SPORTS

Abanse na sa ika-apat na round ng Indian Wells tennis tournament si Spanish tennis star player Rafael Nadal .

Ito ay matapos matakasan ni Nadal ang wild tie-breaker sa laban nila ng kapwa Spanish tennis player na si Fernando Verdasco .

Tinalo ni Nadal si Verdasco sa iskor na 6-0, 7-6.

Dalawamput pitong minuto lamang kinailangan ni Nadal para selyuhan ang unang set.

Ayon kay Nadal, masaya siya sa kinalabasan ng naturang laban lalo pa’t diretso niyang nasungkit ang dalawang set di gaya sa mga nauna nitong laban na kinailangan pa niyang sumabak sa third game.

By Ralph Obina

Photo Credit: Julian Finney

Maghaharap sa unang pagkakataon ang San Miguel Beermen at Alaska Aces sa Oppo PBA Commissioners Cup matapos ang Philippine Cup Finals noong nakalipas na season.

Alas-7:00 mamayang gabi inaasahan ang sagupaan ng dalawang koponan o pagkatapos ng bakbakan ng Mahindra Enforcer at Rain or Shine Elasto Painters

Magugunitang noong nakalipas na seson ay pinayuko ng Beermen ang Aces matapos magtala ng 0-3 deficit ang San Miguel Beermen sa pamamagitan ng panalo sa apat na sunud-sunod na laro.

Sa ngayon ay nangunguna ang Aces sa record nitong 4-1 habang ikatlo ang Beermen sa 3-2 standing.

By Judith Larino

Apat na ball clubs pa ang interesadong pumasok sa PBA o Philippine Basketball Association.

Ipinabatid ito ni PBA Chairman Robert Non bilang pagtanggi sa aniya’y walang basehang report na maituturing na underperforming organization na ang PBA.

Ipinagmalaki ni Non ang nalampasang target revenue sa first conference bagamat nabitin ang opening ng liga dahil sa bagyo.

Kabilang sa tinutukoy ni Non na interesadong maging bahagi ng PBA ang Lamoiyan Group at Racal Motors.

By Judith Larino  

Sinuspinde ng Meralco Bolts ng isang laro si Gary David dahil sa isyu ng ‘insubordination’ kasunod ng pagkatalo ng team sa NLEX Road Warriors noong Biyernes.

Sa opisyal na website ng koponan na One Meralco Sports, nakasaad na inutusan ni Coach Norman Black si David na maglaro sa huling apat na minuto ng laro ngunit sinuway ito ni David.

Makaraan ang imbestigasyon, napag-alaman na wala namang iniindang injury ang tinaguriang ‘El Granada’ ng PBA dahilan para patawan ito ng ‘insubordination’ o paglabag ng Meralco management.

Ayon sa pamunuan ng Meralco, hindi katanggap-tanggap ang ipinamalas na ugali ni David at nilabag nito ang kontrata nya sa PBA na nagsasabing ang isang manlalaro ay obligadong maglaro sa lahat ng PBA games sa lahat ng oras.

Dahil sa suspension, hindi makakalaro si David sa laban ng Meralco kontra sa Blackwater sa Biyernes.

By  Mark Makalalad 

Photo Credit: Tristan Tamayo/INQUIRER.net 

Nasungkit ng Barangay Ginebra Kings ang ika-apat na panalo nang patumbahin ang Blackwater Elite sa iskor na 89-79 sa 2016 PBA Commissioner’s Cup na ginanap sa PhilSports Arena.

Ang walong sunod-sunod na puntos sa huling bahagi ng 4th quarter ang naging susi sa panalo ng Kings na nakabalik sa winning track matapos matalo sa Alaska.

Kumamada si L.A. Tenorio ng 20 points, 8 assists para pangunahan ang Gin Kings.

Dahil sa panalo, umangat na sa ika-apat na puwesto ang Ginebra na may kartadang 4 na panalo at 3 talo.

By Judith Larino 

Photo Credit: PBA Images

Sasailalim sa puspusang training sa Wild Card Gym si Manny Pacquiao.

Ilang araw ito matapos dumating ni Pacman sa Los Angeles, California kasama sina Coach Freddie Roach, Assistant Coach Buboy Fernandez at sparring mates na sina Ghislain Maduma at Lyndell Rhodes

Nabatid na umabot sa 60 rounds ang sparring session ni Pacman sa kanilang training camp sa general santos city bago tumulak pa Amerika kagabi

Sa ikalawang leg ng training, 2 pang bagong sparring partners ang makakasagupa ng Pambansang Kamao

By: Judith Larino

Nasa unang pwesto pa rin si Manny Pacquiao sa lahat ng mga boksingerong lumalaban sa welterweight division.

Ito ay sa kabila ng 3 talo ni 8-Division World Champion sa huling 6 na laban nito

Split decision loss kay Timothy Bradley noong 2012, knock out kay Juan Manuel Marquez noong 2014, at upset kay Floyd Mayweather Junior noong nakarang taon.

Gayunpaman, nakuha muli ni Pacquiao ang unang pwesto matapos magretiro na ang dating Welterweight at Undefeated Pound-for-Pound King na si Mayweather.

Kagabi ay lumipad na si Pacquiao patungong Estados Unidos para sa paghahanda nito sa laban kay Timothy Bradley na nakatakda sa April 9.

By: Avee Devierte