SPORTS

Nakakamada ng 22 puntos si Manu Ginobli sa unang laro nito matapos na sumailalim sa testicular surgery.

Dahil sa malaking tulong na ito ni Ginobli sa San Antonio Spurs, pinayuko ng koponan ang Sacramento Kings sa iskor na 104-94.

Kahit hindi nakapaglaro sina Lamarcus Aldridge, Tim Duncan, at Danny Green, nakagawa naman ng 25 puntos at 13 rebound si Kawhi Leonard na sapat na upang makamit ng Spurs ang ika-8 sunod na panalo nito.

Samantala, tila walang inindang sakit si ginobli mula sa katatapos na mesalang operasyon sa kanya dahil sa ipinakita niyang performance sa unang sabak niya makalipas ang 12 pagliban niya sa mga laro.

By: Avee Devierte

Kung gusto ni Manny Pacquiao na lumaban sa Rio Olympics, ayaw naman ni Floyd Mayweather Jr.

Ginawa ni Mayweather ang pahayag isang araw matapos sabihin ni pacquiao na nais niyang makapag-uwi ng ginto para sa bansa.

Ayon kay Mayweather, nagretiro na siya matapos makuha ang perpektong 49-9 boxing record nang matalo niya  sa pamamagitan ng lopsided decision si Andre Berto noong 2015.

Sinasabing kwalipikadong lumaban si Mayweather sa Rio Event dahil nakasungkit na ito ng Bronze Medal sa 1996 Atlanta Olympics.

By: Jelbert Perdez

Pumalya ang Detroit Pistons matapos itong pataubin ng San Antonio Spurs sa score na 97-81 sa kanilang laro sa National Basketball Association o NBA.

Nagpasabog si Kawhi Leonard ng 27 points habang nag-ambag si Lamarcus Aldridge ng 23 points at team-high 10 rebounds.

Kumamada naman ng 12 points at walong rebounds ang beteranong si Tim Duncan para sa San Antonio.

Ito na ang ika-anim na sunod na panalo ng Spurs at nananatili itong walang talo sa kanilang home court.

By Jelbert Perdez 

Photo Credit: Soobum Im-USA TODAY Sports

Sisikapin ng De La Salle University na mapanatili ang pangingibabaw nito sa UAAP Season 78 Football Tournament.

Sasagupa ang Green Archers sa Adamson University mamayang ala-1:00 ng hapon sa Moro Lorenzo Field.

Ang La Salle na naging runner-up sa nakaraang torneo ay nananatiling undefeated o walang talo taglay ang 13 points na dalawang points ang lamang sa University of Santo Tomas.

Pagkatapos ng laban ng Archers at Soaring Falcons ay maghaharap naman ang Far Eastern University (FEU) Tamaraws at University of the East (UE) mamayang alas-3:00 ng hapon.

By  Jelbert Perdez

Hataw ang tinaguriang rising star Kobe Paras sa ginawang 43 points para tulungan ang Middlebrooks Academy sa panibagong panalo sa PEC 6 Tournament sa Las Vegas.

Muling nagpamalas ng galing sa shooting si Paras na anak ni dating PBA player Benjie Paras.

Partikular na lumutang ang galing ni Paras sa jump shots, dunk at dribbling kontra Trinity International Schools.

Ang batang Paras ay nakatakdang maglaro sa UCLA Bruins matapos pumirma ng kontrata sa UN NCAA Basketball.

By  Judith Larino

Dedesisyunan na ng AIBA o International Boxing Association sa susunod na tatlong linggo kung papayagang makalahok sa Olympics ang mga professional boxers.

Ayon kay AIBA President Dr. Ching-Kuo Wu, ang makasaysayang pagbabago na ito sa Olympics ay isasalang nila sa isang extraordinary congress bago matapos ang buwan ng Mayo.

Kumbinsido si Wu na mas mabibigyang ningning ang sports na boxing sa Olympics kung papayagang makalahok ang mga professional boxers.

Matatandaang pawang mga amateurs lamang ang pinapayagang makilahok sa lahat ng sports sa Olympics.

By Len Aguirre