SPORTS

Determinado ang Filipino Boxer Challenger Jerwin Ancajas na mababawi ang korona sa rematch nila ni Fernando Martinez ng Argentina sa  Dignity Health Sports Park, Carson, California.

Natalo si Ancajas ni Martinez noong February 26 kung saan isinuko niya ang suot na International Boxing Federation (IBF) Super Flyweight Crown.

Tiniyak  naman sa  ikalawang bakbakan ni Ancajas na bawiin ang korona kay Argentine titlist.

Si Ancajas ay tubong panabo, Davao Del Norte na tumitimbang ng 114.6 pounds, habang 114.8 pounds naman si Martinez

– sa panunulat ni Jenn Patrolla

Pinabagsak ng University of the Philippines (UP) ang Far Eastern University (FEU) para sa kampeonato.

Humugot si Carl Tamayo sa kanyang 16 points sa final canto upang iligtas ang nagdedepensang University of the Philippines laban sa Far Eastern University sa UAAP season 85 men’s basketball tournament sa Smart Araneta Coliseum.

Nakaipon naman ng career-high na 17 points si Terrence Fortea habang 11 markers at 11 rebounds si Malick Diouf.

Nagbigay sa fighting maroons ng 68 to 64 bentahe sa huling dalawang minuto ng fourth quarter.

Samantala, natalo rin ang University of the East laban sa  Adamson. —sa panulat ni Jenn Patrolla

Kakatawan sa bansa ang 4 na Philippine teams laban sa Vietnam para sa Mobile Legends: Bang Bang invitational tournament for collegiate squads sa October 7 hanggang 9.

Kabilang sa 4 na koponan ang Collegiate Center for Esports (CCE) Season 1 Champion Lyceum of The Philippines University at CCE University Clash Invitational Champions LG Helios ng Ateneo, San Sebastian at Teletigers Esports club ng University of Santo Tomas.

Makakalaban naman ng Pilipinas ang Dangerous Guys (DG) Team, Chi Tho Ngok (CTN), Nextplay Esports at CĐ Kinh Tê TP Ho Chi Minh (HCE).

Hahatiin naman ang mga koponan sa dalawang grupo kung saan ang dalawang nangungunang koponan mula sa bawat grupo ay magkakatunggali sa crossover final round upang matukoy ang kampeon.

Mag-uuwi naman ng $600 ang mananalo habang ang runner up ay makakakuha ng $400 at $200 naman sa ibang semifinalists.

Kabilang sa group ang LG Helios, Lyceum, CTN at HCE habang Group B naman ang Teletigers, San Sebastian, Next Play, at DG Team. - sa panunulat ni Hannah Oledan

Pinagmulta ng Philippine Basketball Association (PBA) si TNT coach Chot Reyes at team manager na si Jojo Lastimosa.

Kasunod ito ng pagsugod ng dalawa sa mga game official matapos ang pagkatalo ng kanilang koponan laban sa Magnolia Hotshots sa iskor na 94-92, na ginanap sa Araneta Coliseum nito lamang Miyerkules.

Umabot sa ₱50,000 ang naging multa ni Reyes habang ₱20,000 naman ang naging multa ni Lastimosa.

Ayon sa PBA, nilabag umano ni Reyes at Lastimosa ang patakaran ng liga na nagsasabing bawal lumapit sa technical group table o makipag-usap sa mga opisyal sa gitna ng kanilang laban.

Nakiisa ang Paris sa mga french cities na mag-boycott sa fan zones ng FIFA World Cup dahil umano sa social at environmental issues.

Maliban sa Paris, ang mga lungsod ng Lille, Marseille, Bordeaux, Strasbourg at Reims ay nag-anunsyo rin na hindi na mag-oorganisa ng public viewings para sa nasabing event.

Ayon kay Pierre Rabadan, Paris Deputy Mayor of Sport, hindi umano ito ang nais nilang I-promote dahil kinokondena nila ang human rights abuse at environmental concerns sa naturang bansa.

Simula nang manalo ang qatar sa bid para maghost ng world cup noong 2010, mahigit 6,000 migrant workers ang namatay

Target ng Gilas Pilipinas na dalasan pa ang ensayo nito, mahigit isang buwan bago ang November window ng FIBA Basketball World Cup Asian Qualifiers.

Ipinabatid ni Gilas Coach Chot Reyes na hindi bababa sa 16 na players ang sumasali sa ensayo simula pa nuong isang buwan.

Binubuo ito aniya maging ng mga manlalarong inimbitahan nila mula sa UAAP at NCAA.

Sinabi ni Reyes na inaayos na lang nila ang mga schedule ng mga nasabing players para higit na matututukan ang ensayo para sa nalalapit na torneo.

Umalis na sa team ni coach Freddie Roach ang pinoy boxer at WBC Featherweight Champion na si Mark Magsayo.

Sa ginawang video vlog ng boksingero, kaniyang inanunsiyo na excited na siyang mag-training sa ilalim ng kaniyang bagong head coach.

Hindi naman kinumpirma ni Magsayo kung sino ang bagong team na kaniyang nilipatan pero una nang napabalita na kasama nitong nagtetraining si Filipino boxing coach Marvin Somodio sa Brickhouse Boxing Club sa Los Angeles, California.

Matatandaang nagsimulang magsanay si Magsayo sa Wild Card Gym ni Roach sa california, nang dumating ito sa US boxing scene, dalawang taon na ang nakakalipas kung saan, nasungkit niya ang world championship matapos matalo si Gary Russell Jr. via majority decision noong Enero.

Naghahanda na si Pinoy boxer-olympic medalist Eumir Marcial para sa kanilang laban ni American boxer Steven Pichardo.

Nabatid na sinimulan na ni Marcial ang kaniyang training noon pang nakaraang buwan kung saan, ilan sa kaniyang mga naging sparring partner, ang  kapwa Pinoy boxer na si Jerwin Ancajas.

Target ni Marcial na maiuwi ang titulo ng Pilipinas matapos ang huling naging laban nito sa Tokyo Olympics sa Las Vegas.

Gaganapin ang kanilang laban sa October 9, 2022, sa Carson, California para kanilang six-round middleweight fight.

Nagwagi ang Adelaide 36ers kontra Phoenix Suns sa final ng Preseason exhibition game ng NBL-NBA.

Nanguna sa koponan si Kai Sotto matapos magpakitang Gilas sa laban na ginanap sa Footprint Center sa Arizona kahapon, oras sa Pilipinas.

Nakapagtala si Sotto ng 11 points, 2 rebounds, at 2 steals habang nakaambag din sa koponan ng 35 points si Craig Randall at Robert Franks na mayroong 32 points.

Abangan naman ang susunod na laban ng Adelaide para sa isa pang nba Preseason Game kung saan, kanilang makakaharap ang Oklahoma City Thunder bago sila bumalik sa Australia para sa 2022-2023 National Basketball League Season.

Pasok sa championship ng World Junior Figure Skating ang Filipino American figure skater na si Sofia Frank.

Ang 16-anyos na FilAm ay pumuwesto sa ika-16 mula sa 49 sa ISU Junior Grand Prix sa Gdansk, Poland.

Si Frank ay umiskor ng 92.76 sa free skate at 49.99 sa short program at nasa ika-22 puwesto sa Junior World Championships.

Itinakda sa Calgary, Alberta sa February 2023 ang Junior World Championships.