Wagi ang defending champion Cleveland Cavaliers laban sa Boston Celtics.
Sa score na 124-118, naging mainit na bakbakan ng dalawang koponan.
Sa first, second at third quarters, hindi pinaporma ng Cavs ang Celtics.
Nagbigay ng 32 puntos at 12 assist para sa Cavs si Kyrie Irving samantalang 15 rebound naman kay Kevin Love.
By: Avee Devierte
May tatlong taon pa si 4-time grand slam title Champion Rafael Nadal bago tuluyang magretiro.
Ito ay kahit ngayong taon ay hindi nakapaglaro si Nadal dahil sa natamo nitong injury.
Tiniyak naman ni Nadal na ngayong 2017 ay muli na itong sasabak sa tennis court at hindi magiging hadlang ang kanyang matagal nang problema sa tuhod.
Kasalukuyang pang siyam si Nadal sa world ranking.
By Ralph Obina
Posibleng kaharapin ni dating World Champion Nonito Donaire Jr. sa susunod na taon isa pang world featherweight champion sa katauhan ni Oscar Valdez.
Ito ang inihayag ng promoter ni Donaire na si Top Rank CEO Bob Arum sa gitna ng pagnanais ng “The Filipino Flash” ng rematch kay Jessie Magdaleno.
Ayon kay Arum, kailangan munang sagupain ni Donaire si Valdez ng Mexico na isa rin sa mga upcoming star ng Top Rank.
Magka-singlaki lamang anya si Donaire at Valdez, malakas sumuntok, may agresibong istilo at matinding kombinasyon kaya’t magiging kapanapanabik ang bakbakan ng dalawa.
Kailangan lamang bumaba ng 126-pound si Donaire upang mailarga ang laban.
By Drew Nacino
Inanunsyo na ni dating French Open Champion Ana Ivanovic ang kanyang pagreretiro.
Ayon sa 29-anyos na Serbian player, nararamdaman na niyang hindi na siya fit para lumaban sa pinakamataas na antas ng tennis.
Isa aniya ito sa mga pinakamahirap na desisyon ngunit sa kabila nito ay ang pagdiriwang na naabot niya ang pangarap niya noong bata na maging professional tennis player.
Si Ivanovic ang kauna-unahang babaeng Serbian na nanalo sa grand slam tournament nang talunin nito si Dinara Safina ng Russia noong 2008 sa French Open Finals.
By Ralph Obina
Hindi natinag sa number 1 spot ng 2016-2017 PBA All Filipino Cup ang defending champion San Miguel Beermen.
Tagumpay ang Beermen na madepensahan ang kanilang pamamayagpag matapos pataubin ang Meralco Bolts sa score na 101-86, sa Cuneta Astrodome, sa Pasay City, kagabi.
Hawak na ng SMB ang kartadang 5-1 habang nananatili sa bottom 4 ang Meralco sa standing na 2 wins at 4 losses.
Sa ibang game, nakabangon ang Phoenix Petroleum Fuel Masters mula 26-point deficit sa simula ng fourth quarter upang malusutan sa score na 101-99 ang Globalport Batang Pier.
Ginulantang ng Phoenix ang Batang Pier dahilan upang umangat ang Fuel Masters sa top five ng All Filipino Cup sa kartadang 4-3 habang nanganganib sa 8th spot ang Global Port.
Umarangkada si Mark Borboran matapos magpakawala ng career-high 23 points kung saan inihabol nito ang winning basket sa nalalabing 2.4 seconds ng crucial game.
By Drew Nacino
Tatangkaing selyuhan ng PBA All Filipino Cup Defending Champion San Miguel Beermen ang kanilang pagiging number 1 sa torneyo, mamayang gabi.
Haharapin ng San Miguel ang Meralco Bolts mamayang alas-7:00 habang sa unang game ay magsasagupaan ang Global Port Batang Pier at Phoenix Petroleum Fuel Masters alas-4:00 hapon, sa Cuneta Astrodome, Pasay.
Susubukan ng Meralco na maka-abante mula sa bottom four at basagin ang pamamayagpag ng SMB habang kapwa pursigido rin ang Global Port at Phoenix na umangat mula top 8.
Aminado naman si San Miguel Coach Leo Austria na hindi sila nagpapaka-kampante lalo’t uhaw sa tagumpay ang Bolts na inaasahan din nilang reresbak mula sa mga pagkatalo.
Hawak ng Beermen ang kartadang 4-1 sa top spot habang nasa rank 10 ang Meralco na kakailanganin ng dalawa hanggang tatlong panalo upang makapasok sa top 8.
By Drew Nacino
Photo: PBA Images
Nanawagan ng dasal si dating Ateneo Blue Eagles star Alyssa Valdez para sa pagsabak nito sa Thailand.
Ito ay dahil sa kinuha ng isang koponan sa Thailand si Valdez para maglaro doon.
Umaasa si Valdez na sa kanyang pagsali sa naturang torneo ay magbubukas ito ng pintuan sa iba pang Pinay volleyball players na makapaglaro sa ibang bansa.
Ang Thailand leg na sinalihan ng dating three time UAAP most valuable player ay magsisimula sa darating na Enero.
By Ralph Obina
Nilangaw ang Christmas day special ng 2016-2017 PBA All Filipino Cup, sa Philippine Arena, Bocaue, Bulacan, noong Linggo.
Bigong mapuno ng Barangay Ginebra Gin Kings at Star Hotshots ang 55,000-seat capacity ng Arena sa kabila ng kanilang Manila Clasico game.
Ayon kay Philippine Arena Media Bureau Chief Willie Marcial, nasa 20,000 lamang ang nanood ng sagupaang Ginebra-Star na nauwi sa panalo ng Gin Kings sa score na 86-79.
Kabilang na rito ang mga nanood ng unang laban sa pagitan ng Blackwater Elites at Mahindra Floodbuster kung saan nasungkit ng Mahindra ang una nitong panalo sa score na 97-93 via overtime.
Noong isang taon ay lumampas sa 20,000-seat capacity ang nanood ng Philippine Cup playoff series ng Gin Kings at Hotshots sa Mall of Asia Arena, Pasay City kung saan winalis ng Ginebra ang Star sa score na 92-89 sa pamamagitan ng buzzer-beating 3-pointer ni LA Tenorio sa overtime.
By Drew Nacino
Nasungkit ng defending champion Cleveland Cavaliers ang panalo sa NBA Christmas games kontra Golden State Warriors.
Dikdikan ang laban ng dalawang koponan ngunit sa huling bahagi ng 4th quarter ay binasag ni Kyrie Irving ang lamang ng Warriors dahilan upang umabanse ng isang puntos ang Cavs sa iskor na 107-108.
Sa natitirang 3.4 seconds, sinikap ng Warriors na makapuntos ngunit sinawimpalad makaraang madulas si Kevin Durant.
Nanguna sa panalo ng Cavs si Lebron James na may 31 puntos habang 25 naman ang kay Irving.
Ito ang unang paghaharap ng Cavs at Warriors matapos ang Game 7 Finals noong nakaraang season kung saan ang Cleveland ang nakasungkit ng kampeonato.
By Ralph Obina
Magpapahinga ng hanggang 3 buwan ang point guard ng NBA defending champion Cleveland Cavaliers na si J.R. Smith.
Ito’y matapos maoperahan si Smith noong biyernes para sa kanyang nabaling hinlalaki sa Crystal Clinic Orthopedic Center sa Ohio.
Nakuha ni Smith ang nasabing thumb injury matapos na makipagbakbakan ang Cavs laban sa Milwaukee Bucks noong araw ng Miyerkules.
By Meann Tanbio