SPORTS

Inaasahanag makakapaglaro na muli para sa Miami Heat si Chris Bosh.

Ito ay matapos mapag-alamang wala namang itong blood clot o pamumuo ng dugo sa kanyang kanyang binti.

Ayon kay Bosh, nasa maayos na siyang kondisyon ngayon at maaari nang makabilik muli sa paglalaro.

Gayunman, hindi pa malinaw sa ngayon kung kailan babalik sa laro ng Heat si Bosh.

Matatandaang Pebrero 13 nang huling maglaro si Bosh.

Pero hindi nito natapos ang laro matapos siyang isugod sa ospital dahil sa iniinda nitong injury sa kanyang binti.

By  Ralph Obina 

Halos bugbugan na ang training ni Manny Pacquiao para sa laban kay Timothy Bradley, Jr.

Sa katunayan, walang sinasayang na panahon si Pacman na sumalang sa walong round ng sparring sessions kasama ang kanyang dalawang sparmates.

Inamin ng sparmates ni Pacman na hirap silang makasabay sa kakaiba anilang lakas at bilis ni Pacman.

By Judith Larino

Bigo ang Russian tennis star na si Maria Sharapova na makalaro pa sa Australian Open matapos itong bumagsak sa drug test.

Ayon sa 5- time grand slam champion, ito ay dahil sa substance na 10 taon na niyang iniinom.

Nag-positibo si Sharapova sa meldonium na ginagamit bilang gamot sa diabetes at para sa mga mababa ang magnesium na ipinagbawal na ng World Anti-Doping Agency nito lamang Enero 1.

Kuwento ni Sharapova, masyado siyang naging sakitin nitong mga nakaraang buwan at mayroon aniya siyang kakulangan sa magnesium at may family history din ng diabetes kayat gumagamit ito ng substance na meldonium.

Sinabi ni Sharapova na malaki ang kanyang pagkakamali at lubos ang kalungkutan nito na madismaya ang maraming umaasang fan.

Si Sharapova ay pinatawan ngayon ng provisional suspension matapos magpositibo sa drug test.

By Ralph Obina

Kaya nang makipagbakbakan ni Manny Pacquiao kay Timothy Bradley.

Tiniyak ito muli ni Buboy Fernandez, Assistant Trainer ni Pacman sa gitna na rin nang pag-aalala ng ilang supporter ni Pacquiao sa kondisyon ng balikat nito.

Sa pagpapatuloy ng training kahapon, ipinabatid ni Fernandez na sumalang si Pacman sa speed ball, skipping rope, punch mitt at foot work para mapabilis ang kanilang depensa at maging ang kanyang paa.

Sinabi ni Fernandez na nilagyan pa nila ng pabigat na bato na may timbang na walong kilo ang punching bag para hindi madala sa tuwing tatamaan ng mga suntok ni Pacman.

Tuluy-tuloy aniya ang massive training ng Pambansang Kamao hanggang bago ang kanilang sagupaan ni Bradley sa April 9.

By  Judith Larino  

Ginulat ng Los Angeles Lakers ang NBA fans nang talunin nito ang defended champion na Golden State Warriors sa iskor na 112-95.

Nanguna sa tagumpay ng Lakers ang Filipino American na si Jordan Clarkson na nakasikwat ng 25 puntos.

Ayon kay Lakers Superstar Kobe Bryant, ang panalong ito ay bahagi aniya ng maturity ng kanilang team at pagtitiwala nang husto sa kanilang depensa.

Samantala, kinapos naman ng husto si reigning MVP Stephen Curry na nakapagtala lamang ng 18 puntos.

Ito na ang ika-anim na talo sa NBA season ng Warriors.

Sa pagtatapos ng laro, nagyakapan naman sina Bryant at Curry para sa isang kapanapanabik na laban.

By Ralph Obina      

Photo Credit:  (AP Photo/Kelvin Kuo)

Hindi pinaporma ng Blackwater Elite ang Global Port Batang Pier sa kanilang bakbakan kagabi sa PBA Commissioner’s Cup.

Pinangunahan ni Mike Cortez ang panalo ng Elite matapos gumawa ng 22 points na dahilan din ng kartadang 3-3 ng grupo.

Tiwala naman si Coach LEO isaac na tuluy-tuloy ang magandang laro ng koponan sa mga susunod nitong laban.

Sa panig naman ng Batang Pier, gumawa ng 26 points si Calvin Warner at 17 points naman si Terrence Romeo.

By Judith Larino 

Photo Credit:  Tristan Tamayo/INQUIRER.net