Tinapos ng Milwaukee Bucks ang sunod – sunod na panalo ng Cleveland Cavaliers.
Pinayuko ng Bucks ang Cavs sa iskor na 119 – 116.
Pinangunahan ni Giannis Antetokounmpo ang tagumpay ng Bucks na kumana ng dalawampu’t pitong (27) puntos.
Samantala, hindi naman sumapat ang tatlumpu’t siyam (39) na puntos ni Lebron James para ilayo sa pagkatalo ang Cavs.
Bigo ang Pinoy boxer na si Jason Pagara na masungkit ang WBO Asia Pacific Junior Welterweight title.
Ito ay makaraang talunin si Pagara ng Japanese fighter na si Hiroki Okada.
Pinatumba ni Okada si Pagara sa ika-anim na round ng laban.
Dahil dito, mayroon nang apatnapung (40) panalo, tatlong (3) talo at isang draw si Pagara.
Pormal nang nagretiro sa Los Angeles Lakers ang number 8 at 24 na jersey numbers ni Kobe Bryant.
Isinagawa ito sa half time period ng laban ng Golden State Warriors at Los Angeles Lakers.
Sinabi ni Bryant na nagpapasalamat sa ginawang pagkilala sa kaniya ng Lakers.
Tinawag naman bilang greatest Laker ever si Bryant ni Lakers Basketball operations at dating 6 time NBA Champion Magic Johnson.
Sa kaniyang karera sa NBA na nagtapos nuong 2016 si Bryant ay nakagawa ng halos 34 thousand points na ikatlo sa mga pinakamataas na puntos sa kasaysayan ng NBA.
Si Bryant ay ika sampung player na ng Lakers na niretiro ang jersey number at bukod kay Johnson, ni retiro na ang jersey number nina Wilt Chamberlain, Elgin Baylor, Gail Goodrich, Abdul Jabbar, Shaquille o Neal, James Eorthy, Jerry West at Jamaal Wilkes.
Tinanggihan ni Mexican boxing legend Juan Manuel Marquez ang alok na isandaang milyong dolyar ($100-M) ng mga negosyanteng Pinoy para labanan sa ika – limang pagkakataon si Pambansang Kamao Manny Pacquiao.
Giit ni Marquez, may mga bagay sa mundo na hindi mabibili o matutumbasan ng pera.
Gaya aniya ang karangalan na sa wakas ay natalo niya ang matindi niyang karibal na si Pacquiao noong 2012.
Ito aniya ang mas mahalaga sa lahat na kanyang iniingatan kaya’t ayaw na niyang muling labanan si Pacquiao.
Matatandaang sa unang tatlong laban nina Pacquiao at Marquez ay humantong sa card decision.
Habang sa ika – apat nilang pagtutuos ay pinatumba na ng Mexican warrior sa ika – anim na round si Pacquiao.
Nasungkit ni Cleveland Cavaliers star Lebron James ang ika-4 na sunod niyang triple-double.
Ito ay kasunod ng pagpapatumba sa koponan ng Washington Wizards sa iskor na 106-99.
Nakapagtala si Lebron ng dalawampung (20) puntos, labing limang (15) assists at labing dalawang (12) rebounds.
Aminado si Lebron na hindi gaano naging maganda ang kanyang naging laro at mabuti na lamang at tinulungan siya ni Kevin Love na tumipa ng dalawampu’t limang (25) puntos.
Kasalukuyang hawak ng Cavs ang labing walong (18) panalo.
Wala pa sa radar ni Mixed Martial Arts star Conor McGregor si dating 8-Division World Champion Manny Pacquiao.
Ito ay sa kabila ng pahiwatig ng Pambansang Kamao ukol sa laban nila ni McGregor.
Gayunman, sinabi ng Irish Fighter na nais niya munang lumaban muli sa Octagon sa halip na sa ring.
Matatandaang hindi pa lumalaban si McGregor magmula nang matalo ito sa boksing kay undefetead boxer Floyd Mayweather Jr.
Nag-resign na si PBA Commissioner Chito Narvasa.
Inanunsyo ito mismo ni bagong PBA Chair Ricky Vargas, ilang minuto bago nagbukas ang 43 season ng PBA kahapon.
Nabatid na si Media Bureau Chief Willie Marcia ang itinalagang officer in charge habang naghahanap pa ng kapalit ni Narvasa.
Sinasabing pito sa labing dalawang board members ang suportado ang pagsibak kay Narvasa.
Una nang nagpahayag ng loss of confidence kay narvasa ang mga nasabing board members.
Tagumpay na naiuwi ng Celtics ang kampyonato laban sa Grizzlies.
Sa score na 102-93 nagtapos ang labanan sa pagitan ng dalawang koponan.
Nakakamada ng 20 points si Kyrie Irving na may labing siyam (19) at siyam (9) na rebounds naman si Jayson Tatum.
Nabatid din na 49 porsyento ang shooting average ng Celtics sa laro ngayong araw.
Aarangkada na ang 43rd season ng PBA Philippine Cup sa Araneta Coliseum, Quezon City.
Magsisimula ang opening ceremony, mamayang alas singko ng hapon.
Buena mano namang sasabak sa game ang three-time defending champions San Miguel Beermen kontra Phoenix Fuelmasters, ala sais kwarenta’y singko mamayang gabi.
Bukod sa San Miguel, inaabangan din ang magiging performance ng Alaska Aces lalo’t ito ang nakalaban ng San Miguel Beer sa finals ng 2015-2016 season.
Labis na ikinabigla ng Showtime Sports ang resulta ng sales o kita ng bakbakang Conor McGregor at Floyd Mayweather Jr. noong Agosto.
Ito’y makaraang tumabo ng 4.3 milyon ang pay per view buys ng laban sa North America na nagkakahalaga ng humigit kumulang kalahating bilyong dolyar.
Gayunman, nananatili pa ring nangunguna ang laban nila fighting Senator Manny Pacquiao at Floyd Mayweather noong isang taon na nakapagtala ng 4.6 milyong buys at kumita ng 600 milyong dolyar.