Nagwagi ang Rain or Shine kontra Terrafirma Dyip sa 2022-2023 PBA Commissioner’s Cup na ginanap sa Smart Araneta Coliseum kagabi.
Naiuwi ng ROS ang panalo sa iskor na 106-94 kung saan, lumamang sila sa una, ikatlo at ika-apat na quarter.
Nanguna sa koponan ang kanilang import na si Steve Taylor Jr., matapos makapagtala ng 20 points, 24 rebounds, 3 assists, 3 steals, at 2 blocks.
Samantala, nakaambag din sa panalo sina Beau Belga at Andrei Caracut na pareho namang umiskor ng 12 puntos.
Isang walong taong gulang na bata ang ipinadala sa Thailand upang kumatawan sa bansa sa larong chess.
Lilipad patungong Thailand si Bince Rafael Operiano na mula sa Albay.
Ito ay matapos maipanalo kamakailan ni Operiano ang youth and schools chess championships grand finals boys under 9 categories.
Ayon sa National Chess Federation of the Philippines (NCFP), maaaring maging national master ang status ni Operiano pagtungtong nito ng sampung taong gulang.
Nagbigay-pugay naman si Albay vice governor Edcel Greco Lagman Jr. kay Operiano at umaasa ito na makatatanggap ng sapat na insentibo ang batang chess prodigy para makatulong upang mahasa pa ang galing nito sa larangan ng chess.—sa panulat ni Hannah Oledan
Wagi ang koponan ng Magnolia kontra Converge sa nagpapatuloy na PBA Commissioner’s Cup na ginanap sa Araneta Coliseum, kagabi.
Pinangunahan ni Import Nick Rakocevic na tumipa ng 21 points at 24 big – rebounds ang panalo ng Hotshots, sa iskor na 109-105.
Naging katuwang naman ng hotshot import ang limang local players ng koponan makaraang makapagtala ang mga ito ng double digit scores.
Dahil dito, naitala ng Magnolia ang kanilang kartadang 2-wins 0-loss habang nakamit naman ni Converge Coach Aldin Ayo ang kanyang kauna-unahang pagkatalo sa PBA.
Naungusan ng Jose Rizal University (JRU) ang MAPUA University sa pamamagitan ng 67-64 overtime win.
Ito ang ikatlong sunod na panalo ng JRU sa National Collegiate Athletic Association (NCAA) season 98 men’s basketball.
Sa unang quarter ng laro, napanatili ng JRU ang momentum ngunit dumausdos ng kaonti sa fourth quarter kung saan muntik nang makahabol ang MAPUA Cardinals.
Sa natitirang bahagi ng fourth quarter, pinangunahan ni Adrian Nocum ang laro para sa isang equalizer na 60-all, dahilan para mag-overtime ang laro.
Ngunit nakadepensang muli ang JRU, dahilan para maging 67-62 ang score sa natitirang 1 minute and 35 seconds ng laro.
Tinapos ni Nocum ang laro sa pamamagitan ng lay-up, na siyang huling puntos ng Mapua.
Naka-iskor Joshua Guiab ng JRU ng 17 points at 10 rebounds; bumanat naman si Marwin Dionisio ng 15 points at 5 rebounds; habang nag-ambag si Agen Miranda ng 13 points at 4 rebounds at 3 assists.
Samantala, pinamunuan naman ni Brian Lacap ang MAPUA Cardinals na umiskor ng 13 points at anim na boards.
Si Lacap lamang ang may double-digit score sa hanay ng Cardinals habang naka-iskor naman si Nocum ng 8 points. —sa panulat ni Hannah Oledan
“Absolutely Not.”
Ito ang inihayag ni American Boxer Floyd Mayweather Jr., matapos ang napaulat na posibleng magkaroon ng re-match sakanila ni pambansang kamao Manny Pacquiao.
Ayon kay Mayweather, hindi magaganap ang isa pang super fight sa kanila ni Pacquiao dahil wala siyang balak na muli itong kalabanin.
Sinabi ni Mayweather na tapos na ang kanyang mga hard fights mula 1987 hanggang 2017, kaya ang lahat ng kanyang mga laro ay for entertaining at kasiyahan nalamang.
Matatandaang bago ang pagdating ni Mayweather sa Pilipinas, napatumba nito si MMA fighter Mikuru Asakura sa Saitama super arena sa Japan, kung saan personal na nanood ng laban si Pacquaio.
Hindi nakikita sa FIBA ranking ang lakas ng isang basektball team.
Binigyang diin ito ni Dating Gilas Pilipinas Coach Tab Baldwin matapos balewalain ang pagbaba ng ranking ng Gilas sa FIBA.
Batay sa latest FIBA ranking, Ang Gilas Pilipinas ay nasa ika-41 puwesto na mula sa dating ika -33 at kung saan naungusan na umano ng South Korea na nasa 34th place at Japan na nasa 38th place.
Sinabi ni Baldwin na maraming bansa sa Europa ang nasa mababang ranking subalit nagka kamepon pa rin ang mga ito dahil sa maganda at magaling na performance ng mga ito.
Mahalaga pa rin aniya ang mga larong ipinapakita ng isang koponan.
Hinirang bilang team captain ng Shiga Lakes si dating UAAP most valuable player Kiefer Ravena sa kanyang ikalawang season sa B.League team.
ito ay para pamunuan ang Lakes sa 2022-2023 season ng B.League, na magsisimula sa sabado kung saan, kanilang makakaharap ang gunma crane thunders.
Dahil dito, ikinatuwa ni Kiefer ang nakuhang bagong posisyon kahit mayroon pang labing isang manlalaro na kaya ding pamunuan ang loob at labas ng basketball court.
Sa kabila nito, umaasa si Ravena na magiging mas maganda ang kanilang laro ngayong taon at handa siyang gawin ang kinakailangan upang matulungan ang kanyang koponan na maabot ang antas na kanilang kailangan para masungkit ang panalo laban sa Thunders.
Itinakda na sa Oktubre 20 hanggang 23 ang playoffs ng Mobile Legends: Bang Bang Professional League Season 10.
Ayon sa MPL League, magsisimulang magbenta ng ticket sa Oktubre 3 para sa mga nais manood ng laban na gaganapin sa Icite Auditorium sa Quezon City.
Kaunting audience naman ang papayagang manood kada araw para makasunod pa rin sa ipinatutupad ng minimum health protocols.
Ang mga koponang maglalaban-laban sa playoffs ay ang Echo, Onic Philippines, Blacklist International, Smart Omega, Bren Esports at Defending Champion na RSG Philippines.
Balik na sa basketball court ang beteranong manlalaro na si Andre Iguodala.
Ito ay matapos lumagda muli ng deal si Iguodala sa Golden State Warriors.
Nabatid na pinag-iisipan na noon ni Iguodala na magretiro pero nagbago siya ng isip matapos alukin ng koponan para sa isang pre-season games kontra Washington Wizards.
Kasama ang manlalaro ng Warriors team sa paglipad nito patungong Japan para sa pre-season games.
Bumagsak sa ika-41 puwesto ang world ranking ng National Basketball team na Gilas Pilipinas.
Ito ang inanunsiyo ng international governing body para sa basketball kaugnay sa paglalabas ng latest rankings ng mga bansa kasunod ng fourth window ng 2023 FIBA World Cup qualifiers at iba-iba pang continental championships.
Samantala, bago ito ay nakapuwesto ang Pilipinas sa ika-33 puwesto sa buong mundo ngunit mas mataas pa sa Pilipinas ang ranggo ng Korea, Jordan, at Japan sa Asia Pacific Region.