SPORTS

Opisyal nang nagbukas ang 2018 Asian Games sa Jakarta, Indonesia.

Pinangunahan ni Indonesian President Joko Widodo ang opening Ceremony sa Gelora Bung Karno stadium sa Jakarta.

Libu-libong atleta at coaches mula sa apatnapu’t limang bansa ang dumalo sa seremonya bitbit ang kani-kanilang watawat at traditional costumes.

Nagsilbing flag-bearer para sa Pilipinas ang Cleveland Cavaliers pointguard na si Jordan Clarkson suot ang Barong Tagalog.

Bukod sa Jakarta, co-host din ang lungsod ng Palembang sa 18^th Asian Games na magtatapos naman sa Setyembre 2.

Kuntento si Philippine Basketball Coach Yeng Guiao sa performance ni Filipino American at Cleveland Cavaliers Guard Jordan Clarkson sa unang araw ng ensayo nito kasama ng national team.

Ayon kay Reyes naging maganda naman ang chemistry ni Clarkson sa mga teammate nito.

Sinabi ni Guiao, na mas papaigtingin pa nila ang ensayo sa mga susunod na araw lalo’t mabigat ang susunod nilang kalaban —ang China.

Matatandaang hindi agad nakapaglaro sa unang laro ng national team sa Asian Games si Clarkson dahil sa kinailangan nitong magpahinga pagkarating ng Indonesia.

Sa kabila nito, panalo ang Philippine team at tinambakan ang Kazakhstan.

—-

Humakot ng mahigit isandaang (100) medalya ang Pilipinas sa ginanap na Skate Asia 2018 na ginanap sa Bangkok, Thailand.

Ayon sa ulat, labing pitong (17) Filipino figure skaters ang sumabak sa may isandaang (100) events na ginanap noong August 5 hanggang 12.

Sa kabuuan, nakasungkit ang mga kinatawan ng Pilipinas ng limampung gintong medalya, apatnapu’t tatlong (43) pilak at sampung (10) tansong medalya.

Kabilang sa mga nakalaban ng Pilipinas ang mga figure skaters mula sa China, Hong Kong, Malaysia, Singapore, Vietnam at iba pa.

Kabilang sa mga umangat sa naturang kompetisyon ang 13 year old na si Justine Gabrielle Lim na dinomina ang pitong events habang nanguna rin ang 16 years old na si Karylle Cate Kho sa limang figure skating events.

—-

Biyaheng Indonesia na mula Los Angeles, California, USA ang Filipino-American NBA player na si Jordan Clarkson upang maglaro para sa Gilas Pilipinas sa 2018 Asian Games.

Ayon kay Gilas coach Yeng Guiao, bagama’t hindi na aabot si Clarkson sa sagupaan ng Pilipinas at Kazakhstan, inaasahang makakasama ang Cleveland Cavaliers guard sa game ng national team kontra China.

Mamayang alas onse ng umaga, oras sa Pilipinas makakaharap ng Gilas ang Kazakhstan sa Gelora Bung Karno Basketball Hall sa Jakarta.

Sasagupain naman ng Philippine team ang China sa Martes, agosto a-bente uno.

Samantala, tiniyak ni Guiao na hindi magiging problema ang “chemistry” ng ibang gilas player kay Clarkson.

Makatatanggap ng isang milyong piso ang Pilipinong manlalaro na makapag uuwi ng gintong medalya sa 2018 Asian Games sa Indonesia.

Hatid ito ng Siklab Atleta Pilipinas sports foundation.

Ayon Siklab Atleta Chairman at Presidential Adviser on Sports Dennis Uy, paraan ito upang mahikayat at mabigyang motibasyon ang mga manlalarong Pilipino para pagbutihin ang kanilang laro para makapagbigay ng karangalan sa bansa.

Kalahating milyong piso naman ang ipagkakaloob sa manlalarong mananalo ng silver medal habang 250,000 pesos naman para sa mga mananalo ng bronze medal.

Matapos ang pagdaan sa mala-butas na karayom na proseso ng National Basketball Association o NBA ng Estados Unidos makapag-lalaro na sa wakas para sa Pilipinas si Cleveland Cavaliers guard Jordan Clarkson sa 2018 Asian Games.

Kinumpirma mismo ng Fil-American player na binigyan na siya ng go signal ng management ng NBA upang makapaglaro para sa national team na Gilas.

Sa kanyang post, sinabi ni Clarkson na masaya siya at nagpapasalamat sa mga taong naging dahilan para matuloy ang kanyang paglalaro sa Philippine basketball team.

Kasabay nito, ipinost din ni Clarkson ang larawan ng jersey na kanyang gagamitin para sa Asian Games.

Unang makakasagupa ng Gilas sa Jakarta, Indonesia bukas sa group D ang Kazakhstan.

—-

Nabigo ang Batang Gilas na masungkit ang bronze at 3rd place sa FIBA under 18 Asian Championship.

Ito’y makaraang resbakan ng China ang pilipinas sa score na 76-57 sa kanilang paghaharpa sa stadium 29 sa Bangkok, Thailand dahilan upang lumagpak sa 4th place ang mga Gilas player sa kartadang 3-2.

Namayagpag ang seven-footer na si Kai Sotto para sa Philippine team matapos magpakawala ng 16 points habang nag-ambag ng 14 points si Aj Edu.

Magugunitang natalo ang China sa gilas sa score na 73-63 sa kanilang preliminary-round game.

Samantala, nasilat naman ng Australia ang gold makaraang talunin ang New Zealand sa score na 72-63.

Sumabak na sa kauna-unahang pagkataon sa ensayo ng Los Angeles Lakers si Lebron James.

Ang ensayo ay ginawa sa practice facility ng University of California Los Angeles.

Nagkaruon din ng drills Si James sa mga miyembro ng staff at mga bagitong manlalaro ng Lakers na sina Brandon Ingram at Kyle Kuzma.