SPORTS

Naghahanda na si 8-Division World Champion Manny Pacquiao para sa kanyang ikatlong laban kay WBO Welterweight Champion Timothy Bradley, sa Abril 10.

Ayon kay Pacquiao, inaasahan na niyang mas magiging agresibo si Bradley kumpara sa kanilang nakaraang dalawang laban.

Gayunman, kampante si Pacman na kaya niyang sabayan ang anumang bagong fighting style ng American boxer sa tulong ng kanyang bagong trainer na si Teddy Atlas.

Kung mapapanatili anya ng tinaguriang “The Desert Storm” ang agresibong istilo ay asahan na ng mga boxing fan ang maatikabong bakbakan sa abril.

Samantala, tiniyak ng pambansang kamao na malakas pa siya at puspusan ding mag-eensayo upang maharap ang anumang pakakawalang suntok ng kalaban.

By  Drew Nacino 

Dinagdagan pa ng Los Angeles Clippers ang talo ng Philadelphia 76ers.

Sa kanilang ika-anim na straight win, nanguna si Andre Jordan sa 6 na players ng Clippers na nagtala ng double figures sa nasabing laro matapos gumawa ng 22 points at 13 rebounds.

Labin-limang (15) puntos at 14 assist naman ang kontribusyon ni Chris Paul bilang tulong kay Jordan para makuha ang ilan sa kanyang highlight reel dunks sa harap ng sellout crowd kontra sa kalaban.

Ang rookie na si Jalil Okafor ay gumawa ng 23 points off the bench para sa 76ers at 6 na 3 pointers naman ang kontribusyon ni Nick Stauskas.

By  Judith Larino  

Sisimulan na umano ng mga kinatawan ng mga boksingerong sina Kell Brook at Amir Khan ang pagpupulong ngayong buwan upang isa-pinal na ang kanilang laban sa June 4 sa Wembley Stadium sa London, England.

Una nang inanunsyo noong Disyembre ni Khan na “plan b” niya ang International Boxing Federation Welterweight champion na si brook sakali mang isnabin siya ni Manny Pacquiao sa retirement fight nito sa Abril.

Kamakailan lang ay inanunsyo ni Pacquiao na lalabanan nito si Timothy Bradley sa ikatlong pagkakataon.

By: Avee Devierte

Paghahandaan nang husto umano ng kampo ni World boxing Organization Welterweight Champion Timothy Bradley ang sagupaan nila ni Manny Pacquiao sa April 9.

Ayon sa bagong trainer ni Bradley na si Ted Atlas, magiging matinding hamon para sa kanila na talunin si Pacquiao.

Dagdg pa ni Atlas, kailangan na pag-igihan pa nila ang kanilang mga ensayo upang maging garantisadong handa sa ikatlong bakbakan nina Bradley at Pambansang Kamao.

Si Atlas ang trainer ni Bradley noong tinalo niya si Brandon Rios noong Nobyembre.

By: Avee Devierte

Kabisado na ni Manny Pacquiao ang istilo ni Timothy Bradley.

Binigyang diin ito ni Pacman matapos pormal na kumpirmahin ang pagsagupa kay Bradley sa kaniyang tinaguriang retirement fight sa darating na buwan ng Abril.

Sinabi ni Pacman na kailangan pa rin niya nang puspusang paghahanda at training para maging physically, mentally at spiritually ready para sa nasabing laban.

Posibleng sa susunod na buewan ay magsimula na ang training ni Pacman para sa nasabing laban kay Bradley.

By: Judith Larino

Binatikos ng isang boksingero at isang boxing trainer ang naka-kasang Pacquiao-Bradley fight sa Abril 9 na gaganapin sa MGM Grand sa Las Vegas, Nevada.

Halos magmura si WBA World Super Lightweight Champion Adrien Broner sa kanyang mensahe.

Iginiit ni Broner na niloko siya at pinasakay ni Top Rank CEO Bob Arum na posible raw siyang mapiling opponent ni People’s Champ Manny Pacquiao.

Bwelta naman ni Arum, hindi kikita sa pay-per-view kung si Broner ang pinili dahil hindi naman ito sikat.

Isa rin sa umalma sa Pacquiao-Bradley fight ang kilalang trainer na si Joel Diaz.

Naniniwala si Diaz na ayaw nang mapanood ng mga boxing fans ang trilogy fight sa pagitan nina Pacquiao at American boxer Timothy Bradley dahil wala naman aniyang “clamor” sa naturang laban.

Si Diaz ay dating trainer ni Bradley na pinalitan na ngayon ni Teddy Atlas.

By: Meann Tanbio