Lusot na sa quarterfinals ng Washington Open si 3-time grand slam champion Andy Murray.
ito ay matapos niyang payukuin ang kalabang si Kyle Edmund sa iskor na 7-6, 1-6 at 6-4.
Masaya sa resulta ng laro si Murray na kababalik lamang mula sa kanyang injury.
Ayon pa kay Murray, malaking kumpiyansa ang mabibigay nito sa kanya sa mga susunod pang laban.
Matatandaang labing isang (11) buwan ding hindi nakapaglaro si Murray dahil sa right hip injury nito.
Puspusan na ang isinasagawang konstruksyon ng pamahalaan sa SEA Games athletic stadium sa New Clark City sa Tarlac.
Ito ay bilang paghahanda sa South East Asian o SEA Games na gaganapin sa Pilipinas simula ika-30 ng Nobyembre hanggang ika-10 ng Disyembre sa susunod na taon.
Sinabi ni Bases Conversion and Development Authority President Vince Dizon, target nilang matapos ang stadium sa susunod na buwan at makapagsagawa ng dry run sa October 2019.
Ang Pilipinas ang magsisilbing host sa 2019 Southeast Asian Games.
Liyamado na ang defending champion San Miguel Beermen sa best of seven series ng 2018 PBA Commissioners Cup Finals.
Muling sumikwat ng panalo ang Beermen sa Game 3 matapos patumbahin ang sister team na Barangay Ginebra Gin Kings sa score na 132-94, sa Araneta Coliseum, kagabi.
Nagpakawala ng 28 points si renaldo balkman upang i-angat ang smb habang sumalaksak ng 32 points si justin brownlee para sa ginebra.
Ito ang unang beses sa kasaysayan ng PBA Finals na umabot sa mahigit 25 puntos ang kalamangan ng isang team sa kalaban sa tatlong magkakasunod na game.
Una ng tinambakan ng Gin Kings ang San Miguel sa Game 1 sa score na 127-99 habang bumawi sa Game 2 ang Beermen sa score na 134-109.
Sa ngayon ay 2-1 na ang kartada sa best-of-seven series ng Finals habang maghaharap muli ang dalawang koponan sa Big Dome, para sa Game 4, bukas.
Aasahan na ng Barangay Ginebra Gin Kings ang resbak ng defending champion San Miguel Beermen o SMB sa Game 2 ng 2018 PBA Commissioner’s Cup finals, mamaya.
Ayon kay Ginebra Coach Tim Cone, handa na sila sa anumang magiging gameplay ng kanilang sister team na San Miguel.
Bagaman inaasahang pupuwersahin ng SMB na itabla sa 1-1 ang kartada, tiniyak ni Coach Tim na magiging dikdikan ang laban at pahihirapan nila ang Beermen.
Aminado si Coach Tim na gaya nila ay beteranong team din ang San Miguel kaya’t batid nila ang katatagan at lakas ng SMB.
Magugunitang inilampaso ng Gin Kings ang kanilang sister team sa score na 127-99, sa Game 1 ng best of seven series ng finals.
Aarangkada ang Game 2 sa Araneta Coliseum, sa Quezon City, mamayang ala sais y medya ng gabi.
Hindi na sasali ang national team ng Pilipinas sa basketball tournament para sa 2018 Asian Games.
Ito ang inanunsyo ng Samahang Basketbol ng Pilipinas o SBP kasunod ng naganap na gulo sa laro ng Pilipinas at Australia sa FIBA World Cup Qualifiers noong July 2, 2018.
Batay sa inilabas na statement ng SBP, napagdesisyunan nilang i-withdraw ang torneo sa Asian Games para maghanda sa pag-apela kaugnay sa naging desisyon ng FIBA Disciplinary Panel.
Magkakaroon din umano ng regrouping ng organisasyon para naman isalang sa mga nalalapit na laban tulad ng pagpapatuloy ng FIBA World Cup Qualifiers at 2023 FIBA Basketball World Cup.
Kasabay nito, humingi ng paumanhin at nagpasalamat ang SBP sa lahat ng sumuporta sa kanila at tiniyak na sa kanilang pagbabalik ay mas magiging maayos na ang performance ng kanilang koponan.
Plano ni 8-Division World Champion Manny Pacquiao na lumaban ng isa pa bago matapos ang 2018.
Ayon kay Pacquiao, target nila itong maisakatuparan sa Disyembre bagamat wala pang detalye sa kung sino ang makakalaban nito.
Samantala, ibinunyag naman ng magka-kuwarenta nang si Pacquiao ang sikreto ng kanyang lakas at pagkakaroon ng youthful energy.
Ayon kay Pacquiao, bagamat patuloy na nadaragdagan ang kanyang edad ay nananatiling 27 hanggang 28 aniya ang kanyang pakiramdam.
Tanging sikreto aniya nito ay ang pagiging masaya at positibo sa kabila ng mga kinakaharap na problema.
Matatandaang nitong Hulyo, nasungkit ni Pacquiao ang WBA Welterweight bElt nang i-knockout nito sa 7th round ng laban ang pambato ng Argentina na si Lucas Matthysse.
Inamin ng isa sa mga miyembro ng Team Pacquiao na may “inborn heart problem” ang bagong WBA Welterweight Champion na si Senator Manny Pacquiao.
Ayon kay Mike Koncz, personal adviser ni Pacquiao, Hulyo 8 nang dalhin si Pacman sa Maynila mula General Santos City upang magpagamot, isang araw bago bumiyahe ng Kuala Lumpur, Malaysia.
Nahirapan anyang huminga ang People’s Champ sa training kaya’t sumailalim sa angiogram, electro-cardiogram at pinatakbo sa treadmill at nanatili sa ospital ng halos isang araw.
Aminado rin si Koncz na nais ng mga doktor ng senador na kanselahin ang laban nito kay Lucas Matthysse subalit iginiit ng mambabatas na ipagpatuloy.
Sa kabila nito, tiniyak ni Koncz na hindi pa naman dapat ikabahala ang kondisyon ng dating 8-Division World Champion at hindi naman ito nakaapekto sa kanyang performance noong linggo.
Tiniyak ng British boxer na si Amir Khan na kanyang patutumbahin si People’s Champ Manyy Pacquiao sakaling matuloy ang kanilang paghaharap.
Ayon kay Khan, matagal na niyang pinaghahandaan ang posibilidad ng paghaharap nila ni Pacquiao sa parisukat na lona.
Aniya, nakahanda siyang isantabi ang kanilang pagkakaibigan ni Pacquiao para sa nasabing laban.
Una nang binanggit ni Pacquiao ang pangalan ni Khan bilang isa sa nais niyang susunod na makalaban matapos naman manalo kontra sa Argentinian boxer na si Lucas Matthysse.
Target ng Barangay Ginebra na tapusin na sa July 23 ang kanilang best of 5 series sa PBA Commissioners Cup kontra sa Rain or Shine.
Base sa semifinals standing, dalawa na ang panalo ng Ginkings, matapos pataobin kagabi ang Elasto Painters sa score na 75-72 at may isang panalo pa lamang.
Ayon kay Ginebra Coach Tim Cone, hindi siya kuntento sa naging panalo nila kagabi kaya’t kailangan pang pagbutihin ang kanilang performance sa game 4 upang masungkit na ang PBA finals berth.
Gaganapin ang game 4, 7:00 ng gabi bukas sa Araneta Colisuem.
Muling sumikwat ng panalo ang Ateneo de Manila University Blue Eagles sa 2018 William Jones Cup.
Nalusutan ng Blue Eagles ang Chinese Taipei sa score na 77-76 sa kanilang paghaharap sa balwarte ng host country sa Xinzhuang gymnasium sa Taipei, Taiwan, kahapon.
Ito’y sa pamamagitan ng buzzer-beater 3 point shot ng Ateneo point guard na si Matt Nieto sa huling tatlong segundo ng last quarter.
Hawak na ng Chinese Taipei ang momentum sa score na 76-74 matapos ang dalawang free throws subalit nabitin ang kanilang panalo makaraang mapunta kay Nieto ang bola at makalibre upang ipasok ang tres nang walang mga bantay.
Dahil dito, hawak na ng Ateneo ang kartadang 5-2 upang mapako sa ika-apat na pwesto.
Sunod na makakaharap ng mga basketbolistang Pinoy ang Iran, mamaya.