Tinalo ng Barangay Ginebra San Miguel ang sister team Star Hotshots sa Christmas Day overtime game sa score na 92-89.
Bumida si Sol Mercado sa laro na kumamada ng 17 points, anim na rebounds at limang assists.
Habang si Tenorio ay naka-11 points, anim na assists at tatlong rebounds para sa Barangay Ginebra.
Pinangunahan naman ni PJ Simon ang Star sa score na 17 points.
Dahil sa panalo, makakaharap ng Ginebra ang Globalport Batang Pier.
By Mariboy Ysibido
Magtutuos ngayong hapon, araw ng Pasko ang koponan ng Ginebra Gin Kings at Star Hotshots.
Ito ay para magkaalaman kung sino ang mananatili sa kumperensya o kung sino ang tuluyang malalaglag.
Ayon kay Ginebra Coach Tim Cone, tiyak aniyang magiging pahirapan ang labang ito dahil sa marami aniyang distraction lalo pa’t araw ngayon ng Kapaskuhan.
Gayunman, tiniyak ni Greg Slaughter na walang isyu sa kanila ang paglalaro ng Pasko basta’t ang mahalaga aniya ay manalo ang Ginebra.
Sa oras na manalo ang Ginebra ay tanggal na sa laban ang Hotshots ngunit isang laban pa ang kailangan maipanalo ng Star sa oras na manalo ito mamaya kontra sa Barangay Ginebra.
By Ralph Obina
Inaabangan na ng mga basketball fans ang laro sa pagitan ng Golden State Warriors at Cleveland Cavaliers sa Sabado.
Ito ang unang pagkakataon na maglalaro ang dalawang nabanggit na koponan pagkatapos ng kanilang naging matinding harapan noong Hunyo sa 2014-15 NBA Finals.
Ang Warriors-Cavaliers-game ay sinasabing pinaka-highlight ng December 25 (December 26 sa Pilipinas) games ng NBA.
By Meann Tanbio
Wagi ang Cleveland Cavaliers kontra New York Knicks sa iskor na 91-84.
Nanguna sa panalo ng Cavs si Lebron James na kumana ng 24 na puntos at sinegundahan naman Kevin Love na nakapagbaon ng 23 puntos.
Hindi na nakaporma Knicks lalo na sa ikaapat na quarter ng laro hanggang sa tuluyang malubog sa kalamangan ng Cavs.
Malaking kawalan sa panig ng Knicks ang paglalaro nang wala si Carmelo Anthony.
By Ralph Obina
Posibleng mag-agawan sina Junemar Fajardo at Greg Slaughter sa “best player of the conference” award ng PBA Philippine Cup.
Dikit ang laban kung saan nangunguna si Fajardo na may 45.6 statistical points na sinundan ni Slaughter na may 45.3.
Ang San Miguel Beermen at Barangay Ginebra player kasalukuyang nangunguna ngayon sa pinakahuling statistics ng PBA.
By Meann Tanbio
Wagi kontra Miami Heat ang koponan ng Detroit Pistons.
Nakabangon sa huling sandali ng laro ang Pistons mula sa 18 kalamangan ng Heat at nagawang matapos ang laban sa iskor na 92-93.
Ito ay matapos magmintis ng ilang beses ang jumpers ng Heat.
Ito na ang ika-limang sunod na panalo ng koponan ng Heat.
By Ralph Obina
Dalawang linggong hindi makakalaro si Chicago Bulls center Joakim Noah.
Ayon sa koponan, ito ay dahil sa injury ni Noah sa kaliwang balikat nito.
Nakuha ni Noah ang injury nito nang magkabanggaan sila ni Brooklyn Center Andrea Bargnani noong laban nila noong Lunes.
Dahil dito, sa anim na laro ng Bulls mawawala si Noah kabilang ang laban ng Chicago sa Biyernes kontra Oklahoma City Thunder.
By Ralph Obina
Mamimigay ang pamunuan ng Philippine Basketball Association o PBA ng 500 free general admission tickets para sa Christmas Day game sa mga masusuwerteng fans na pupunta bukas sa MOA Arena.
Ang mga PBA fans ay mabibigyan ng pagkakataon na mapanood ng libre ang laban ng Globalport Batang Pier at Barako Bull bandang alas-4:15 mamayang hapon at susundan ng sagupaan sa pagitan ng barangay Ginebra Kings at Star Hotshots alas-7:00 ng gabi.
Ibibigay ang 500 tickets sa mga fans na pipila sa Marina Way Entrance ng MOA Arena
By Meann Tanbio
Dinaig ng Utah Jazz ang kalabang Phoenix Suns sa kanilang pagtutuos kaninang umaga.
Ito’y kung saan hindi na nakaporma pa ang Suns at natapos ang laban sa iskor na 110-89 pabor sa Utah.
Nanguna sa panalo ng Jazz si Gordon hayward na nakakopo ng 24 na puntos na sinegundahan naman ni Derrick Favors na may 18 puntos.
Samantala, hindi naman sumapat ang 26 na puntos ni Brandon Knight para buhatin ang Suns.
By Ralph Obina
Pasok sa top three ng 2015 Male Athlete of the Year Award ng The Associated Press ang triple crown winner na si American Pharoah, US Open Champion Jordan Speith at NBA MVP Stephen Curry.
Kabilang sa mga achievement ni Pharoah, ay ang Kentucky Derby, Preakness at Belmont Stakes habang bago tumuntong sa 40-anyos ay halos nasungkit na nito ang malalaking torneo sa kanyang isport.
Ang golfer namang si Spieth nakapanalo na ng 4 na major championship ngayong taon lamang bukod pa sa record nitong pinakabatang nakapanalo sa torneo ng masters.
Ang pambato naman ng Golden State Warriors na si Curry, napukaw ang puso ng bawat basketball fan sa buong mundo nang masungkit ng kanilang koponan ang kampeonato makalipas ang 40 taon sa kanyang pangunguna.
Ang tatanghaling male athlete of the year para sa taong 2015 ay iaanunsyo sa darating na linggo, oras dito sa Pilipinas.
By Ralph Obina
