SPORTS

Bagama’t wala si Head Coach Roger Gorayeb ay na-sweep pa rin ng San Sebastian College ang Jose Rizal University o JRU sa score na 25-12, 25-16, 26-24.

Dahil dito, malapit nang makasampa ang Lady Stags sa final four ng NCAA Season 91 Women’s Volleyball Tournament.

Sumikwat si Gretchel Soltones ng 21 points na kinabibilangan ng 18 spikes na nagpanalo sa koponan kaya’t nananatili itong walang talo o undefeated sa anim na laro.

Isang panalo na lang ay makakasungkit na ang naturang koponan ng pwesto sa semifinals ng torneo.

Naglaro ang san sebastian nang wala si Gorayeb matapos itong suspendihin ng isang laro dahil sa unsportsmanlike conduct.

By  Jelbert Perdez

Photo Credit: thetiebreakertimes

Balik-NBA na si Cleveland Cavaliers Guard Kyrie Irving matapos ang matagal na pagkawala dahil sa injury nito.

Itoy kung saan nakasungkit muli ng panalo ang koponan ni Irving kontra Philadelphia 76ers sa iskor na 108-86.

Nakapagtala ng 12 puntos si Irving.

Ayon kay Irving masaya siyang makabalik muli kasama ang team at mas pinasaya pa ito ng kanilang tagumpay.

Susunod namang makakaharap ng Cavs sa Sabado (oras dito sa Pilipinas) ang koponan ng Golden State Warriors.

By  Ralph Obina  

Nasungkit ng Barangay Ginebra San Miguel Kings ang fourth seed sa Smart Bro PBA Philippine Cup Playoffs.

Ito’y matapos padapain ang TNT Tropang Texters sa score na 91-84 sa Araneta Coliseum, kagabi.

Dahil dito, sasalang ang Kings sa isa na namang Manila Clasico quarterfinal clash sa Christmas Day.

Kumamada si Greg Slaughter ng 27 points, 14 rebounds at three blocks habang si Japeth Aguilar naman ay nagdagdag ng 17 markers at seven boards para sa Barangay Ginebra.

By  Jelbert Perdez  

Magbabalik na si Kyrie Irving ng Cleveland Cavaliers para sa laban ng kanyang koponan kontra Philadelphia 76ers.

Ayon kay Irving, nasasabik na siyang muling sumabak sa basketball court.

May mga kakailanganin lamang na ayusin upang masiguradong walang panganib na maglaro muli ito.

Magugunitang nagtamo ng injury si Irving sa kanyang tuhod nang makasagupa ng Cleveland cavaliers ang Golden State Warriors noong Hunyo.

Itinuturing na kabilang si Irving sa tinaguriang Big 3 ng Cavaliers kasama sina Lebron James at Kevin Love.

By: Avee Devierte

(Updated)

Nakalabas na ng ospital ang asawa ni Filipino-Australian Golfer Jason Day na si Ellie Day matapos itong madaganan ni NBA star Lebron James sa game ng Cleveland Cavaliers laban sa Oklahoma City Thunder kahapon.

Isang gabi rin nanatili si Ellie Day sa Cleveland Metro Health Medical Center matapos ang insidente.

Nadaganan ni Lebron si Ellie na nakaupo noon sa courtside nang isalba ng NBA star ang bola na patungo sa labas ng court.

Humingi din naman nang paumanhin si Lebron at nagpaabot nang panalangin sa agarang paggaling ni Ellie.

Sinabi naman ng tagapagsalita ng pamilya Day na walang sama ng loob si Ellie kay Lebron dahil alam naman nitong ginagawa lang ng basketbolista ang kanyang trabaho.

By   Jonathan Andal 

Photo Credit: David Richard/USA TODAY Sports

Sanib-puwersa sina Jayson Castro at second overall pick Troy Rosario para pangunahan ang panalo ng Talk n’ Text Tropang Texters kontra Global Port Batang Pier kung saan naitala ang final score sa 107-96.

Dahil sa naturang panalo, posibleng makuha ng Tropang Texters ang Number 4 seed sa Philippine Cup Playoffs sa pagharap nito sa Barangay Ginebra sa huling laro ng elimination round sa linggo.

Gumawa ng 25 points si Castro habang 19 points naman ang kontribusyon ni Rosario.

Tuwang-tuwa naman si TNT Coach Jong Uichico dahil kailangang kailangan nila ang naturang panalo para makapuwesto.

Tig-24 points naman ang ambag nina Stanely Pringle at Terrence Romeo para sa Global Port.

By   Judith Larino 

Photo Credit: PBA Media Bureau

Nasungkit ng San Antonio Spurs ang ika-14 nilang sunod na panalo ngayong NBA season.

Ito ay matapos ilampaso ng Spurs ang kalabang Washington Wizards sa iskor na 114-95.

Nanguna sa tagumpay ng Spurs si Kawhi Leonard na kumana ng 27 puntos na sinegundahan naman ni Lamarcus Aldridge na nakapag-ambag 14 na puntos.

Samantala, wala sa laro para sa Wizards sina Bradley Beal na malaking kawalan para sa koponan.

By  Ralph Obina