Laglag na sa Rogers Cup si Wimbledon champion Novak Djokovic.
Ito ay matapos siyang idispatsa ng 19 year old Greek tennis player na si Tsitsipas sa iskor na 6,3, 6-7, 6-3.
Hindi naiwasan ng bagitong manlalaro na maging emosyonal sa naturang tagumpay makaraang talunin ang 9th seed at four time Rogers Cup champion na si Djokovic.
Masayang-masaya si Tsitsipas sa kanyang naging performance lalo na’t unti-unti niya nang nailalagay ang Greece sa mapa ng tennis.
Tagumpay na nasungkit ng Barangay Ginebra ang kampeonato ng PBA Commissioner’s Cup.
Ito’y matapos talunin ng Ginebra ang San Miguel Beermen sa iskor na 93-77.
Bumida sa panalo ng koponan ang pinakawalang 31 puntos ni Justin Brownlee habang 13 puntos naman kay Greg Slaughter.
Nagrehistro naman ng 12 puntos si Scottie Thompson na tinanghal bilang final MVP.
Taong 1997 pa huling nakasungkit ang Gins ng Commissioner’s Cup.
Pangungunahan ng Pangulong Rodrigo Duterte ang send-off ceremony sa mga atletang lalahok sa Asian games sa Indonesia simula August 18 hanggang September 2.
Nakatakdang isagawa sa Malakanyang sa August 13 ang seremonya kung saan kabilang sa ipapadala rin ang basketball team ng Pilipinas na muntik nang hindi matuloy.
Sinabi ng Malakanyang na buo ang suporta ng Pangulong Duterte sa delegasyon ng Pilipinas dahil isa ang sports gaya ng basketball ang paraan para mailayo ang mga kabataan sa masasamang bisyo tulad ng iligal na droga.
Sasali na muli ang Pilipinas sa 2018 Asian Games.
Ito ang inihayag ni Philippine Olympic Committee President Ricky Vargas bago ang pagsisimula ng Game 5 ng PBA Commissioner’s Cup Finals.
Ayon kay Vargas nag-desisyon ang Samahang Basketbol ng Pilipinas na bawiin ang kanilamg unang naging desisyon na umatras sa naturang torneo matapos ang gulong kinasangkutan ng Gilas Pilipinas laban sa koponan ng Australia.
Sinabi ni Vargas na ipahihiram ng San Miguel Beermen ang kanilang manlalaro na sina Christian Standhardinger at Paul Lee.
Si NLEX Coach Yeng Guiao naman ang siya pa ring hahawak ng pambato ng Pilipinas.
Ipinabatid din ni Vargas na umapela rin si Special Assistant to the President Bong Go sa kanila at sa SBP para muling hikayatin na magpadala ng pambato sa 2018 Asian Games.
Umatras sa Rogers Cup ang tennis star player at 23 – time grand slam champion na si Serena Williams.
Batay sa ulat, personal ang naging rason sa pag-atras ni Williams sa torneo bagama’t hindi na ito idinetalye pa.
Samantala, sinabi naman ng tournament director ng Rogers Cup, bagamat kanilang ikinadismaya ang hindi pagsali ni Williams sa torneo lalo’t inaabangan na ito ng ilan nitong fans, mananatili pa rin aniyang kaabang-abang ang kompetisyon.
Nakatakdang magbukas ang Rogers Cup sa susunod na linggo.
Laglag na sa Mubadala Silicon Valley Classic ang women’s tennis association third-seeded at American tennis superstar na si Venus Williams.
Natalo si Williams sa Greek tennis player na si Maria Sakkari sa set na 6-4, 7-6 sa kanilang paghaharap sa quarterfinals sa San Jose, California, sa Estados Unidos.
Umabante naman si Sakkari upang makaharap ang isa pang American tennis player na si Danielle Collins.
Nakarating sa semifinals si Collins makaraang mag-retire ang dating first seeded na si Victoria Azarenka ng Belarus dahil sa injury sa kanang hita sa kanilang paghaharap sa quarterfinals.
Interesado si undefeated american boxer na si Floyd Mayweather Jr na makatrabaho si pambansang kamao at fighting senator Manny Pacquiao.
Iyan ang reaksyon ni Mayweather makaraang tanungin siya hinggil sa posibilidad ng pagkakaroon nila ng rematch ng pambansang kamao.
Pero sinabi ni Mayweather na ayaw na niyang kalabanin si Pacquiao bagkus ay nais na niya itong makasama sa trabaho gayung wala na ito sa poder ni Top Rank Promoter Bob Arum.
Gayunman, bukas pa rin ang pambansang kamao sakaling magtawag ng rematch laban sa kaniya si Mayweather.
“May posibleng mag rematch kami….baka pumayag siya sa Macau.”
Bumawi ang Barangay Ginebra sa game 4 ng 2018 PBA Commissioners Cup.
Naitabla ng Gin Kings sa 2-2 ang serye matapos na ilampaso kagabi ang San Miguel Beermen sa iskor na 130-100.
Nanguna sa panalo ng Ginebra si Justin Brownlee na nakapagtala ng tatlumpu’t pitong puntos at labing isang rebounds.
Nag-ambag naman si Greg Slaughter ng labing siyam na puntos habang sumikwat ng labing walong puntos si Joe Devance.
Unang quarter pa lamang ay hindi na pinadikit ng Gin Kings ang Beermen.
Napabilib naman ng husto si Ginebra Coach Tim Cone sa ipinakitang performance ng kanyang mga manlalaro ngayong Game 4.
Pansamantalang tatayo bilang head coach ng Philippine Azkals ang bagong senior football adviser ng koponan.
Kasunod ito nang biglaang pagbibitiw ni Terry Butcher bilang head coach ng azkals mahigit isang buwan matapos itong maitalagang hawakan ang men’s football program ng bansa.
Ayon kay Azkals Team Manager Dan Palami, si Scott Cooper muna ang hahawak sa Azkals para makapagsimula na sa kanilang training camp sa Bahrain sa Setyembre.
Hunyo nang italaga si Cooper para alalayan si Butcher sa paghubog sa Azkals na sasabak sa darating na 2018 AFF Cup at 2019 Asian Cup.
Ang irish mentor ay naging coach din ng koponan ng Buriam United sa Thai Premier League, AFC Champions League, Thai FA CUP AT Thai League Cup.
Umatras na bilang coach ng Philippine Azkals si Terry Butcher.
Sa inalabas nitong pahayag, nais umano niyang tulungan ang football team ng kanyang bansa.
Si Butcher ay dating team captain ng England.
Bagamat nanghihinayang na hindi na matutuloy ang kanyang paghawak sa Azkals, nagpaabot na lamang ito ng pagbati sa koponan sa tagumpay ng pagsabak sa 2019 Asian Cup.