SPORTS

Hindi umubra ang kuryente ng Meralco Bolts sa lakas ng Global Port Batang Pier matapos maitala ang final score na 97-89.

Pinangunahan ni Terence Romeo ang panalo ng Batang Pier matapos makapagtala ng 27 points, limang rebounds at limang assists.

Umabot naman sa 13 points ang naging ambag ni KG Canaleta, 12 points at walong (8) rebounds ang ginawa ni Billy Mamaril at 12 points ang kontribusyon ni Mike Cortez.

Dahil sa naturang panalo, nasa 4-3 o apat na panalo at tatlong talo na ang hawak ng Global Port samantalang 2-5 standing naman ang Bolts.

By  Judith Larino   

Matindi ang pinagdaanan ni Top Seed Andy Murray bago tuluyang makalusot sa semifinals ng Qatar Open.

Ito ay makaraang pahirapan siya ng husto ng kalabang si Nicolas Almagro ng Spain.

Gayunman, makalipas ang dalawang oras at siyam na minuto ay bumigay din ang laro ni Almagro at nasungkit ni Murray ang matamis na tagumpay sa iskor na 7-6 at 7-5 sa quarterfinals.

Ito na ang ika-25 sunod na panalo ng two-time Qatar Open Champion na si Murray.

Makakaharap naman sa semifinals ni Murray si Third Seed Tomas Berdych.

By  Ralph Obina   

Posibleng sa Australia isagawa ang susunod na laban ni Senador Manny Pacquiao.

Kasunod na rin ito ng naunang pahayag ni Top Rank Promotions President Bob Arum na hindi na muna sa Amerika idaraos ang susunod na laban ng Pambansang Kamao.

Lumutang din ang report na sa hometown ni Australian professional boxing star Jeff Horn sa Brisbane, Australia target ng Top Rank idaos ang pagbabalik ring ni Pacman.

Si Horn ang matunog na pangalang ipantatapat sa Senador matapos lumabot ang posibilidad na makaharap si Terence Crawford dahil sa hinihinging 20 million US dollar guaranteed prize ni Pacquiao.

Sinasabing nakatakda nang lumipad pa Los Angeles sa California, USA ang mga kinatawan ng promoter ni Horn para makipag-negosasyon sa kampo ni Arum.

By  Judith Larino    

Sinuwag ng Chicago   Bulls ang   Cleveland Cavaliers sa kanilang pagtutuos sa   iskor na 106-94.

Sinamantala ng   husto ng Bulls ang pagkawala    nina   Kyrie Irving, Kevin Love, J-R Smith at    Mike    Dunleavy sa   koponan ng Cavs.

Dahil    dito, natapos ang 3 winning streak   ng       defending champion    na Cavs.

Pinangunahan ni Jimmy Butler at Taj Gibson ang panalo ng Bulls.

Kumana   si   Butler ng 20 puntos habang nag-ambag naman ng   18 puntos      si    Gibson.

By: Ralph Obina

Maagang nalaglag sa Hopman Cup ang Swiss tennis star na si Roger Federer.

Ito ay makaraang talunin si Federer ng teenager at mas malakas na manlalaro sa Germany na si Alexander Zverev.

Ginulat nang husto ng 19-anyos na tennis rising star si Federer sa iskor na 7-6, 6-7 at 7-6.

Pinakitaan nang husto ni Zverev si Federer ang 80 percent service accuracy sa laban nila na tumagal ng dalawa at kalahating oras.

By  Ralph Obina

Panahon na upang magretiro si dating UFC Champion Ronda Rousey.

Ito ang payo ni hall of famer coach at trainer na si Freddie Roach matapos ang masaklap na pagkatalo ni Rousey sa kamay ng Mixed Martial Artist (MMA) na si Amanda Nuñes noong Sabado.

Giit ni Roach, mas mainam kung pagtuunan na lamang ng pansin ni Rousey ang pag-aartista.

Si Rousey ay kabilang sa mga pelikulang Fast and Furious 7 at Expendables 3.

Matatandaang lamog ang mukha ni Rousey nang paulanan ito ng suntok ni Nuñes kung saan tumagal lamang ang laban ng apatnaput walong (48) segundo.

By  Ralph Obina   

Nasungkit ng defending champion na si Novak Djokovic ang buena manong panalo ngayong 2017 sa pagbubukas ng Qatar Open.

Ito ay makaraang idispatsa ni Djokovic ang German tennis player na si Jan Lennard Struff sa iskor na 7-6, 6-3.

Aminado si Djokovic na nangangapa siya sa mga unang bahagi ng laro at sa kalagitnaan na ng tuluyang mag-init.

Makakaharap ng Serbian tennis star sa second round ng Qatar Open ang mananalo sa pagitan nina Florian Mayer ng Germany at Horacio Zeballos ng Argentina.

Matatandaang natanggal sa pagiging world’s number one si Djokovic nitong huling bahagi ng 2016 matapos siyang daigin ni Andy Murray.

By  Ralph Obina

Maagang nakuha ng Indiana Pacers ang kalamangan at hindi na muling lumingon pa dahilan upang umuwing luhaan ang kalabang Orlando Magic sa iskor na 117-104.

Pinangunahan ni Myles Turner ang panalo ng Pacers sa pamamagitan ng dalawampu’t tatlong puntos at labindalawang rebounds nito.

Tumulong din si Paul George na kumana naman ng labing siyam na puntos.

Ito na ang ikalawang sunod na talo at ikadalawampu ng Magics para ngayong season.

By Ralph Obina / (Photo Credit: AP)

Pinutol na ng koponang Indiana Pacers ang kanilang 4 na sunud-sunod na pagkatalo nang ilampaso nito ang Chicago Bulls sa score na 111 – 101.

Nadomina ni Paul George ang laban ng Pacers mula sa unang bahagi ng laro hanggang sa maungusan na nito ang Bulls sa ika-4 na bahagi na siyang dahilan upang masungkit nila ang ika-16 nilang panalo.

Dahil dito, nalasap ng Bulls ang napakapait na 17 pagkatalo nito mula sa 33 laban nila sa kabuuan ng NBA Season.

Samantala, timbuwang din ang Milwaukee Bucks sa kamay ng Minnesota Timberwolves sa score na 116-99 nang umarangkada naman si Andrew Wiggins na sinundan naman nila Zach Lavine, Giannes Ante-Tokounm-Po at Jabari Parker.

By: Jaymark Dagala