Wagi ang Cleveland Cavaliers kontra Charlotte Hornets sa kanilang pagtutuos na nagtapos sa iskor na 114-103.
Pinangunahan nina dating MVP Lebron James at Kyrie Irving ang panalo ng Cavs.
Kapwa nakasikwat ng 23 puntos sina James at Irving dahilan upang mabaon sa kalamangan ng Cavs ang kalabang Hornets.
Dahil dito nakabangon at nakabawi muli ang Cavs mula sa mga nakalipas na pagkatalo.
By Ralph Obina
Photo Credit: cleveland.com
Hindi umubra ang depensa ng Talk And text Tropang Texters makaraang malusutan sila ng koponang Alaska Aces.
Ito’y nang talunin ng Aces ang Texters sa score na 108-100 sa pagpapatuloy ng PBA Commissioner’s Cup.
Nakapagbuslo ng 36 na puntos si Shane Edwards habang kumamada naman ito ng 20 rebounds.
Nag-ambag naman sa panalo ng Aces ang lahat ng mga manlalaro ng koponan tulad nila Vic Manuel at RJ Jazul na kapwa nakapagbuslo ng 13 puntos.
By Jaymark Dagala
Photo Credit: cnnph/ Sherwin Vardeleon
Hindi na makakapaglaro sa buong NBA season si Memphis Grizzlies center Marc Gasol.
Ito ay dahil sa sumalang sa operasyon nitong weekend si Gasol dahil sa injury nito sa kanang paa.
Ayon sa Grizzlies, kailangang ng sapat na panahon ni Gasol para makarekober mula sa kanyang operasyon.
Kumpiyansa naman ang koponan na makakapaglaro na sa susunod na season si Gasol at isa sa mga mangunguna para sa Grizzlies.
By Ralph Obina
Photo Credit: Layne Murdoch/NBAE/Getty Images
Tatangkain ng two-time champion na Ateneo Lady Eagles na masungkit ang kanilang ika-anim na panalo.
Ito’y sa kanilang paghaharap ng koponang UE Lady Warriors sa 78th season ng UAAP ngayong arwa na ito.
Inaasahan ng Lady Eagles na magiging paborable sa kanila ang resulta ng laban mamayang hapon bago ang kanilang pakikipagharap sa koponan ng De La Salle University.
Taong 2014 pa lamang nang maitala ng Lady Eagles ang kanilang sunud-sunod na pagkapanalo.
By Jaymark Dagala
Photo Credit: Miguel de Guzman
Umalagwa nang husto sina Stephen Curry at Klay Thompson upang pangunahan ang Golden State Warriors.
Sa pamamagitan ng 63 points ng pinagsanib na puntos nina Curry at Thompson, pinadapa ng Warriors ang kalabang Atlanta Hawks sa iskor na 102-92.
Hindi naman sumapat ang 23 puntos ni Al Horford para mai-angat ang Hawks.
By Ralph Obina
Credit: @warriors twitter account
Nanindigan si Top Rank CEO Bob Arum na tuloy ang laban ni 8-division world champion Manny Pacquiao sa Mayo 9.
Ito ay sa kabilang ng reklamo sa laban ni Pacquiao dahil sa magbibigay ito ng full media exposure habang kandidato sa pagka-senador.
Ayon kay Arum, imposibleng maipagpaliban pa ang napagkasunduang laban ni Pacquiao.
Hindi rin nababahala si Arum kahit pa nawala na si Pacquiao bilang endorser ng Nike.
Iginiit ni Arum na marami pa rin namang kumpanya ang nais na maging endorser si Pacquiao sa kabila ng mga kontrobersyang kinasangkutan nito.
By Ralph Obina
Hindi pa rin maka-usad ang Samahang Basketbol ng Pilipinas (SBP) sa kanilang paghahanda para sa nalalapit na Manila Leg ng Olympic Qualifying Tournament sa Hulyo.
Ito’y dahil sa nananatiling balakid ang kontrata ng Fil-Am player na si Jordan Clarkson sa Los Angeles Lakers ng NBA.
Ayon kay SBP Executive Dir. Sonny Barrios, kailangan nilang maghintay kung ano ang magiging pasya sa NBA franchise ni Clarkson.
Umaasa silang mabibigyang-linaw na ang usapin upang makukuha na Pilipinas ang serbisyo ni Clarkson.
By Jaymark Dagala
Naitala ng koponang Ginebra Gin Kings ang kanilang unang panalo sa pagpapatuloy ng PBA Commissioner’s Cup.
Ito’y makaraang mapataob ng Gin Kings ang Rain or Shine Elasto Painters sa iskor na 103-92.
Bumida ang Gin Kings import si Othyus Jeffers makaraang kumamada nito ng 38 puntos at 20 rebounds.
Sinegundahan naman ito nila Joe Devance at Japeth Aguilar dahilan para mahawakan ng Gin Kings ang kalamangan sa Painters mula unang quarter ng laban.
By Jaymark Dagala
Photo Credit: PBA Bureau
Nakatakda nang magretiro si dating World Boxing Champion Antonio Margarito sakaling matalo ito sa laban niya kay Jorge Paez Junior.
Gaganapin ang laban nina Margarito at Paez sa March 5 sa Mexico.
Huling lumaban ang 38 anyos na si Margarito noong 2011 kung saan natalo siya sa ika-10 round kay Miguel Cotto.
Hindi gaanong naging maganda ang boxing career ni Margarito dahil sa pagkakasangkot nito sa hand-wrap scandal noong 2009.
By: Avee Devierte
Lumarga na ang Mindanao leg ng Ronda Pilipinas 2016 sa Butuan City ngayong araw, Pebrero 20.
Mag aalas-9:00 kaninang umaga nang pakawalan ang race column na hudyat ng pagsisimula ng karera.
Sa kauna-unahang pagkakataon ay nakapagtala ng 170 riders ang Ronda na binubuo ng 3 participating categories: executive, women’s at youth categories.
Pinasinayaan ni Butuan City Mayor Jun Amante ang pagsisimula ng unang bahagi ng karera.
Nakatakdang gawin ang Visayas leg sa loob ng dalawang linggo ng Marso at sa unang linggo naman ng Abril gagawin ang Luzon Leg.
Tatagal ang Mindanao leg hanggang Pebrero 27 na tatakbo mula Butuan City hanggang Cagayan de Oro at Malaybalay, Bukidnon.
By Katrina Valle | Snow Badua