Nakatakdang sumabak sa MMA o MIXED Martial Arts si 2 time Olympic Judo Gold Medallist Kayla Harrison.
Sinabi ni Harrison na sabik na siyang sumabak sa MMA tulad ng dating sparring partner na si Ronda Rousey.
Si Harrison ay naging kauna unahang US woman na nanalo ng Olympic judo gold nuong 2012 london Olympics at nakakuha ng gold medal sa Rio Olympics ngayong taon.
By: Judith Larino
Kumamada si Dwyane Wade ng 22 points sa kanyang pagbabalik sa Chicago laban sa Boston Celtics sa score na 105-99.
Matatandaang itinapon ng Bulls sa New York Knicks si point guard Derrick Rose pero nakuha naman nito sina Wade at Rajon Rondo.
Bumilib naman si Chicago Coach Fred Hoiberg kay Wade dahil nakabuslo pa ito ng tres may 26 seconds ang nalabi sa laro dahil hindi naman ito kilalang 3-point shooter.
Nagdagdag naman si Jimmy Butler ng 24 points para sa bulls habang nag-ambag din si Rondo ng 4 points at 9 assists.
By: Jelbert Perdez
Pinadapa ng UAE All-Stars ang Team Philippines sa score na 20-12 sa sinabakan nitong exhibition game sa FIBA 3X3 World Tour sa Abu Dhabi.
Ang mga kinatawan ng Pilipinas ay sina Kiefer Ravena, Karl Dehesa at Paolo Hubalde habang hindi naman nakalaro ang bagong miyembro ng koponan na si Jayson Castro.
Sa unang bahagi ng laro ay nakipagsabayan ang team Philippines sa mga matatangkad na kalaban pero kinapos sila sa bandang huli.
By Jelbert Perdez
Nais ni Top Rank big boss Bob Arum na si unified WBA (Super), WBC, IBF, at IBO Middleweight title holder Gennady Golovkin ang susunod na makalaban ni eight-division world champion Senator Manny Pacquiao.
Ito ay kung mananalo si Pacman laban kay WBO welterweight title holder Jessie Vargas sa Nobyembre 5.
Umaasa si Arum na mananalo si Pacquiao dahil na rin umano sa mga hindi matatawarang tagumpay na pinatunayan nito sa kanyang boxing career.
Buo pa rin ang pag-asa ni Arum na tutugunan ni Pacquiao ang kanyang suhestyon bagama’t nagsabi na ang senador na wala pa siyang konkretong plano para sa susunod na laban.
By Mariboy Ysibido
Halos wala nang pahinga mula sa kanilang training si Senador Manny Pacquiao para sa laban nito kay WBO welterweight champion Jessie Vargas.
Si Pacman ay nasa halos dalawang linggo na lamang ng kanyang pagsasanay para sa naturang laban sa November 5 sa Thomas and Mack Center sa Amerika.
Tiniyak ni Pacman na nasa kondisyon na siya lalo na’t maganda ang kaniyang pakiramdam sa pakikipagsagupa kay Vargas.
Ayon pa kay Pacman, hindi lumaylay ang kanyang training dahil kahit sa senado ay nakakatakbo siya sa umaga at tuloy ang training sa gym na malapit lamang sa Senado.
Binigyang diin pa ni Pacman na mahalagang maipanalo niya ang naturang laban para patunayang naririto pa siya at nananatiling kampeon sa boksing.
By Judith Larino
Tinanggal sa listahan ng tatakbong pagka-pangulo ng Philippine Olympic Committee (POC) ang presidente ng Association of Boxing Alliances of the Philippines na si Ricky Vargas.
Ayon kay POC Election Committee Chair Frank Elizarde, minsan lamang dumalo si Vargas sa general assembly meeting ng grupo sa loob ng dalawang taon.
Nakasaad sa election requirement article 7 section 11 ng POC Constitution na ang mga nais na tumakbong pangulo ay dapat maging aktibo sa POC general assembly sa loob ng dalawang taon.
Kasamang na-disqualified si Philcycling President Abraham Tolentino na ka-ticket ni Vargas.
Ipinaubaya naman na ni Vargas ang nasabing disqualification sa kaniyang abogado.
By Mariboy Ysibido
Nagpakitang-gilas si Lebron James sa paglulunsad ng Cleveland Cavaliers ng depensa nito sa kanilang NBA crown matapos pabagsakin ang New York Knicks sa final score na 117-88.
Bagamat si Kyrie Irving ang gumawa ng pinakamataas na 29 points, ang NBA finals MVP na si James ang nagpanalo sa Knicks sa pamamagitan ng 19 points, 11 rebounds at 14 assists.
Kasunod ito nang pagbibigay sa Cavs ng 2015-2016 championship rings.
Si James ang nagsilbing de facto master of ceremonies bago ang tip off habang itinataas ng Cavs ang championship banner mula sa nakalipas na season.
Naging maingay ang paligid sa dinagsang Quicken Loans Arena sa gabi kung kailan naging sentro ng US sporting universe ang Cleveland.
By Judith Larino
Photo Credit: Getty Images
Nag-jogging lamang muna si Senator Manny Pacquiao sa unang araw ng kanyang training sa Los Angeles, California.
Muling tinakbo ni Pacman ang kanyang paboritong lugar at bundok na Griffith Park sa bahagi ng Hollywood.
Kinumpirma naman ng Canadian adviser na si Michael Koncz na kinansela ni Coach Freddie Roach ang training session ng mambabatas sa Wild Card gym.
Nais ni Roach na magpahinga muna ng husto ang Pinoy ring icon dahil sa jet.
Halos 2 linggo na lamang ang inaantay ni Pacman bago harapin ang WBO welterweight champion na si Jessie Vargas sa Las Vegas.
By Mariboy Ysibido
Tiwala pa rin si NLEX Road Warriors Coach Yeng Guiao sa performance ni Asi Taulava para sa NLEX Road Warriors.
Sa gitna ito nang pananaw ng ilan na hindi na kayang makipagsabayan ni Taulava sa mga batang players.
Sinabi ni Guiao na kayang-kaya pang mahilot si Taulava dahil babaguhin aniya niya ang nakasanayang pamamaraan ng team.
Naiintindihan naman ni Guiao na hindi makukuha sa magdamag para makapag-adjust ang buong koponan sa nais niyang disiplina.
By Judith Larino
Masayang ibinalita ni Coach Freddie Roach na 90 percent nang ready si Senator Manny Pacquiao para sa kanyang pakikipagtuos kay WBO Champion Jessie Vargas, dalawang linggo mula ngayon.
Ayon kay Roach tamang-tamang lamang ang pag-peak ng kondisyon ni Pacman na nalalapit na sa 100 percent.
Aniya, bumabalik umano ang pagiging eksplosibo ng Pinoy ring icon.
Dahil dito, kakaibang Manny Pacquiao raw ang makikita ng mga fans sa November 6.
Sa prediksiyon ng hall of famer Coach, patutulugin ni Pacman ang mas batang si Vargas.
By Mariboy Ysibido