SPORTS

Posibleng i-anunsyo  na sa susunod na dalawang araw ng kampo ni 8 Division World Champion Manny Pacquiao ang desisyon nito hinggil sa ikatlo niyang laban  kay Timothy Bradley.

Ito ang inihayag ni  Top Rank CEO  Bob Arum, promoter ni Pacman matapos kumpirmahin ni Michael Koncz na adviser naman ng people’s champ na nagka-usap na sila ng american boxer.

Hinihintay na anya nila ang opisyal na pahayag ni Koncz na maaaring ilabas bukas o sa mismong unang araw ng bagong taon.

Kabilang si Bradley sa mga pinagpipilian ni Sarangani Rep. Pacquiao para sa kanyang   April 10 farewell fight.

By: Drew Nacino

Suspendido ang 2 referees ng Philippine Basketball Association o PBA.

Epektibon kahapon, Disyembre 29 ang suspensyon kina referees Edward Aquino at Rommel Gruta.

Sa isinagawang deliberasyon sa pangunguna ng technical committee, napatunayang hindi nagpataw ng five-seconds violation at stepping infraction ang dalawang opisyal kay Globalport Guard Stanley Pringle sa overtime game noong Linggo kontra Barangay Ginebra.

Nangangahulugan ito na hindi maaaring mag-officiate sina Aquino at Gruta sa maximum na 21 laro at minimum na 15 sa pagpapatuloy ng quarter finals ng PBA Philippine Cup.

Agad namang humingi ng pamumanhin ang dalawang referees sa kanilang kamalian.

By: Meann Tanbio

Pinatawan ng 2 game suspension si Memphis Grizzlies Guard Matt Barnes ng National Basketball ASSOCIATION.

Ito’y makaraang magkaroon ng pisikal na argumento sa pagitan ni barnes at New York Knicks Coach Derek Fisher.

Sa isinagawang pagsisiyasat ng nba, napag-alamang binalaan ni barnes si Fisher noong October 3 sa bahay ng dating asawa ng player na si Gloria Govan sa redondo Beach, California.

Nagtungo si Barnes sa bahay ni Govan upang bisitahin ang kanilang anim na taong gulang na kambal na anak.

Magsisimula ang suspension sa oras na makaharap ng Grizzlies ang Miami Heat, bukas at Utah Jazz sa linggo.

By: Drew Nacino

Pasok na ang Rain or Shine sa semi-finals ng PBA Philippine Cup.

Ito’y makaraang lampasuhin ng Elasto Painters ang Talk ‘N Text sa iskor na 104-89.

Pinangunahan ni Raymond Almazan ang painters matapos na magtala ng 15 points at 10 rebounds at 3 blocks.

Nag-ambag naman sina Don Trollano ng 14 points habang 13 puntos ang kay Jeff Chan.

Dahil sa panalo ng Rain or Shine, makakasagupa nila sa best of 7 semifinal round ang San Miguel Beermen.

By: Meann Tanbio

Nasikwat ng  Boston Celtics ang kanilang ika-apat na sunod na panalo sa 2015-2016 NBA season.

Nalusutan ng Boston  ang New York Knicks sa score na 100-91 sa homecourt ng Celtics sa Td Garden, Massachussets, kanina.

Kumamada ng 18 points si Jae Crowder  at nag-ambag ng 11 points at 9 rebounds si Kelly Olynyk para sa Boston  habang walang nagawa ang 29 points si Carmelo Anthony upang makahabol ang Knicks.

Ito na ang ika-apat na sunod na panalo ng Celtics sa nakalipas na isang linggo at nanatili sa 8^th spot ng eastern conference division sa kartadang 17 wins at 13 loss.

Lagpak naman sa 12 spot ng naturang dibisyon ang New York na mayroon pa lamang 14 na panalo at 17 talo.

By: Drew Nacino

Pasok na sa semi-finals ang Globalport Batang Pier matapos gibain ang Barangay Ginebra sa overtime game kagabi na ginanap sa Mall of Asia Arena.

Naging mahigpit ang labanan sa pagitan ng dalawang nabanggit na koponan kung saan nagtapos ang laro sa iskor na 84-83.

Pinangunahan ni Stanley Pringle ang panalo ng Global Port na nakapagtala ng 25 points habang nag-ambag naman si Terrence Romeo ng 23 puntos.

Samantala, inerereklamo naman ni Ginebra head coach Tim Cone ang ball hugging violation ni Pringle sa huling 7 segundo ng laro.

Anya, malinaw naman na may 5 secs. violation ang ginawa ni Pringle, ngunit hindi ito tinawagan ng referee dahilan para kapusin sa oras ang Gin Kings at maiuwi naman ng Batang Pier ang panalo.

Nagparinig ang Power Forward ng Cleveland Cavaliers na si Lebron James sa coach nila makaraang matalo ang koponan kontra Golden State Warriors noong nakaraang pasko.

Ayon kay James, ang paiba-ibang lineup ang nakaapekto sa performance nila sa court.

Dahil doon, aniya, tila wala silang koordinasyon dahil naisaalang-alang ang kanilang opensa.

Ito pa lang ang ikalawang beses na kumpleto silang 15 manlalaro dahil sa matagal na pagpapahinga nina Kyrie Irving at Iman Shumpert mula sa kanilang mga injury.

Kaya naman tila nag-eeksperimento pa ang Cavaliers Coach na si David Blatt sa pagbuo ng lineup.

By: Avee Devierte

Nanalo ang Washington Wizards laban sa Brooklyn Nets sa iskor na 111 – 96.

Pinangunahan ni Marcin Gortat itong 14 na panalo ng Wizards.

Nakakamada si Gortat ng 25 puntos na hindi inubrahan ng 19 na puntos ni Brook Lopez ng Nets.

Dahil dito tumaas pa sa 22 ang talo ng nets na may 8 lamang na panalo.

Samantala, panalo ri n ang Toronto Raptors (19-12) laban sa Milwaukee Bucks (12-19) sa score na 111-90.

Pinangunahan ni Demar Derozan ang raptors sa score na 22 points, habang may 20 points si Khris Middleton ng Bucks.

By: Avee Devierte