Nagwagi ang Rain or Shine kontra Terrafirma Dyip sa 2022-2023 PBA Commissioner’s Cup na ginanap sa Smart Araneta Coliseum kagabi.
Naiuwi ng ROS ang panalo sa iskor na 106-94 kung saan, lumamang sila sa una, ikatlo at ika-apat na quarter.
Nanguna sa koponan ang kanilang import na si Steve Taylor Jr., matapos makapagtala ng 20 points, 24 rebounds, 3 assists, 3 steals, at 2 blocks.
Samantala, nakaambag din sa panalo sina Beau Belga at Andrei Caracut na pareho namang umiskor ng 12 puntos.
