston Celtics sa Mexico City.

Ayon kay Rondo, hindi katanggap-tanggap ang naging salita niya kay Kennedy at hindi ito nagre-reflect ng kanyang damdamin sa LGBT community.

Dahil dito, nais niyang humingi ng paumanhin kay Kennedy at batid niyang wala sa lugar at hindi makatuwiran ang hindi pagrespeto sa sexual orientation ng isang tao.

Magugunitang si Kennedy na unang umaming gay at nasa kanyang 18th season na bilang NBA referee ay knumpronta ni Rondo na tinawagan nito ng dalawang technical foul at hindi na pinaglaro.

By  Judith Larino 

Handa na si dating Cruiserweight Champion Enzo Maccarinelli na sumabak sa isang world title match matapos pabagsakin si dating Heavyweight Champion Roy Jones Junior.

Ayon kay Maccarineli, maging siya ay nabigla nang kanyang ma-knock out si Jones sa Round 4 ng kanilang laban sa Moscow, Russia.

Aminado ang 35-anyos na si Enzo na isang malaking karangalan para sa kanya na makalaban at pabagsakin ang isa sa mga pinakamahusay na boksingero sa kasaysayan.

Naramdaman din ni Maccarinelli ang pressure na makasagupa si Jones sa Russia lalo’t kamakailan lamang ay naging Russian citizen ito sa tulong ni President Vladimir Putin.

Handa rin anya siya na maka-rematch ang 45-anyos na American-Russian boxer kung nanaisin nito.

By Drew Nacino  

Itinanghal bilang Sports Person of the Year si US Tennis Superstar Serena Williams ng Sports Magazine na Sports Illustration.

Ayon sa mga namamahala sa nasabing magazine, maituturing na ring global icon si Williams dahil sa mga kakaiba nitong accomplishment ngayong taon.

Magiging kahanay ni Williams ang ilang sikat na manlalaro tulad nila Muhammad Ali, Lebron James, Michael Jordan at Jack Nicklaus.

Agad namang nagpasalamat si Williams sa parangal na iginawad sa kaniya ng Sports Magazine.

By  Jaymark Dagala  

Muling sumikwat ng panalo ang Oklahoma City Thunders sa 2015-2016 NBA regular season.

Nananatili ang Thunders sa ikatlong pwesto sa Western Conference matapos padapain ang Utah Jazz sa score na 104-98.

Nagpakawala ng 31 points si Kevin Durant upang pangunahan ang Oklahoma habang kumamada ng 23 points si Rodney Hood para sa Utah.

Mayroon ng 16 na panalo at 8 talo ang Thunders sa nagpapatuloy na regular season.

By Drew Nacino 

Mailap pa rin ang tagumpay para sa Los Angeles Lakers sa 2015-2016 NBA season.

Ito’y makaraang ipatikim ng Houston Rockets sa Lakers ang kanilang ika-21 pagkatalo.

Inilampaso ng Houston ang LA sa score na 129-97 sa homecourt ng Rockets sa Toyota Center Arena, Texas.

Kumamada ng 30 points si James Harden upang iangat ang Rockets kontra Lakers na pinangunahan naman ng 25 points ni veteran all star at 5-time NBA Champion Kobe Bryant na magreretiro ngayong season.

Bagaman natalo ang Los Angeles, pinuri naman ni Bryant ang panalo ng Houston.

By Drew Nacino 

Aminado ang ama ni Nonito “The Filipino Flash” Donaire Jr. na kinabahan ito sa dikitang laban ng kaniyang anak kontra kay Cesar Juarez.

Ayon kay Nonito Sr., kanilang ikinagulat ang ipinakitang determinasyon at lakas ni Juarez sa kabila ng malalakas na suntok na tinamo nito mula sa kanyang anak.

Inakala rin nila na susuko na si Juarez makaraang dalawang beses mapasubsob ito ni Nonito sa parisukat na lona.

Gayunman, nanaig pa rin ayon kay Nonito Sr. ang kumpiyansa ng kaniyang anak na dumaan sa matinding pagsasanay na makuha muli ang minsan nang nakamit na titulo.

By  Jaymark Dagala