SPORTS

Sumabak na muli si San Miguel bigman June Mar Fajardo sa ensayo ng Gilas Pilipinas bilang paghahanda sa nalalapit na Olympic Qualifying Tournament na gaganapin sa bansa sa Hulyo.

Matapos ang dalawang linggo na panunuod lang sa sideline dahil sa natamong injury noong PBA finals, napansin ni Fajardo na mas mahirap na ang ginagawang ensayo ng Gilas ngayon kumpara sa mga mga nakaraan nilang ensayo.

Aminado si Fajardo na mahihirapan ang National team sa pagsagupa sa mga mas malalaki na katungali sa Olympic Qualifying Tournament katulad ng France, New Zealand, Canada, Senegal at Turkey.

Gayunpaman, sinabi nng tinaguriang ‘The Kraken’ na mas handa at maganda ang tinatakbo ng Gilas practice.

Samantala, kasali rin sa training ng pambansang koponan kagabi ang 2015 Finals MVP ng University Athletic Association of the Philippines (UAAP) na si Mac Belo at teammate na si Roger Pogoy.

By Mark Makalalad

Wagi ang Toronto Raptors kontra Cleveland Cavaliers sa iskor na 99-97.

Sa kanyang 43 puntos, pinangunahan ni Kyle Lowry ang raptors na nagtala ng ika-10 panalo sa home court ng koponan.

Nag-tie pa ang Raptors at Cavaliers sa 97, ngunit makaraang magmintis si Jr Smith ng Cavs, nakagawa ng pull-up jumper si Lowry na siyang ikinaabante ng raptors ng 2 puntos.

Dahil sa panalong ito ng raptors, 2-1 na ang standing sa pagitan ng Raptors at Cavaliers sa tunggalian sa Eastern Conference ng NBA.

By: Avee Devierte

Taos-pusong binati ni dating Fédération Internationale de Football Association (FIFA) President Sepp Blatter ang bagong presidente ng FIFA na si Gianni Infantino.

Sinabi ni Blatter na kumpiyansa siyang taglay ni Infantino ang lahat ng kakayanan para maipagpatuloy ang kanyang mga programang nasimulan para sa stability ng FIFA.

Si Infantino ay dating Swiss Football Administrator at Secretary General ng Union of European Football Associations noong 2009 bago maihalal na president sa botong 115.

By Katrina Valle

Photo Credit: Matthias Hangst/Getty Images

Tinapos na ng defending champion na San Miguel Beermen ang kanilang sunud-sunod na pagkatalo makaraang padapain ng koponan kagabi ang Global Port Batang Piers sa iskor na 120-109.

Inamin ni SMB Coach Leo Austria, na -pressured sila sa naturang laban lalo’t sila na lamang ang koponan na wala pang panalo.

Pinasalamatan naman ni Austria ang kanyang mga manlalaro sa pangunguna ng kanilang import na si Tyler Wilkerson at Marcio Lassiter na nagpaulan ng three points.

Nakakopo si Wilkerson ng 52 puntos habang sumikwat naman ng 21 puntos si Lassiter.

By Ralph Obina 

Photo Credit: PBA images

Excited na si rising Super Bantamweight Champion ‘Prince’ Albert Pagara sa laban nito kontra sa Nicaraguan boxer bukas na gaganapin sa Cebu City.

Nakatakdang idepensa ni Pagara ang kanyang WBO Intercontinental Super Bantamweight crown laban kay Yesner Talavera.

Ayon kay Pagara, matagal nilang pinaghandaan ang lahat ng puwedeng gawin sa ibabaw ng lona ng kalabang si Talavera.

Tiniyak ni Pagara na magiging agresibo ito sa laban at hindi padadaig sa kalabang Nicaraguan.

Samantala, magiging bahagi ng undercard sa laban ni Pagara ang kapwa mandirigmang Pinoy na si Mark Magnifico Magsayo.

By  Ralph Obina  

Muling sumungkit ng panalo ang defending NBA Champions Golden State Warriors sa 2015-2016 regular season.

Ito’y makaraang pataubin ng Warriors ang Miami Heat sa score na 118-112.

Nagpakawala ng 42 points si Stephen Curry upang iangat ang Golden State habang walang nagawa ang 32 points ni Dwayne Wade upang makahabol ang Heat sa kabila ng homecourt advantage.

Ito na ang ikatlong sunod na panalo ng Warriors sa loob lamang ng isang linggo habang nangunguna pa rin ang team sa Western Conference sa kartadang 51 wins at 5 loss.

By Drew Nacino

Pinataob ng Toronto Raptors ang Minnesota Timberwolves sa kanilang paghaharap kanina sa iskor na 114-105.

Nanguna sa panalo ng Raptors si Demar Derozan na nakapagtala ng 31 puntos kabilang ang ilang 3 point shots na naipasok nito sa huling dalawang minuto ng fourth quarter.

Sinegundahan naman ito ni Point Guard Kyle Lowry na nakapagbaon ng 21 puntos.

Sa panig naman ng Minnesota , 26 na puntos ang ginawa ng Toronto native na si Andrew Wiggins.

By Ralph Obina

Photo Credit: foxsports.com