Inaayos na ni dating MMA Champion Ronda Rousey ang paglipat nito sa WWE.
Ayon sa kampo ni Rousey, may inisyal nang negosasyon na nagaganap para sa nasabing paglipat.
Gayunman, nilinaw nitong hindi pa sila pumipirma ng kontrata sa WWE bagkus ay pinag-aaralan pa nila ang nakapaloob sa kontrata.
Sa ngayon, bukod sa pagsasanay, abala din si Rousey sa ginagawang pelikula nito na “Mile 22” kasama si Mark Wahlberg.
Sinimulan na ng Samahang Basketbol ng Pilipinas (SBP) ang preparasyon para sa hosting ng 2023 FIBA Basketball World Cup.
Aminado sina SBP Chairman Emeritus Manny Pangilinan, President Al Panlilio at Executive Director Sonny Barrios na kahit anim na taon pa ang hihintayin, hindi magiging madali ang paghahanda para sa nasabing event.
Pero isa anila sa kanilang unang hakbang ay kausapin ang mga FIBA official sa susunod na taon upang mailatag ang kanilang plano at bumuo ng isang local organizing committee.
Pursigido rin ang SBP na higitan kung ano gagawin ng China sa 2019 FIBA World Cup.
Bukod sa Pilipinas, kasama ding magho – host ng 2023 FIBA World Cup ang Japan at Indonesia.
Muling pinataob ng Cleveland Cavaliers ang kalabang Los Angeles Lakers.
Tinapos ng Cavs ang pag-asa ng Lakers sa iskor na 121-112.
Nanguna sa tagumpay ng Cavs si Kevin Love na kumana ng 28 puntos habang nakapagtala naman ng kanyang ika-59 na career triple double si Lebron James na nakasikwat ng 25 puntos, 12 assists at 12 rebounds.
Dahil dito, hawak na ng Cavs ang 21 panalo at walong (8) talo.
Tagumpay si WBO Welterweight Champion Jeff Horn laban kay Gary Corcoran ng Britain sa kanilang paghaharap sa Brisbane Convention Centre, sa Australia.
Wagi ang Australian boxer sa pamamagitan ng technical knockout 11th round nang ipatigil ng referee ang laban dahil sa matinding pagdurugo sa kaliwang kilay ng Briton.
Hawak na ni Horn ang 19 – 0 record kabilang ang 12 knockouts o wala pang talo.
Ito ang unang title defense ng tinaguriang “The Australian Hornet” matapos ang kontrobersyal niyang laban kay dating 8 Division World Champion at Senador Manny Pacquiao, noong Hulyo.
Umaasa naman ang Welterweight Champion na makakasagupa niya ang WBO, WBA, WBC at The Ring Light Welterweight Champion na si Terence Crawford sa Las Vegas sa susunod na taon.
Interesado ang Ukrainian boxer na si vasyl lomanchenko na makalaban si dating 8-Division World Champion Manny Pacquiao.
Inihayag ito ni Lomanchenko matapos ang matagumpay niyang laban kontra kay Guillermo Rigondeaux.
Ayon kay Lomanchenko, mas komportable siyang makalaban ang fighting senator kaysa sa isa pang boksingerong si Terrence Crawford.
Samantala, bukas naman si Top Rank CEO Bob Arum sa alok na laban ng Ukrainian boxer.
Handa ang NBA hall of famer superstar na si Dennis Rodman na magsilbing “peace envoy” ng Estados Unidos sa North Korea.
Ito’y upang maiwasan ang posibleng pagsiklab muli ng digmaan sa pagitan ng dalawang bansa sa gitna ng nagpapatuloy na nuclear arms development program ng NoKor.
Hiniling din ni Rodman kay US President Donald Trump na ipadala siya sa North Korea upang makipag-negosasyon kay Supreme Leader Kim Jong Un at kahit paano ay mabawasan ang tensyon.
Samantala, inihayag din ng retiradong basketbolista na may pagkakahalintulad ng ugali sina Trump at Kim gaya ng pagiging “dominante.”
Limang beses ng bumsita si Rodman sa North Korea simula noong 2012 upang magsilbing trainer ng national basketball team ng NoKor at itinuturing din niyang malapit na kaibigan si Kim.
Bigo ang New Orleans Pelicans na buwagin ang Western Conference top team na Houston Rockets.
Ito ay makaraang padapain ng Rockets ang Pelicans sa iskor na 130 – 123.
Nanguna sa panalo ng Rockets si Clint Capela na kumana ng dalawampu’t walong (28) puntos.
Habang sinegundahan naman ito ni James Harden na sumikwat ng dalawampu’t anim (26) na puntos.
Samantala, hindi naman sumapat ang tatlumpu’t pitong (37) puntos na ginawa ni Jrue Holiday para buhatin ang koponan ng Pelicans.
Ipinahiwatig ni dating World Number One Serena Williams ang nalalapit niyang pagbabalik sa tennis.
Sa kanyang Instagram account, nagpost ng larawan si Williams ng suot suot niyang ginto at puting tennis shoes at may caption na “Be excited. Be very excited.”
Matatandaang nawala pansamantala sa tennis scene si Williams matapos itong magbuntis at maipanganak noong Setyembre ang kanyang sanggol na si baby Alexis.
Matatandaang noong nakaraang taon lamang ay nasungkit ni Williams ang kanyang ika-23 grand slam singles title sa Australian Open.
Tagumpay ang Boston Celtics sa tila paghihiganti sa Detroit Pistons.
Ito ay matapos ilampaso ng Pistons ang Celtics sa kanilang naunang banggaan noong Nobyembre 29, kung saan naitala ang final score sa 118 – 108.
Sa kanilang pinakahuling paghaharap, pinangunahan nina Al Horford na gumawa ng 18 points at Kyrie Irving na kumana ng 16 points ang panalo ng Celtics tungo sa final score na 91 – 80.
Nag – ambag din sa para sa leading team sa Eastern Conference na Celtics sina Jaylen Brown na gumawa ng 12 points, Marcus Smart ng 12 points at rookie na si Jayson Tatum na 11 points.
Sa panig naman ng Detroit, humataw ng 19 points si Tobias Harris habang gumawa naman ng 15 points si Anthony Tolliver at 12 points ang kontribusyon ni Avery Bradley.
Ang Boston ay may hawak na 23 – 5 win loss record habang 14 – 13 naman ang sa Pistons.
Hindi pa rin natitinag ang Houston Rockets sa top spot ng Western Conference Division sa 2017-2018 regular season ng NBA.
Naitala ng Houston ang kanilang ika-siyam na sunod na panalo makaraang malusutan ang Portland Trail Blazers sa score na 124-117, kahapon.
Gaya ng dati, pinangunahan ni James Harden ang Rockets sa score na 48 points habang nagpakawala ng 35 points si Damien Lillard para sa Trail Blazers.
Hawak na ng Houston ang kartadang 20 wins at 4 losses habang nasa 2nd spot ng Western Conference ang defending champions Golden State Warriors sa standing na 21-6.