SPORTS

Opening ng 2016-2017 NBA season inaabangan na

Nakatakdang magbukas ang 2016-2017 NBA season sa Miyerkules.

Dahil dyan, pinakaaabang-abangan na ang mga koponang maghaharap-harap.

Magtutuos ang Cleveland Cavaliers at New York Knicks sa unang laro.

Kabilang sina Derrick Rose, Joakim Noah, Courtney Lee, at Brandon Jennings sa bagong line up ng Knicks.

Samantala, inaasahang babalik na ang star player ng CAVS na si Lebron James makaraang hindi muna sumali sa mga preseason game.

Sa kabilang dako, magtutuos ang Utah Jazz at Portland Trailblazers sa ikalawang set.

Sa ikatlong game naman, haharapin ng Golden State Warriors ang San Antonio Spurs.

By: Avee Devierte

October 24, 2016 0 comment

SPORTS

US training ni Pacman hinigpitan sa mga fans

written by DWIZ 882

Hinigpitan pa ng kampo ni Senador Manny Pacquiao sa mga manunuod ang training nito sa Los Angeles.

Ayon kay Coach Freddie Roach, kritikal ang huling linggo ng training ni Pacman para sa laban kay Jessie Vargas kayat kailangan ang full concentration dito.

Sinabi ni Roach na tila nadala na sila noong nakalipas na training ni Pacman matapos may mag-upload sa internet ng sensitibong sparring session na ginagawa ng Pambansang Kamao.

Bukod dito, inihayag ni Roach na nag-iingat din silang posibleng mahawahan ng sakit mula sa fans si Pacquiao tulad din nang naranasan nitong pagkakaroon ng trangkaso habang nagsasanay.

By Judith Larino

October 24, 2016 0 comment

SPORTS

Gin Kings nagdiwang kasama ang libu-libong fans

written by DWIZ 882

Ipinagdiwang ng Barangay Ginebra Gin Kings ang kanilang makasaysayang kampeonato sa 2016 PBA Governors’ Cup.

Walong taong naging mailap sa Gin Kings ang championship kaya’t pinarangalan ng team ang kanilang fans na walang sawang sumusuporta sa kabila ng pagka-uhaw sa kampeonato.

Tinatayang 3,000 Ginebra fans ang dumagsa sa San Juan Arena upang masaksihan ang selebrasyon, kahapon.

Nakipag-toast naman ang Gin Kings sa fans kung saan ang ilan ay Sabado ng gabi pa pumila para lamang makapagpareserba ng upuan.

Nagpanalo sa Ginebra ang buzzer-beater 3 point shot ni Justin Brownlee para masilat ang 91-88 win sa game 6 kontra Meralco Bolts at ipako sa 4-2 ang kartada sa best of seven series ng finals noong Miyerkules.

By Drew Nacino

Photo Credit: PBA Images

October 24, 2016 0 comment

SPORTS

Pacquiao bumiyahe na pa tungong US para sa training

written by DWIZ 882

Bumiyahe na patungong Los Angeles sa Amerika si 8-division world champion at Senador Manny Pacquiao bilang bahagi ng kanyang training para sa laban kay Jessie Vargas.

Dakong alas-9:00 kagabi nang sumakay ang si Pacquiao kasama ang kanyang asawang si Jinkee at ang Team Pacquiao sa pangunguna ni Coach Freddie roach ng Philippine Airlines flight.

Sa huling bahagi ng ensayo sa Pilipinas, ipinasara ni Roach ang mga pinto ng Elorde Gym malapit sa Mall of Asia, Pasay City.

Ito’y upang matiyak na masusulit ni Pacman ang huling workout niya sa Pilipinas kabilang ang 10 round ng sparring bago tumulak ng Estados Unidos.

Nais din masiguro ni Coach Freddie na hindi na tatamaan ng anumang sakit ang pambansang kamao na kamakailan ay natrangkaso.

Lalarga ang bakbakang Pacquiao-Vargas para sa WBO welterweight title sa Thomas and Mack Center, sa Nevada, sa Nobyembre 6, 2016.

By Drew Nacino

October 23, 2016 0 comment

SPORTS

Jayjay Helterbrand ng Ginebra ipinagpaliban muna ang pagreretiro

written by DWIZ 882

Ipinagpaliban muna ni Barangay Ginebra Star JayJay Helterbrand ang kaniyang pagreretiro.

Sinabi ni Gin Kings Head Coach Tim Cone, maglalaro pa ng isang taon si Helterbrand sa koponan.

Hinikayat rin kasi ito ng kaniyang kasamahan na si Mark Caguioa na huwag munang magretiro matapos ang pagkakakuha nila ng kampeonato kontra sa Meralco Bolts.

Nauna rito sinabi ni Helterbrand na magreretiro na ito pagkatapos ng season na ito.

By Mariboy Ysibido

October 22, 2016 0 comment

SPORTS

Miguel Cotto umaasang matutuloy ang laban kontra Timothy Bradley

written by DWIZ 882

Umaasa ang kampo ni Miguel Cotto na makaharap ang dating 2-division world champion na si Timothy Bradley.

Nobyembre noong nakarang taon ang huling laban ni Cotto matapos talunin ni Canelo Alvarez.

Nakatikim naman ng pagkatalo si Bradley kay Manny Pacquiao sa trilogy fight.

Para kay Bryan Perez, ang head ng Miguel Cotto Promotions, mas malaking laban kung itatapat si Bradley.

Maganda raw ito sa mga fans kung matutuloy dahil sa istilo ng dalawa.

Sinasabi na sa unang bahagi ng taong 2017 muling magbabalik sa ring ang Puerto Rican star.

By Mariboy Ysibido

Photo Credit: Top Rank

October 21, 2016 0 comment

SPORTS

Marvin Williams out muna sa NBA dahil sa injury

written by DWIZ 882

Hindi muna makapaglalaro ang power forward ng Charlotte Hornets na si Marvin Williams na nagpapatuloy na preseason game ng NBA.

Ito ay matapos ma-injured ang kanang daliri ni williams.

Dahil dito, sasailalim muna si Williams sa reevaluation bago tuluyang makabalik sa paglalaro.

Umaasa naman ang coach ng koponan na si Steve Clifford na agad na makakarekober si Williams para sa regular na season ng NBA sa Oktubre 25.

By Ralph Obina

October 20, 2016 0 comment

SPORTS

Ginebra nasungkit ang kampeonato sa PBA Governors’ Cup

written by DWIZ 882

Nasungkit ng Barangay Ginebra San Miguel ang kampeonato sa PBA Governors’ Cup matapos talunin ang Meralco Bolts sa score na 91-88.

Naging susi sa panalo ng Ginebra ang ginawang buzzer beater shot ni Justin Brownlee.

Mula sa first half ay hawak ng Bolts ang kalamangan kung saan umabot pa ito ng hanggang 15 points.

Tinanghal naman bilang finals most valuable player si LA Tenorio.

Ito ang muling pagkakakuha ng Gins ng kampeonato matapos ang walong taon.

By Mariboy Ysibido

Photo Credit: PBA Images

October 20, 2016 0 comment

SPORTS

Team Pacquiao nakatakda nang tumulak patungong LA

written by DWIZ 882

Tutulak na patungong Los Angeles ang team Pacquiao.

Ito’y upang sumalang si Senator Manny Pacquiao sa huling linggo ng kanyang training bago ang laban kay Jessie Vargas sa Nobyembre 5.

Ayon kay strength and conditioning coach Justine Fortune, malapit nang sumapit ang Pambansang Kamao sa kanyang ‘peak form’.

Tiniyak naman ni Trainer Freddie Roach na sa halip na 12 rounds ay gagawin na lamang walo hanggang sampung rounds ang sparring ni Pacquiao.

Matatandaang hindi nakapagsanay ng ilang araw ang Pinoy boxing icon matapos magkaroon ng sipon pero kuntento pa rin umano si Fortune sa ipinakita niya sa training camp.

By Jelbert Perdez

October 19, 2016 0 comment

SPORTS

James Yap nagsimula nang mag-ensayo sa koponan ng Rain or Shine

written by DWIZ 882

Nagsimula na ngang mag-practice sa ilalim ng bago niyang bakuran si two time MVP James Yap.

Sa kanyang Instagram account, nag-post si James ng mga larawan kasama ang mga manlalaro ng bago niyang koponan na Rain or Shine Elasto Painters.

Ayon kay James, excited na siya para sa susunod na conference.

Ito ang unang pagkakataon na makakapaglaro sa bagong team si James matapos ang 13 taong paglalaro sa ilalim ng Star Hot Shots.

Kapalit ni James sa Hot Shots ang dating Painters na si Paul Lee.

By Ralph Obina

Photo Credit: James Yap /Instagram

October 18, 2016 0 comment

Newer Posts

Older Posts