Tinalo ng Rain or Shine ang koponan ng kanilang dating coach na si Yeng Guiao na NLEX.
Bagamat mataas ang pressure sa bawat koponan nanaig pa rin ang Raine or Shine sa iskor na 107-97.
Nanguna sa panalo ng Elasto Painters si Jewel Ponferada nakumana ng 22 puntos at 9 na rebounds.
Ito na ang ika 4 na panalo ng Rain or Shine sa 6 na laro kung saan ay tabla na sila ng panalo ng Blackwater at Talk n Text sa team standings.
By: Ralph Obina
Nagkakaubusan na ng tickets para sa Christmas games sa pagitan ng defending champion na Cleveland Cavaliers at Golden State Warriors.
Kabilang sa mga inaabangan ng mga fan ay ang paglalaro ni NBA star Kevin Durant na lumipat na sa koponan ng Warriors.
Malaking hamon din sa Warriors ang home court advantage ng Cavs.
Matatandaang noong Game 7 pa ng NBA Finals nang huling magharap ang dalawang koponan.
By Ralph Obina
Nakatakdang ilunsad ng National Basketball Association o NBA ang isang elite training center sa Africa sa susunod na taon.
Inanunsyo ito ng NBA katuwang ang Sports for Education and Economic Development Project Coordination na sisimulan sa Senegal.
Ito na ang magiging ika-anim na elite training center sa buong mundo pero ito ang una sa Africa.
Sa naturang programa, hahanap ang NBA ng 12 elite players na tatanggap ng scholarship na kanilang sasanayin sa academy.
By Ralph Obina
Hindi pa rin mapigilan ang pamamayagpag ng record sa NBA ng reigning MVP na si Lebron James.
Pinakahuli ay ang pag-akyat pa ni James sa ika-walong puwesto sa NBA career scoring list.
Dahil dito, nalampasan ni Lebron ang NBA legend na si Moses Malone (27,409).
Naitala ni James ang panibaong record sa una niyang puntos sa laro kahapon kontra sa Milwaukee Bucks kung saan tinalo nila sa overtime game sa score na 114-108.
Nagtala si James ng 34 points para umakyat ang kanyang career total points sa 27,442.
By Mariboy Ysibido
Tatangkain ng Phoenix Petroleum Fuel Masters na makabawi mula sa kanilang dalawang sunod na pagkatalo sa 2016-2017 PBA All Filipino Cup.
Makakaharap ng Fuel Masters ang Meralco Bolts sa unang game sa Filoil Flying V Arena sa San juan, mamayang alas-4:00 ng hapon.
Hinamon pa ni Phoenix Coach Ariel Vanguardia ang kanyang team na ipakita na nila ang kanilang husay at “tigas.”
Ayon kay Vanguardia, matapos nilang talunin ang defending champion San Miguel Beermen at Mahindra Enforcers ay inakala ng lahat na umaangat na ang Fuel Masters.
Sa ngayon ay hawak na ng Phoenix ang 2 wins at 3 losses habang mayroong tig-dalawang panalo at talo ang Bolts.
Samantala, para sa second game ay magsasagupaan ang Black Water Elite at Global Port Batang Pier, mamayang alas-7:00 ng gabi.
By Drew Nacino
Balik sa kanilang kamalasan ang Miami Heat makaraang hindi umubra sa Boston Celtics, 95-105.
First half pa lamang ay umabot sa 22 ang kalamangan ng Boston, para itala ang kanilang pan-limang beses na talunin ang Miami.
Lalo namang napahiya ang Miami sa harap ng kanilang fans dahil sa umabot sa 23 ang kanilang turn over na nagawang ma-convert pa ng Boston sa 24 points.
Samantala, wagi ang Philadelphia Sixers laban sa Brooklyn Nets, 108-107 sa banggaan ng binansagang worst teams ngayon sa NBA.
Namayani ang Sixers sa pangunguna ni Joel Embiid na may career high na 33 points, kung saan 17 rito ay nagawa nya sa third quarter.
Ito na ang ika-pitong panalo pa lamang ng Philadelphia tulad din naman ng record ng Brooklyn.
By Mariboy Ysibido
Durog ang Orlando Magic sa kamay ng Toronto Raptors.
Ito ay makaraang ilampaso ng Raptors ang Magic sa iskor na 109-79.
Nanguna sa panalo ng Raptors si Demar Derozan na kumana ng 31 puntos.
Ang naturang panalo ng Raptors ay pambawi sa nalasap nilang pagkatalo sa Atlanta Hawks.
By Ralph Obina
Photo Credit: nba.com
Tabla na sa 3rd spot ng 2016-2017 PBA All Filipino Cup ang Star Hotshots at Rain or Shine Elasto Painters.
Tinalo ng Hotshots ang Rain or Shine sa score na 99-91 sa kanilang paghaharap para sa 3rd place sa Araneta Coliseum, kagabi.
Pinangunahan ni Paul Lee ang panalo ng Star laban sa dating team makaraang mag-ambag ng 14 points, 4 assists at 3 rebounds sa tulong ni Aldrech Ramos.
Kumamada naman ng 9 points, 5 rebounds at 1 steal si James Yap para sa Elasto Painters.
Dinominahan naman ng Alaska Aces sa pamamagitan ng matinding depensa ang Barangay Ginebra Gin Kings upang masungkit ang ikatlo rin nilang panalo sa score na 101-86.
Pawang nasa 3rd spot ang Alaska, Rain or Shine at Elasto na may tig-tatlong panalo at dalawang talo sa Philippine Cup standing habang nasa bottom 4 ang Gin Kings sa kartadang 2-3.
By Drew Nacino
Tagumpay na nadepensahan ng Thailand ang kanilang kampyonato sa 2016 ASEAN Football Federation o AFF Suzuki Cup.
Sinagupa ng Thai National Team ang Indonesia sa 2nd leg ng finals upang masungkit ang ika-limang championship sa kanilang homecourt sa Bangkok, kagabi.
Pinataob ng War Elephants ang Indonesian Garudas sa score na 2-0 sa pangunguna ng Thai forward na si Siroch Chatthong.
Ang AFF Suzuki Cup ang unang international tournament na sinalihan ng Indonesia simula nang tanggalin ang one-year ban na ipinataw ng FIFA.
Ito rin ang ika limang beses nabigo ang Indonesia na masungkit ang titulo.
By: Drew Nacino
Out muna sa laro ng New York Knicks sina Carmelo Anthony at Derrick Rose.
Ayon sa Knicks, ito ay dahil sa iniindang injury ng dalawang manlalaro.
Lumalabas na namamaga ang kanang balikat ni Anthony habang nakakaranas naman ng back spasms si Rose.
Tatlo na sa limang laro ng Knicks ang hindi na napaglalaruan ni Rose.
Matatandaang kapwa malaki ang ambag nina Anthony at Rose sa koponan sa pagsisimula pa lamang ng NBA season kung saan si Anthony ay may average scoring na 22 points habang 16.4 points naman si Rose.
By Ralph Obina